好味屋餐廳小廚 灣仔

好味屋餐廳小廚 評價 相片

20112009收工後「下場」喺灣仔, 喺灣仔返工的朋友又要開夜, 不如一齊食 dinner 吧.是日對交加里的速食店無興趣, 見未食過的呢度供應星馬菜色, 又試試.叫了魚喇沙配米粉; 朋友就食呢度的招牌海南雞飯.先嚟朋友的熱奶茶 (海南雞飯的餐飲), 堂食竟然用外賣紙杯 serve!?色水不錯, 飲落幾滑, 奶味 vs 茶味約 3:7, 朋友嫌太「茶」, 我就覺得剛好, 結果由我「包底」海南雞原來並無去骨, 朋友好唔 likey , 我倒覺得無所謂, 不過雞皮軟弱無力, 完全唔爽口; 雞肉亦一般, 黑肉就叫幾嫩滑, 但白肉係嚡得「挖喉」另上的醬汁只得薑茸及酸辣汁, 試了後者又覺得唔夠酸唔夠辣, 唔多掂.油飯 / 雞汁飯唔「油」, 食落乾身煙韌, 但實在太唔夠味了, 還是般咸道嗰間 (http://www.openrice.com/restaurant/commentdetail.htm?commentid=1940028) 好.冬瓜雞湯幾清, 帶輕微胡椒味, 無乜 MSG 痕跡, 叫 ok 吧.仲有碟前菜 / 花生 / cashews, 食了點漬木耳, 酸酸爽爽, 又反而不錯.魚喇沙米粉底就完全係一碗面頭淋了咖喱汁 (?) 的雜錦米粉... 湯底薄, herbs 香薄, 無椰香, 遑論海鮮湯了; 魚係炸過的急凍魚柳, 叫幾腍滑; 面頭的疑似咖喱汁唔辣, 帶椰香咖喱香, 反而幾惹味; 米粉十分索汁, 叫 ok; 其他配料有豆卜, (雪)青口, 魚片及炲蛋一隻, 其中最喜歡甜甜的彈牙魚片, 又最唔喜歡硬硬實實的無誠意炲蛋...食物一般, 環境就係幾乾淨光猛的茶記格局, 不過伙計們太唔理人了, 印象麻麻.埋單每人約 $50, 唔貴, 但食物絕對稱不上「好味」.連新加坡文華海南雞 (!?) 都搞成咁, 無興趣再來了.下次都係食返泰妃雞 (http://www.openrice.com/restaurant/commentdetail.htm?commentid=1973730) 吧.

事前不知此店底蘊，回來上開飯才知海南雞是其拿手菜。

不過是晚所叫的五香牛肉米線及馬來咖哩牛腩飯亦都幾好。

咖哩不辣而椰奶味略重，杰身但送飯仍然一流。

牛腩牛筋則夠腍滑，滿意的了。

牛肉米線的湯底好味，不知不覺飲了頗多，事後卻沒有口渴的問題。

米線質地軟滑，而肉丁之外又有肉片，還加上幾條芥蘭，感覺並不求其，亦值得讚。

今日lunch time 一班同學一齊去左妹味屋食lunch.點知呢...落左單成7,9個字都無一個同學仔有野食.遲過我地黎ge 打工仔. 個個都有野食落肚...呢7,8個字期間~ 我地不時叫waiter 跟單, 一係無人理(對眼望下就走人)一係就講聲等等就走左去~而且都見有幾台客走左, 因為無人理. 同等左好耐~ 野飲黎左 野食唔到! 侍應唔應, 老闆無視. 大佬呀學生都係客姐` 洗唔洗唔show人!到我地等到底火到黎埋. 走去埋單, D人先SHOW我地,話個廚房有問題發生左(唔係落單問題果D!!)~D野食而家OKAY GA啦. 你唔好等你收鋪前先比野食我, 我都要返學上堂啦. 有問題GE話遲過我地落單D人又會有野食GE?我地話唔要啦, 跟住有個后生仔waiter dum毛巾又踢(登)喂咁點無人答我地問題 無人SHOW下我地 話下我地知呀? 重點係. 點解遲黎果D都有野食, 我地重未有呀?有問題大排擋,茶餐廳都識同返D客講啦~ 杯野飲埋單重要計我地全價~ 哂我地7,8個字, 重要貼錢比佢~ 吹脹!肚到我地呀..._ 無視學生, 全程冷淡 大人先服務, 學生慢慢候 服務差過3流餐飲 <<大排擋, 茶餐廳都做到, 佢都做唔到~完全無人服務過咁~ 重要發老脾個waiter~ 錯事唔應. 淨係比借口.重要態度惡劣! 老闆在場, 只望不幫,有問無應 冷氣係(的)水

之前食過幾次都覺得食物中規中矩, 所以今日午餐決定再嗌外賣.1:15落order, 到2:15見都仲未到就打去問吓.我同個staff講話外賣嗌咗好耐都未到,佢根住問我嗌咗D乜, 連餐飲同餐湯都問一次,好似重新take order 咁.我根住同佢講我只係想check吓order 出咗未, 佢根住竟然同我講, '我吔今日唔夠人手,做唔到比你'我簡直唔可以相信,就問佢, "咁點解我落order 嗰時唔同我講?"佢唔出聲.........我真係唔知比咩反應真係唔明D人點解今時今日仲可以有咁嘅服務態度

昔日灣仔道石崗咖喱的位置,由"好味屋"接上.以星馬菜為主,門外招牌大大隻字寫明,由新加坡文華的廚師,來主理海南雞飯.令我想起兩三年前,曾經在佐敦出現過的"海南風情",同樣是由新加坡文華廚師主理.大多人一聽到新加坡文華,就想起海南雞飯.此店原來同另一間在某大型商場的星馬菜館,份屬同一個老闆.既然海南雞飯為招牌,那有不試之理,如果不想吃雞飯,還有肉骨茶,喇沙,或者是其他港式碟頭飯,鐵板餐都有.果然夠多元化.香港同新加坡一向處於"敵對",大家試對方為競爭對手,但在此餐廳內,港式同坡式味道就一家親.海南雞飯餐賣$48一客,包湯,前菜,飲品.大熱天時之下,店方的例湯是冬瓜湯,味道尚算清甜.當上海南雞飯時,醬油只有薑茸,同辣醬,沒有黑色的醬油,三色缺一,有點勢色不對.即刻問侍者有沒有黑色醬油,幸好,也能夠提供.不過要開到口才有,就差矣.先說雞飯,帶有油香,做得尚算乾身.但再吃得深入一點,越吃越淡,味道只流於表面,去不到尾.而雞件沒有去骨,有別現今大多地方的無骨海南雞飯.用的雞一定不是鮮雞,可幸吃落去感覺也不錯.雞皮很滑,帶點彈性.皮下肉則頗為嫩滑.連埋加一$53一客的海南雞飯,當然比酒店咖啡室的抵吃.如果油飯可以做得好一點,就值得一個笑臉.

好味屋餐廳小廚餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「好味屋餐廳小廚」有何 comment？

好味屋餐廳小廚餐廳詳細資料：

• 好味屋餐廳小廚地址:
  灣仔灣仔道185號干諾商業大廈地下1室
  好味屋餐廳小廚, Shop1, G/ F, Connaught Commercial Building,185 Wanchai Road, Wan Chai
• 好味屋餐廳小廚電話:  
• 好味屋餐廳小廚價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 好味屋餐廳小廚 Facebook

更多好味屋餐廳小廚相關資料:

• 好味屋餐廳小廚分店
• Youtube
• Facebook
• Twitter
• Google