華南粉麵茶餐廳 灣仔

華南粉麵茶餐廳 評價 相片

評語都說貴與難食，我就係要試一下先知道事實真相。

雲吞牛腩河 = $66雲吞都算正常，沒有什麼好與差！那麼我們就講下華南的招牌牛腩。

如果你喜歡超瘦叉燒那種肉質超韌，有如柴皮一樣的感覺，那就非到華南一試不可。

每咬一口，都花你力氣去 咀嚼。

吃後無聊，還可以花你一點點時間把牙縫的牛腩渣慢慢地挑出來。

還有那碎碎的河粉，真是讓你們練習用筷子的好機會，因為你要好俾心機先可以夾進口裡去。

我應該不會再去，咁你又會唔會勇於去挑戰下呢？

諗住灣仔譚臣道死角位老店，咁耐都生存到，唔會差得去邊，點知係伏，垃圾中之垃圾！店外故意唔放價錢牌（蠱惑招)，入到去先發覺價錢奇高（$73細份量坑腩撈），又唔好意思走，老闆阿叔又力sell馳名牛腩, 心諗會唔會係因為食物質素好而價錢高呢？所以都硬着頭皮一試. 真心講，牛腩味道唔係差，做到正常水平，不過唔係呢個價錢囉！個湯一味死咸冇鮮味！配兩細塊最cheap嘅椰菜，菜心都冇條！我話牛腩怕肥，要瘦啲，佢話冇問題。

點知上碟嘅時候發現啲牛腩肥到阿媽都唔認得，肥肉佔咗一半以上，問返佢，佢話正常係半肥瘦（😤咁點解佢又話比瘦啲位我嘅？&*^#x）衛生方面就唔講太多，大家都明啦。

阿叔攞碗麵嚟嘅時候隻手指係掂住啲麵。

睇返2019年啲餐牌價錢，原來依家仲貴咗兩成😱，看來真是疫情中的另類店，大家切記切記唔好去呢一間！！！或許係自己鋪，唔怕冇客，有客中埋去就劏下。

坦白講，咁樣做生意執咗佢啦！比啲有幹勁嘅餐飲業人士做啦！

見到有人喺youtube推介，睇食評似乎都真係食牛腩嘅。

所以特登嚟試一試。

叫咗兩碗粉。

一碗「坑腩」片頭米粉，另外一碗係普通「牛腩」牛肚米線。

就係想特登試一試坑腩同牛腩嘅分別。

唔試猶自可，試咗真係幾唔得。

一開始先黎碗坑腩片頭米粉。

個坑腩尚算普通，真係唔可以講到話超越同行水準。

講真真係非常普通。

如果你有期望而嚟，咁就必定失望。

基本上係只可以形容為一碗普通牛腩米。

坑腩普通，米粉普通，湯底普通，魚片頭係拎返嚟嘅。

溯價$88，價錢反映碗大小。

係大碗嘅！一定食得飽！但係除此之外，別無可取。

再試一試玩普通牛腩牛肚米線。

真係可以講話超唔得。

嗰碗牛腩硬過柴，根本就係成碗牛腩都係「趙」唔落去。

最奇怪嘅係，我叫碗牛腩牛肚米線。

唔淨止啲牛腩好硬，竟然連啲牛肚都係硬骨骨嘅！成件事基本上就炆唔林！ 總之呢一間舖頭，一定冇下次。

以為係灣仔老舖，食物水準應該唔差得去邊，坐低叫左牛腩面加芥蘭，俾張牌寫住 78，嘩咁貴！？一上面，嘩！垃圾到呢！又老又咸又鞋又硬又有渣，我本人未試過咁差嘅牛腩，湯底死咸，福字面既湯都好過佢，上埋碟菜，嘩！又係老遠，呢間野憑咩收呢個價？垃圾中嘅垃圾，奉勸大家千其唔好試，一試就胃痛到宜家

首次登記開open rice 評論，(希望大家勿中伏)首先中午時段，灣仔好多人排隊等食飯，因為我趕時間,見這間冇人排隊!諗住入去簡單食，之後走人。

(第一，職員冇禮貌，第二店舖舊，以上已冇理會。

)睇左餐牌叫左自制魚蛋米粉$46雙蛋出前一丁($45)魚蛋好咸，湯水不掂(如果後加湯，加錢)收費$46完全冇質素食之前叫佢拿水(用作洗餐具，佢哋话冇茶水提供，又話餐具已洗乾淨，但我餐具有污跡，叫佢哋再換餐具比我)再望住餐牌，(寫住冇水，冇茶水提供)最平魚蛋粉收$46其他要牛腩粉(6070)🥴如果檸茶，水等饮品，熱饮加$22即約90元 消費店舖舊!!冇禮貌!!而且好多野加錢(例如難飲的湯水)(最重要食物冇質素，連自制魚蛋也咸到死!勁重味精，價又貴(衰過$25元碗魚蛋粉)，明騙灣仔有錢上班族，或者好似我這一些第一次去〈冇下次>)繁忙時段無人排隊真的有原因

華南粉麵茶餐廳餐單提供港式, 粉麵, 米線等推介美食位於灣仔區，餐廳座位數50人均消費約$51-100，結賬可以用現金，Booking訂位可以電話致電 25272478 查詢。

您對於灣仔餐廳「華南粉麵茶餐廳」有何 comment？

華南粉麵茶餐廳餐廳詳細資料：

• 華南粉麵茶餐廳地址:
  灣仔譚臣道5-11號地下
  Wah Lam Noodle Restaurant, G/ F&1/ F,5-11 Thomson Road, Wan Chai
• 華南粉麵茶餐廳電話: 25272478
• 華南粉麵茶餐廳價錢: $51-100
• 分類: 港式, 粉麵, 米線
• 座位: 50
• 付款: 現金
• FB專頁: 華南粉麵茶餐廳 Facebook

更多華南粉麵茶餐廳相關資料:

• 華南粉麵茶餐廳分店
• Youtube
• Facebook
• Twitter
• Google