友麵館 灣仔

友麵館 評價 相片

午餐常選之一, 因為附近自從無左大大碗之後, 都無咩車仔面可以選擇…通常都外賣回公司食,因為有9折但今日懶洋洋咁..都係堂食而且食返麻辣湯底.. 之前試麻辣湯底..一試難忘…有豬大腸, 羅白同手打墨丸, 豬大腸同手打墨丸係必叫…因為真係好好味, 豬大腸好夠味, 手打墨丸好爽滑, 其實羅白都唔錯…有好多配料都好味..講返個湯底, 明明之前食開小辣, 係好香同辣度係一般人都接受到既, 但今次來到, 見到勁大條辣椒又好多辣油, 入口…嘩中辣來嫁? 雖然我食得辣姐….但我5鐘意辣味over的野食味……. 其實係咪廚房個人隨心俾辣呢??因為食過幾次叫小辣..但次次都5同……

食過好多車仔麵,呢個麻辣真係好堅;不過就嫌佢油咗些少。

蘿蔔+冬菇+韮菜餃幼麵麻辣湯底大辣蘿蔔 好林好入味冇渣，不過就好細粒,如果個 size 大番一倍就 good good la冬菇 size 唔係好大粒，但都厚身同有好香冬菇味韮菜餃 d 皮有少少爛,個餡份量適中,好香韮菜味同食落有少少肉汁麻辣湯底 真係夠晒麻辣嘅香同辣味

炎夏，艷陽似火，中午時分更是爆曬火燙非常。

沿著天橋走，突然想起早前路過OK旁的友麵館，決定一試。

裝潢走新派型格西餐廳格局，誰知，不過是車仔麵罷了﹗友麵館選擇看似極多，但不過是麵配餸，除了18款由$26$50不等的麵食外，還可自選湯底、麵類和配料，也有數款小食提供。

樓下已坐滿了人，被安排上樓上閣樓用餐。

樓底矮，且空氣不太流通，環境強差人意。

老爹揀了清湯招牌大碗麵$38，分別有蝦丸、墨丸、西洋菜餃、韮菜餃、滷水蛋和牛腩配米線，以一大瓦煲上枱，賣相甚佳。

以三十八大元來說，有六款配料，且包較貴價的牛腩，再加湯底的芽菜、腐皮和韮菜，份量多且夠飽肚，抵食之選也。

據老爹表示，丸類鮮爽彈牙，但size 偏嬌小；菜餃屬一般之作，味道普通；較有驚喜的是牛腩，軟腍入味且不粘牙，遠比九記為佳。

小妹貪得無厭，要了清湯八寶大碗麵$46，甫見以一大黃色膠碗盛載，小妹已不太高興了﹗根據餐牌，配料應該包咖哩魚蛋、墨魚丸、魚片頭、西洋菜餃、肥牛、豬皮、蘿蔔和滷水蛋。

然而，找遍全碗，仍不見原打算用來孝敬老爹的肥牛蹤影也。

貨不對版，極為不悅﹗只見豬皮處處，以豬皮代肥牛，濫竽充數嗎？還是，忙中有錯，忘記了？也懶得與店家爭論，只想快快吃完走人。

米線淥得過久，麵質偏軟腍，入口質感稍遜。

墨魚丸、魚片頭和蘿蔔較為好味外，其餘配料均不過了了。

四十六大元一碗麵，若非衝著肥牛而吃，真的絕對不值一試了﹗還點了一客白灼唐生菜$5 (跟餐)，入口鮮嫩清爽非常；豆漿$6也夠冰凍富豆味。

點了牛骨湯三重奏（$37）、自家製韭菜餃（$26）。

三重奏有牛丸墨魚丸同西洋菜餃，二重奏係油麵米粉兩溝。

老實講，雖然冇味精好健康，但牛骨湯底沒有太濃牛味。

所以唔好expect湯底好似九記咁濃。

今日喺呢頭做完野~~就諗住搵個地方坐坐醫醫肚~人生路不熟就只好周圍望!路經此舖本無意入去一試~突然眼尾一望見到舖頭門外有几頁報紙的食評,望多兩眼就決定入黎一試~喺出面睇到的沙煲麵又有咖哩麵相當吸引,入到坐下見到有麻辣麵~只得一個人~未能試好多款式所以決心叫左個大麻辣牛腩雲吞米線再加紫菜,仲要叫佢多’青’~!上枱啦~睇個樣以為只係一般的車仔面~個樣冇咩驚喜一飲啖湯真係令我意外!極刺激的麻辣味在口腔口遊下遊下~入了喉嚨再回到咀唇麻麻吉吉的~感覺真係好爽~!!絕對唔需要另加辣椒油~米線質地好爽~唔會煮得太淋,服務員哥哥自稱係自家制的雲吞, 雲吞皮略嫌佢厚了少少又硬了少少~饀料有肉汁可惜唔夠飽滿, 麻麻地~相信真係自家制!!,牛腩睇佢一舊舊好硬身咁,食入口有種講唔出的柔軟而且相當入味~!!總算見識過佢地的出品...~~如果有機會都會再食~ 

友麵館餐單提供港式, 車仔麵, 中菜館等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「友麵館」有何 comment？

友麵館餐廳詳細資料：

• 友麵館地址:
  灣仔軒尼詩道157號地下
  Buddy Noodle House, G/ F.,157 Hennessy Road, Wan Chai
• 友麵館電話:  
• 友麵館價錢: $50以下
• 分類: 港式, 車仔麵, 中菜館
• 座位: 未知
• 付款: 現金
• FB專頁: 友麵館 Facebook

更多友麵館相關資料:

• 友麵館分店
• Youtube
• Facebook
• Twitter
• Google