仙后餐廳 灣仔
最後更新:
仙后餐廳推介
由歌手張敬軒主理的法式餐廳，裝潢走懷舊復古風，希望重現昔日香港第一間旋轉餐廳的情懷。餐廳分為Finedining及bistro小酒館兩部份，不時更有樂手演奏。
灣仔仙后餐廳
| 餐廳分店 | 仙后餐廳 |
|---|---|
| 地區 | 灣仔 |
| 電話訂位 | 28080882 |
| 餐單 Menu | 法國菜, 名人店 |
| 人氣指數 | 1301 |
| 價錢幾錢 | $401-800 |
仙后餐廳訂位位於灣仔區，詳細地址是灣仔皇后大道東213號胡忠大廈2樓，餐廳寬敞座位數目共有未知幾多個。仙后餐廳幾錢？價錢優惠後人均消費大約$401-800埋單，早餐午餐晚餐仙后餐廳餐單包括有法國菜, 名人店等美食，付款方式有Visa,Master,AlipayHK,現金,AE,銀聯付款，Booking網上訂位可以電話致電 28080882 查詢訂座。
仙后餐廳優惠
仙后餐廳 評價 相片
安格斯牛柳配鴨肚 松露汁加薯蓉 set $580 單叫$360.走進6,70年代既環境下享用食物😳.哩間餐廳一直都係我既list入面 一黎貴 二黎難book 所以delay到2年後既5月終於去左🥺不過都係食平價bistro冇dress code個邊😅.雖然貴貴 但主菜係幾好食 特別係哩個牛柳 我覺得佢整得好好 有得揀幾成熟 我揀左7成😁 超多肉汁 入口好嫩 好易咬開 食到我jap jap聲😁.個鴨肝都唔錯 入口唔會太膩😄😄不過就唔係入口即溶個隻😄 唔使驚唔夠飽 因為仲有黑松露薯蓉😋 都整得唔錯😳 怕唔夠味可以叫waiter幫你加d黑椒 吊一吊d味😋 如果係5月去推介叫哩個🥺德式傳統麵團配黑松露忌廉 $310.佢個菜名好長好長😵所以我簡化左 原價都幾貴 食set一定係抵好多😁.之前食過麵粒又淋又冇咬口 但高級餐廳果然係唔同d🤭每一啖都充滿住黑松露香 每一粒麵團都十分彈牙😄.配料就有麵包粒同煙肉 份量望落唔多 但夠creamy 同埋食左一輪前菜都已經飽飽地☺️之前睇過d食評話又貴又唔夠食 其實我食bistro個邊 成晚有2場表演 第一part係鋼琴 第2part係唱懷舊歌 service超好 環境一流 真心計埋所有野算係咁😁.Set 就$580 1個人 有budget不妨試下 .仙后餐廳前菜篇.雖然價錢唔平 不過service好好 又有medicom 口罩套送 每道菜都係一樣一樣咁上 唔會突然一次過上晒又或者突然好空虛咁😅.第一幅相既糖芯蛋加荀我覺得好好食😙隻蛋連個蛋白都係半熟狀熊 個荀汁醉醉地 幾開胃.第二幅相係雞肉沙律 份量都多多 雞肉好嫩 似食鴨胸肉口感😳 仲有好多麵包粒 煙肉粒 不過就冇乜特別 可以試其他.餐湯🥺好好飲 好多泡 應該係磨菇湯 好滑又唔會似金寶湯咁重口味.最後係第一個starter 麵包 冇乜特別 硬左少少
久仰大名的餐廳....一路都好多人話佢的野食好食....但都未有機會黎試...估唔到最後係因為疫情令我有機會黎呢到食....早排睇報紙見佢出左個晚市SET DINNER,個價錢真係好吸引...當然第一時間打電話去訂台...仲要一打就訂到...所以都幾期待去食呢一餐飯~當日早左小小去到,係門口企左一陣,睇到佢的裝修都真係有花心思同功夫去做....之後就入去坐低,今次坐係大舞台前面的台，入面係幾靚.....因為聽到生蠔有special offer，所以就叫左一客，呢幾隻生蠔可以話係我呢幾年係香港食過最好的生蠔...因為真係鮮 甜唔腥....仲夠曬大隻..同行友人都讚不絕口!!!之後是日餐湯係TURNIP SOUP, 我係幾鐘意既...因為佢應該係用雞湯底再加TURNIP去煮...唔會太重....但又有TURNIP的甜味係入面~但同行友人就唔鐘意...