車仔麵之家 灣仔
最後更新:
車仔麵之家推介
馳名車仔麵店的第二分店，其濃郁湯底在區內聞名，另外可試試這裡的秘製酸齋和釀豆卜。
灣仔車仔麵之家
| 餐廳分店 | 車仔麵之家 |
|---|---|
| 地區 | 灣仔 |
| 電話訂位 | 28787338 |
| 餐單 Menu | 港式, 車仔麵 |
| 人氣指數 | 1106 |
| 價錢幾錢 | $50以下 |
車仔麵之家訂位位於灣仔區，詳細地址是灣仔春園街32-38號榮利大廈地下6號舖，餐廳寬敞座位數目共有未知幾多個。車仔麵之家幾錢？價錢優惠後人均消費大約$50以下埋單，早餐午餐晚餐車仔麵之家餐單包括有港式, 車仔麵等美食，付款方式有現金付款，Booking網上訂位可以電話致電 28787338 查詢訂座。
車仔麵之家優惠
車仔麵之家 評價 相片
灣仔嘅美食真係太多！要揀灣仔必食之店，車仔麵之家會係我推介嘅其中一間。
原因好簡單 車仔麵嘅餸款式多選擇，價錢親民又好味而且份量多，店舖位於春園街好方便，店員有禮貌。
中午時分就算排長龍都會好快食倒！因為先排隊買食物，然後至揾位，坐底左一陣等叫number, 過程好smooth，簡直快靚正！提一提大家，假日同公眾假期唔開！我最愛就係酸齋同咖喱魷魚！推介👍👍👍🍜🍢🌶4餸車仔麵 $47 （炸墨魚腐皮卷，魚旦，蘿蔔，蠔油齋 ，油麵）中辣 ： 點餐時一心掛住蘿蔔同蠔油齋，忘記了我的最愛咖喱魷魚，唉！後悔莫及 ！唯有留返下次再黎食！天氣涼涼地所以點了中辣！我個人最喜歡車仔麵配油麵，因為車仔餸咁多，慢慢食又唔會咁快漲哂！蘿蔔超甜， 蠔油齋未浸湯可以脆食，浸滿辣湯又超入味！必點！魚旦好有口感！炸墨魚腐皮卷普通，如果可以換返咖喱魷魚就完美！中辣真係好辣！🍜 🥓🌶5車仔麵 $58 （豬大腸，甜酸齋，豬紅，紅腸，魚皮餃，米粉）小辣 老伴揀嘅甜酸齋酸酸地又脆十分開胃，唔會好乾啱啱好，必食！豬大腸好入味，豬紅比較林身同好香，由於點了小辣會食倒個湯頭都好好味！下次再黎！
黎開灣仔呢頭做嘢，當然要搵下嘢食啦，師傅一支公加上仲寫緊關於車仔麵嘅食評，好自然就會諗下呢一區到底有邊間車仔麵可以食。
之前試過一次明明，但就覺得普普通通，所以冇再去。
再諗下有邊一間，忽然間醒起呢一間食店，講緊話以前好出名，立食都勁多人去，但師傅從來都唔鍾意立食，所以當佢有舖頭可以坐低食之後，先有去幫襯。
但係上次去嘅印象然係普通，不過既然講得寫車仔麵嘅食評 ，咁呢一間食店當然唔可以唔寫，於是乎就出發去呢間食店開餐。
黎到食店，入到去冇乜人，跟住望下個餐牌，有一個姐姐喺門口附近，就收銀飛落單。
望一望有乜好食，諗咗一陣師傅決定今次食油麵，餸都柯打左幾多，分別有豬紅，豬皮，豬腸，牛腩，咖哩魷魚同埋炸墨魚腐皮卷，再加上中辣，比完錢攞咗張飛仔，就等另一個姐姐煮麵同分餸。
等咗唔使好耐，好快就可以自己攞番碗車仔麵返埋位食，第一時間當然試下個湯底啦，湯底都幾香甜，味道幾濃，入口唔算咸，感覺都唔錯，再將佢個辣醬撈勻喺個湯底，香香辣辣，都幾惹味，湯底著實真的不錯。
於是乎再試一口咖哩魷魚，唔食尤自可，一食真係有啲火，咖哩魷魚冰冰凍凍，完全唔暖，好明顯就係煮咗好耐，一大盤擺左喺度，暖都唔暖住佢，冰凍嘅口感令師傅真係冇乜癮， 加上魷魚都幾硬口，唔算爽身，係要幾用力去咬，咖哩又唔香，唔得。
再試下豬紅，豬紅都幾滑身，不過都係滷得唔夠入味，口感可以但味道一般，普通。
豬皮真係炆得好入味，不過就太腍，完全冇爽口嘅口感，如果要爽得黎又入味，應該真係好難做到。
牛腩屬於碎腩，碎濕濕咁，入口普普通通，但勝在炆得腍同唔鞋口，正常貨色。
豬腸又係另一敗筆之作，完全炆唔腍，佢係嗰種好爽口韌身嘅豬腸，呢種口感絕對唔得，大膽啲講嘥左條豬腸。
