五味主意 灣仔

五味主意 評價 相片

食左咁耐都未試過為呢間車仔麵寫食評.真係值得推介有緣人黎呢度食lunch.首先長期lunch都好多人,,要等位..(食客就主要係附近OFFICE返工既白領)加上呢間車仔麵比較細細間,,,有d迫..走廊位好窄.呢度係sell大大碗車仔麵,,,堂食32蚊'''3送1麵,加一杯野飲(冷熱同價).而外賣就30蚊,,但相對黎講,始終外賣碗,,會比較細碗少少.但都飽的.由於長期多人排隊,,所以我都會買返公司慢慢食!平時食開3個送都係菜芯、冬菇、魚餅配米線.加腩汁,,,跟凍檸茶'''(呢度仲有咖哩汁)有時會送幾條仔既生菜/白菜仔,(生菜好嫩口'''好好味.)分別介紹一下↓菜芯: 甜甜的'''不會有根...但有時都比較粗身.冬菇: 有蠔油味(平時我都唔食蠔油'''但呢度yip得好好味)魚餅: 香茅魚餅,,有點辣''夏天吃,挺開胃.呢度既牛腩都唔差的,,,值得一叫.即使有時加漏左腩汁俾我,,呢度既清湯都OK的'''p.s. 其他配料都好好味'

自問要求唔係高，咁耐以黎都好少俾喊；今日依餐，真係難得…工作關係，差唔多兩點先食lunch。

唔係太餓，又趕時間，想簡簡單食個麵。

短短一條橫街，有唔少食店﹕茶餐廳、燒味店、港式快餐、西餐廳…離遠見到五味個招牌，吸引左好耐冇食車仔麵既我就行左入去喇…小店裝潢簡單，但亦算乾淨企理，坐得幾舒服；灣仔區食飯一向都唔算平，但係估唔到可以開價咁貴﹕午市套餐$31，包三餸加飲品。

可能平時食既車仔麵都比較平，$31既三餸真係覺得幾貴。

餸既選擇約有廿款，都係大路菜式，係豬軟骨同五香牛腩比較特別，但就只揀其中一樣。

最後揀左﹕蘿白(車仔麵一定要食)、雜菌、豬軟骨粗麵+凍檸茶因為價錢(以車仔麵黎講…)，所以都幾有期望。

先試湯底，勁失望既不香亦不鮮，淨係得個咸字…唔係要求間間車仔麵都用大地魚、豬骨煲，不過都唔好咁求其丫…湯，先扣分再食蘿白，雖然未至於硬身難咬，但同軟腍入味有好距離。

好明顯煮得唔夠耐…雜菌既味道同湯底唔係好夾；成個麵最可以接受既就係豬軟骨，入味亦夠腍，但份量就少左D…唔熟路又冇做功課，果然就出事喇…

2212010落堂後到灣仔, 又難得朋友收到工,「下場」前一齊食 dinner 吧.唔想食咁貴, 結果入了呢間車仔麵店「各取所需」.大家都叫了三餸麵 ($22), 跟豆漿一杯 (加 $6; 冷熱同價); 另加一碟油菜 ($8) share 食.我飲熱豆漿, 似乎係自家製?夠晒熱, 甜度剛好, 豆味夠, 飲落亦幾滑喉, 不錯喎 朋友飲凍的, 不過我覺得甜度唔夠, 飲落豆味亦太輕.豆漿果然同奶茶咖啡一樣 還是熱的好 主食叫了豬大腸 + 鳳爪 + 蠔油冬菇配油麵: 油麵硬度剛好, 不過都真係幾膩, 而且食落好似有少少鹼水味?唔太喜歡. 豬大腸夠軟熟, 又不失咬口, 質感不錯; 味道就有少少「臊」, 仲帶幾勁的胡椒及五香粉 (?) 味, 少少「辛口」, 還不錯. 冬菇厚度 ok, 夠入味, 味道夠晒「蠔油」, 夠香又帶點甜味, 幾好食. 最好食就一定係鳳爪, 炆得軟腍入味, 索滿夠晒香濃的鹵水, 正 仲「搭」了幾條菜, 幾細心的安排, 可惜食落有點「草青」味啦. 湯底就無特別去試了, 不過食完成碗麵都無口渴的感覺, 應該都無乜 MSG 吧?朋友叫了鹵蛋 + 芝士腸 + 蘿白公仔麵... 試了少少蘿白, 唔算甜, 但夠腍又無渣, 都 ok 吧.油菜係菜心:無食蠔油; 菜心夠嫩, 不過略嫌淥得唔夠, 食落有少少硬, 而且實在太多「花」了, 感覺麻麻.環境係茶記格局, 乾淨企理, 帶點家庭式作業 feel, 不過坐落都幾焗, ventilation 麻麻; 阿姐幾友善又有求必應, 印象不錯的.每人 30 幾蚊埋單, 車仔麵算幾好食, 都值得一試的.

五味主意餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「五味主意」有何 comment？

五味主意餐廳詳細資料：

• 五味主意地址:
  灣仔謝斐道151號地下
  五味主意, G/ F,151 Jaffe Road, Wan Chai
• 五味主意電話:  
• 五味主意價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 五味主意 Facebook

更多五味主意相關資料:

• 五味主意分店
• Youtube
• Facebook
• Twitter
• Google