所以最後我一個人飲左兩碗...唔鐘意的人可能會覺得個湯有的臭青同埋有渣渣....但對於我而言...可以..仲幾好飲頭盤叫左三文魚MOUSSE同Shrimp cocktail....友人呆呆的以為係係鵝肝，以為自己叫錯....食完先知原來係自己睇錯~ 少食西餐真係冇辦法...係友人腦海中MOUSSE係要一PATPAT..佢冇諗過係咁既樣.....味道絕對OK,有MOUSSE的感覺但又唔會太FLUFFY，有返的口感!只可以話唔係每個人都會鐘意的菜式反而shrimp cocktail有驚喜~初初以為係行貨...點知個汁真係有驚喜，有的似千島汁，但又多左小小辣味同埋酸味，好開胃。
蝦用左大蝦，不過一開三，變左BITE SIZE比例易入口.....食完前菜, 就到主菜~牛柳鵝肝同魚Risotto呢兩個真心好食....牛肉有牛味~ 加埋鵝肝係好Rich而且鵝肝烤到脆脆地~ 外脆內軟，好食!而個魚皮都係燒到脆~ 而魚肉亦好滑!!讚!!最後係兩個甜品，個millefeuille 皮夠曬脆，中間的cream唔會太甜，面頭的hazelnut好香~ 食曬成個都覺得唔夠~另一個甜品就係打到mousse狀態的蛋白~ 食完冇負擔~呢餐真係好好食~ 10個讚! 已經真係唔算貴...岩曬budget唔多又想食餐好的後生仔!
朋友生日,又知佢一直好想去張敬軒餐廳,於是好早bk定等今晚去!去到胡忠大廈一樓,立即俾佢既外觀吸引,推門入去,好似走入時光機返上世紀咁!我地bk左fine dining果邊,個侍應帶左我地去一個好近舞台既位置坐,視覺享受一流!講下食咩野先!我地揀左5 courses set dinner,於是佢就係適當時候送上美食!首先頭盤係king crab and grapefruit tartlet, 蟹肉鮮味十足,仲有D西柚襯托,撻皮脆口,非常開胃!第二味叫Osetra Caviar and Japanese Uni,海膽上面有魚子醬,再有D脆條點綴,視覺同味覺都好吸引!第三味叫Cevennes SweetOnion Soup, Foie Gras Custard and Yuzu Peel,係加入左鵝肝既洋蔥湯,濃得黎又唔會好唿,非常好味!然後係主菜Dorade andChestnut Puree, Sauce Dolce Forte and Vanilla Oil,係黎自法國既鯛魚,肉質鮮美,可以份量多D就好啦!而甜品就揀左Pear Sorbet,Cassis Gel and Caramel Espuma ,比較甜,不過我喜歡!黎呢度除左享受美食,當然係聽懷舊金曲!當晚聽左幾首梅艷芳同哥哥既歌,聽出耳油,舊時代感覺返晒黎!再加上呢度既裝潢,真係覺得此行不枉!
今年anniversary晚飯，到仙后朝聖一下。
晚上七點已經全場滿座，意料中事。
喺懷舊華麗嘅環境、現場鋼琴伴奏同歌聲下，滿心期待美味。
但估唔到兩道頭盤已經有伏味！既然餐廳咁好生意，食材嘅流轉速度應該夠快，而沙律菜係一間西餐廳嘅基本，點解都可以唔新鮮，就好似我喺屋企雪櫃擺咗三四日仲未食嘅沙律菜，唔再爽脆鮮甜，更加有啲韌，而且仲係好室溫，唔係嗰種係蔬果格拎出嚟一陣之後嘅 chill chill 哋微冷口感。
至於另一道頭盤嘅醃魷魚，並唔係每嚿魷魚都沾上微酸嘅醃汁，有一兩嚿甚至同白烚冇乜分別，但配返旁邊嘅醬料都算「有味道」，但好明顯魷魚係雪藏貨，冇鮮味、唔爽口。
是日餐湯係蕃茄凍湯，配上陳醋汁吊味，入口令味蕾醒一醒，加番啲分數。
但湯裡面嘅蕃茄，皮好厚，𡁻落好多渣。
好彩，餐包嘅酸種麵包幾好食，refill咗兩轉，補返啲分！終於到主菜，「金磚」脆豬手，有驚喜，其實係將燒德國鹹豬手去骨切件，再醸入炸成一條大春卷，外脆內裏充滿肉香嘅口感同味道好好，而且伴碟嘅青椰菜薯蓉好幼滑，青得好有清新嘅感覺，呢味好ok！但另一道主菜 鱈魚配蜆味忌廉汁及香蔥醬 (如果佢掉轉寫做忌廉蜆汁，睇落會高級啲)，令人由天上跌返落地面。
