中記 灣仔

中記 評價 相片

坐低冇杯，叫咗兩次冇人應，最後我自己出去攞；打開水壺蓋表示冇水，便服阿姐行過嚟帶位 順便幫我冚返個水蓋， 即刻喝住佢叫佢斟水；人生第一次食冇味嘅腐乳豆腐蒸雞；餐湯等到食完飯(難食到根本食唔完) 都未嚟，2個侍應應咗兩次後都冇聲氣，然後就係便服阿姐應完之後又係❾行咗去冇理到， 最後第4 次又係要大聲喝先有人攞。

同枱另外2 個搭枱嘅都身同感受。

免費都唔會再去嘅地方。

🙋🏻‍♀️👍🏻馳名豬扒星洲米 (包嘢飲) $28豬扒醃得入味，表面炸到微脆偏瘦同切得薄，好在肉質都唔算好乾身😬其實味道幾好，不過得三塊仔，少左啲米粉份量亦唔算多，女仔食應該都係岩岩好🤣但炒得幾乾身唔會痴埋一舊，好有鑊氣👍🏻呢個價仲有野飲送，好抵食🤣🤣味道：7/10 性價比：9/10📍#中記灣仔軒尼詩道225號駱克道市政大廈街市熟食中心2樓 CF913 號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #灣仔 #灣仔美食 #灣仔好去處 #灣仔美食地圖 #駱克道街市 #駱克道

喺灣仔返工，日日被迫食貴價午餐，同事介紹去駱克道街市熟食中心，話有一間叫中記嘅熟食檔好唔錯，今日一於試一試佢。

餐牌上有好多選擇，叫咗涼瓜斑腩飯加凍檸茶。

先講吓食物質素，涼瓜斑腩即時落鑊炒，之後連埋個hin汁一齊淋係白飯上，新鮮滾熱辣，成個碟頭飯望落都好吸引。

涼瓜非常之新鮮，食落好爽脆，又唔算好苦。

斑腩因為預先炸咗，所以外皮唔脆，魚肉就好似一般嘅冰鮮貨色，冇乜突出。

嘢飲方面，揀咗凍檸茶少甜，飲起嚟同出邊嘅茶餐廳貨色差唔多，冇乜特別。

令人有驚喜嘅係竟然有例湯送，飲得出應該係冬瓜煲排骨湯，飲起嚟非常之清熱，令人有喜出望外嘅感覺。

一碟飯，一杯凍飲，加埋一個例湯，價錢盛惠$35。

喺灣仔來講，呢個價錢真係非常之抵食。

天氣時冷時熱一直都等緊一個時機去食羊腩煲終於等到今晚又涼返而且又開返晚市堂食梗係嚟返個羊腩煲先啦同朋友叫咗個細size因為有啲朋友唔食羊嘅另外再加左幾款小菜羊腩煲 $148等咗一陣好快就上枱羊腩炆得好腍唔會好穌肥瘦適中，唔會淨係一味得肉個羊腩汁好入味可以送多幾碗飯如果多啲支竹就好啦因為我食羊腩煲最鍾意就係食入面嘅支竹另外佢哋嘅腐乳亦都調校得好好唔會好辣同羊腩好夾以細size嘅羊腩煲嚟講份量都好足夠亦都起碼有超過15件嘅羊腩以呢個價錢來講真係好抵食下次一定搵多幾個朋友叫個大size嘅食先得

中記係駱克道街市都好耐歷史，之前一直食開佢地既小炒，幾有鑊氣，今次就黎到食午餐，出左幾款特價套餐，只需要$32包埋例湯，真係幾抵食👍🏻我見檯檯都有叫古法鹽焗雞飯，出菜快，雞同飯既份量都幾多，好似幾好咁唔食特價餐，仲有常餐、炒粉麵飯、粥等等，價錢係經濟實惠，不過環境比較污糟，地板好滑，檯凳都可以叫店員再抹一抹，店員服務都唔錯乾炒豬扒烏冬 $40店員好快就為我地上左例湯，湯渣好多，不過味精較重🙈由於係即叫即炒關係，等左約15分鐘左右就有烏冬，顏色唔錯，色澤平均，豬扒肉質幾鬆軟入味，烏冬都幾夠熱，鑊氣十足😋雖然配料唔多，但主角豬扒同烏冬味道都不錯，唔會過咸，食完亦冇好口渴

中記餐單提供港式, 熟食中心等推介美食位於灣仔區，餐廳座位數40人均消費約$51-100，結賬可以用現金，Booking訂位可以電話致電 25072188 查詢。

您對於灣仔餐廳「中記」有何 comment？

中記餐廳詳細資料：

• 中記地址:
  灣仔軒尼詩道225號駱克道市政大廈街市熟食中心2樓CF9-13號舖
  中記, Shop C F9-13,2/ F, Lockhart Road Market,225 Hennessy Road, Wan Chai
• 中記電話: 25072188
• 中記價錢: $51-100
• 分類: 港式, 熟食中心
• 座位: 40
• 付款: 現金
• FB專頁: 中記 Facebook

更多中記相關資料:

• 中記分店
• Youtube
• Facebook
• Twitter
• Google