最後炸墨魚腐皮卷，入口墨魚幾香，有墨魚粒喺裡面，爽口彈下，反而師傅覺得呢個係咁多個最好食的。
油麵都算唔錯，麵身香但又唔算好油，但係會有一種好想繼續食嘅衝動，所以油麵都偏好。
總括黎講食物水準比預期中差，真係唔知係師傅要求高，定係食店嘅水準越做越曳，環境都舒，服清潔乾淨，但價錢一啲都唔平，六餸一麵，埋單72蚊，款款都唔同價錢，有啲都算貴，特別係個豬腸同埋魷魚，賣到12蚊一份，但係完全唔值呢個價位，師傅相當失望 ，成碗車仔麵唯一可取嘅就係份量好多，即係話可以食得你飽，但係味道唔算好，唔喊都算俾足面啦，再來機會真係不大。
灣仔多唔同款式既野食就係人都知，但車仔麵就唔係間間都好食啦。
車仔麵之家先選擇麵底：粗麵、幼麵、油麵、河粉、出前一丁、等等...配料：豬大腸、豬手、咖哩魷魚、甜酸齋、等等...店內環境四四方方，首先在門口收銀處下單，然後找個位置坐下，等待店員叫手上的號碼，便可到收餐處取你下單的粉麵了。
地方尚算整潔，餐具、醬料都放了在枱面上，客人可自己拎取或添加。
今天點了粉腸、牛腩和甜酸齋配米粉。
車仔麵湯底很香濃，辣醬都會放於碗旁，可自行選擇添加多少，食落都幾惹味，只覺份量較少，下次男仔食，應該大都可以食到。
😅牛腩口感軟腍、五香味濃郁、牛味較淡。
粉腸外皮彈牙、內裡粉嫩、但有點點羶味。
重點係甜酸齋，食落外脆內軟嘅感覺，配合埋秘製醬汁，口感絕佳，而且他們分開另上，唔放入湯內浸腍，值得一讚。
間唔中都想食佢嘅酸齋，同一般傳統齋舖比 我覺得佢更有特色。
講真佢嘅酸齋唔夠酸，但佢勝在，買返屋企，沖左個涼再食，都仲係有一種外脆內軟嘅感覺，正，當然因為佢分開上，唔放入湯有關嘅，夠細心。
而佢嘅咖嘢玻璃尤魚，又係有一種爽脆嘅感覺，但佢嘅爽係放幾耐湯到，都係咁爽嘅。
而墨魚卷有墨魚尤嘅味，面有腐皮包住，仲要$10有一條半。
平時食開米粉，今次突然想食粗麵，講真個麵餅細左D，如想飽肚可能要加底或者....叫左2個餸囉，但真係好味囉。
會間中回味想黎幫襯。
不過唔食辣嘅我口多叫少辣，下次要返唔辣好了 因為咖哩尤魚都有少少辣，夠了。
平均$10至12一個餸左右，咁嘅質素，非常可接受。
在灣仔享負盛名的車仔麵之家，在灣仔區內有兩間分店。
在春園街內的分店內有10數個座位，先點餐結帳，再等叫號取餐。
中午午餐時間門外就會排起人龍，人龍移動的速度比預計中快，堂食和外賣各佔一半。
店外貼有餐牌，排隊時就可以想好要點的餸和麵。
今天點了酸齋、釀豆卜和蘿蔔配米線。
車仔麵湯底很香濃，不會有味精湯的口乾感；配料份量也不少，另上的酸齋脆口，像油炸鬼，豆卜內釀有蝦肉，蘿蔔鮮甜，加上秘製辣醬令人吃不停口。
三餸一麵只需$37，在灣仔區內算是十分親民；下次要試它備受讚賞的生炒沙嗲魷！
車仔麵之家餐單提供港式, 車仔麵等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 28787338 查詢。
您對於灣仔餐廳「車仔麵之家」有何 comment？
車仔麵之家餐廳詳細資料：
- 車仔麵之家地址: 灣仔春園街32-38號榮利大廈地下6號舖 Car Noodle's Family, Shop6, G/ F, Wing Lee Building,32-38 Spring Garden Lane, Wan Chai
- 車仔麵之家電話: 28787338
- 車仔麵之家價錢: $50以下
- 分類: 港式, 車仔麵
- 座位: 未知
- 付款: 現金
- FB專頁: 車仔麵之家 Facebook
更多車仔麵之家相關資料:
香港餐廳2026推介10月