只怪落單時冇睇清楚餐牌，以為鱈魚通常唔係煎就係燒以發揮魚油嘅香味，點知原來係烚！將本身充滿油脂嘅鱈魚用嚟烚 就好似失色啲 ... 而且問題係，上枱嘅時候竟然聞到微微嘅腥味 ... 究竟係嚿魚定係個蜆味汁呢？... 食到嚿魚嘅中間部分，發現原來undercooked，或者叫緊緊唔夠熟，唔通呢度就係微微腥味嘅來源？最後，估唔到仲有最後，甜品 紅果荔枝蛋白酥 嚟到，隻碟上面竟然寫住：「太太，生日快上！」哈哈哈！究竟係邊個嘅太太呀？法國餐廳寫中文實在有啲違和感，畢竟今時今日一國下已經再冇兩制，但兩文三語仍然通用，OK啦，但將「快樂」寫成「快上」嘅呢種品味，我真係識條鐵咩 ... (既然佢寫嘅字唔關我哋事，我都冇心機將呢啲低俗品味影低啦，如果你覺得冇圖冇真相，咁我都冇辦法...)待應一直冇發現搞錯咗，我同老婆覺得好好笑，兩條友傻笑咗一陣，就決定照食吧，反正同佢講返，個甜品好可能都係倒落垃圾桶變廚餘 (疫情下冇理由喺我哋冇戴口罩嘅情況下將個甜品送返去人哋張枱啩？)，所以不如食咗佢啦 ...點知，歌者喺演唱中途唱生日歌，祝賀慶祝生日嘅客人，之後再祝賀慶祝結婚周年紀念嘅客人，而當時侍應終於如夢初醒 ... 喺另一個甜品 朱古力榛子慕絲，終於寫返啱晒啲字 Happy Anniversary！哈哈哈！真係好難忘！其實，兩個甜品都非常好食，紅桑子果醬嘅酸味同蛋白酥好夾，加上清新嘅荔枝果肉，酸甜味道平衡返哂，只係略嫌為咗撐起成個甜品落得太多忌廉；而朱古力慕絲嘅幼滑最啱配脆糖榛子碎同朱古力餅乾條；算係部分彌補番頭盤同主菜嘅落差。
雖然現場歌者同樂手嘅表現非常出色，而餐廳環境懷舊又華麗，服務都算唔差，但始終最重要都係食材嘅質素、食物烹調嘅味道！就算有空中飛人同跳火圈嘅表演，啲食物失準就係失準，唔得就係唔得！仙后，這次就夠了。
以咁嘅食物質素，收呢個價錢，只可以話係食環境，食氣氛，食物質素來講，真係完全唔值呢個價錢！順帶一提，佢餐酒嘅標價真係好高，仲高過我去開一間四星級酒店嘅價錢！所以，重要嘅嘢講三次：仙后，去一次就夠了！仙后，去一次就夠了！仙后，去一次就夠了！
男朋友早於兩週前通知去仙后餐廳食晚餐，仲吩咐我著靚靚。
當日，一到仙后餐廳，推開旋轉大門，仿佛返回7080年代，那裝潢古典精緻，給人一種高貴感覺。
還有現場歌手即時表演，歌聲優美，感心動耳，聽到耳朵都懷孕了。
食物質素超水準，配搭得好好，不會好膩。
當表現接近尾聲，歌手說今天是一個特別節日，因為男朋友想送一首歌給我，是陳百祥 漣漪。
然後，侍應拿著一大紮99枝玫瑰給我，此時，男朋友跪下來，「你願意嫁給我嗎？」 我 願 意。
一個令我到老都會記得的美好回憶。
仙后餐廳餐單提供法國菜, 名人店等推介美食位於灣仔區，餐廳座位數未知人均消費約$401-800，結賬可以用Visa,Master,AlipayHK,現金,AE,銀聯，Booking訂位可以電話致電 28080882 查詢。
您對於灣仔餐廳「仙后餐廳」有何 comment？
仙后餐廳餐廳詳細資料：
- 仙后餐廳地址: 灣仔皇后大道東213號胡忠大廈2樓 JUNON, 2/ F, Wu Chung House,213 Queen's Road East, Wan Chai
- 仙后餐廳電話: 28080882
- 仙后餐廳價錢: $401-800
- 分類: 法國菜, 名人店
- 座位: 未知
- 付款: Visa,Master,AlipayHK,現金,AE,銀聯
- FB專頁: 仙后餐廳 Facebook
更多仙后餐廳相關資料:
香港餐廳2026推介10月