厚土 灣仔

厚土 評價 相片

今次是第二次去食(四人)點了大魚食細魚...外面桂花魚是蒸的,內裏有一條煎的?????魚($180200??),牛柱骨($280...但我覺得值錢$200 而已),鵝肝煮雞煲($80),毛豆雪菜腐皮,例湯(花膠)真的很好飲, 所以叫了兩次(小的$32),釀雪梨,豆沙鍋餅,炸曼頭,小籠包(是我自己擇,不是侍應提議的)總體上食物不錯,招呼很好侍應很好人,主動減收2位茶錢,送了一個甜品..雷沙湯丸,二個前菜因為叫多了菜,太飽了,甜品(豆沙鍋餅)一如其他留言者意見,真的很久也未到,因為等得太耐了,最後侍應主動提議我們取消,埋單10% OFF 後約$800但希望廁所能改善燈光,真的很黑

呢間係我一直想試食店之一, 尋晚終於有幸擦番餐! 到果陣個場幾靜, 得三兩檯客。

裝修幾靚, 燈光陰暗, 深色木材, 仲有花園同流水, 個feel幾得, 感覺唔似中菜食肆。

我地坐一個由玻璃圍住三面廂坐裡面, 其實可以坐四個人, 梳化位, 幾舒服。

睇個餐牌, 唔太有頭緒, 侍仔推介我地食鵝肝酒煮雞煲, 鵝肝一塊面, 雞肉同雲耳放埋酒一齊炆, 雞肉幾鮮幾香, 但酒味唔濃, 係淡淡的; 而塊鵝肝係煎好放上面, 唔知對個作用有幾大, 不過單吃呢塊鵝肝都可以, 而個煲係熱住上, 等肥油唔會凝固之餘, 亦令食物唔會凍, 唔錯! 另一味肉食係蓮香豬軟骨, 蜜汁蓮子清香甘甜, 甜味一都唔過火; 豬軟骨炆得香甜肉嫩, 唯肥膏同筋多, 間中有難, 但都可以。

諗住叫碟素菜, 侍仔就介紹我地食毛豆雪菜炒腐皮, 腐皮幾滑。

另叫個蟹肉飯, 飯經加工煮理, 好香好好食; 間中夾雜蟹肉, 好正!甜品飯後先叫, 叫兩款, 但等勁耐都未出, 催單都催幾次; 經理見狀即刻話每人送個西式甜品俾我地食住等, 係燉蛋, 加杏仁油, 好腍一都唔實, 但幾好食喎! 過唔知幾耐, 真命天子1號終於出場喇, 係釀雪梨, 雪梨入面係釀住桂花酒釀米糟, 加入少許士多啤梨粒, 熱熱的, 出晒煙, 又靚又好食! 鑑於兩款甜品的水準都幾高, 咁我地對自己叫第2個甜品期望好大, 可惜又係等好耐, 最後都係要取消個order, 無奈!雖然個甜品出得好慢, 但係呢度服務真係值得一讚, 幾細心同好有笑容, 例如我同朋友都想叫果個牛肋骨, 但侍仔會同你講你地唔多人會食唔晒, 因為份量幾多, 你真係覺得佢地唔會係貴就介紹俾你; 而等甜品過程中, 多個侍仔先後過同我地講唔好意思(但我地無同咁多個侍仔催單ga), 真係怪罪唔落!但睇呢度要留意個廚房係咪唔夠人手, 侍仔解釋甜品上得咁慢係因為客突然多(佢意思係當晚, 無諗過多咁多所以失晒預算應付唔切), 但查實係比我地果陣多, 但都只係六成滿咋! 如果遲出名再多客, 咪死梗?特別一提係我好唔習慣間酒店門口企咁多人度迎賓囉, 細細個門口就有四個著晒制服企度開門, 好有出入中國城feel呀! 不過鍾唔鐘意就梗係見仁見智啦!

基本上環境很好, 但出奇地少人, 我五個人去, 好似包場咁! 基本上D 食物都幾好食,出面好少見, 但D甜品就幾肥, 因為好多油, 膽固醇要小心! 仲有就係連fusion 都打錯字! 唔係咁好啦!

厚土餐單提供東北菜, 火鍋, 中菜館等推介美食位於灣仔區，餐廳座位數未知人均消費約$101-200，結賬可以用現金。

您對於灣仔餐廳「厚土」有何 comment？

厚土餐廳詳細資料：

• 厚土地址:
  灣仔謝斐道303號王子酒店1樓
  Laci Fusion, 1/ F, King's Hotel,303 Jaffe Road, Wan Chai
• 厚土電話:  
• 厚土價錢: $101-200
• 分類: 東北菜, 火鍋, 中菜館
• 座位: 未知
• 付款: 現金
• FB專頁: 厚土 Facebook

更多厚土相關資料:

• 厚土分店
• Youtube
• Facebook
• Twitter
• Google