Wow! Burger 灣仔

Wow! Burger 評價 相片

放工最鍾意去街邊買小食，行開交加里，見到間舖好搶眼，咪睇下咩黎囉，原來係食burger，就買黎試一試，睇下咩料.......最正芝牛堡睇佢個餐牌，牛堡同芝牛堡放係最上面，一定係最正啦!叫左個芝牛堡，食落真係唔錯!!d芝士夠厚，又濃郁，同佢地自家手打牛肉，夾得天衣無逢，牛肉又鬼死咁juicy，配埋生菜夾係中間，真係無與倫比呀!!!真正自家創食物佢地最好味嘅係粒粒西多士，脆口得黎又唔會好油，甜食又得，咸食又得，係佢地真正自家創食物，所以其他地方無得食架!!wow burger少少歷史其實好多人可能唔知wow burger前身係一間賣公仔麪嘅細舖頭，當時只有一個肥仔又要煮又要收$$，一腳踢。

後來有個妹妹加入左，算係幫輕左d啦!聽主理人講，佢地有分店，都係因為有伯樂，肯投資佢地間舖，先有依家咁嘅規模!!

上堂前，搵野食，唔拮野食，通常都係黎食漢堡，今日都係。

是日唔要牛肉，想要豬柳，不過無，就要魚柳漢堡，加八蚊有薯格，要埋都好。

即叫即整，睇住師傅烘飽炸魚，都算叫做快有得食。

飽烘得唔算脆，只可以講係夠熱，料就魚柳加蕃茄加洋蔥加d菜，味方面就真係無咩特別，幾一般，如果有醬應該會好一點。

薯格反而唔錯，剛炸好，當然好吃，不過個薯格食落充滿薯香，又夠粗身夠厚身，很好食。

個餐加埋薯格$36蚊，意想唔到，呢到既薯格有此水準，很不錯。

幾個月前見到此店的食評不錯，已經很想吃，今天終於吃到啦。

食物(首兩個是套餐(一號餐)，另加散叫)：牛肉漢堡：個飽烘熱了，飽邊有少少脆口，牛肉很juicy，蕃茄新鮮，生菜新鮮菠蘿滿天星：店員話可以選擇汽水和特飲，突然想試吓菠蘿味的特飲。

可惜太難飲，有一些怪怪的味道，勉強飲了幾口已經放棄了爆蝦：共有五隻，即叫即炸，蝦肉爽口，配上我喜愛的沙律醬，變成完美的組合，超級勁好味服務：普通，無特別環境：快餐店裝修，接近聖誕節，有少少聖誕裝飾

自從荃灣分店執左之後,都已經冇乜機會再食Wow!Burger~今日諗住難得過海去維園行花市,於是行花市前專程來一趟,重嘗lee度的滋味~荃灣分店俾我的感覺係比Burger Kxxx好~以前都覺得Burger Kxxx好,但試左lee間小店後,我有另一種睇法..lee度真係即叫即做, 同埋D牛肉juicy好多...今次我叫左牛肉漢堡餐, 男友叫左芝士牛肉漢堡餐, 再加一份薯格..不過..確實比以前貴左喇~薯格都要$8一份~D Burger好大個, 加上juicy的牛肉, 麵包軟棉棉的, 簡直是吃Burger的至高享受盛惠$76~多謝哂~下次過海再會~^o^~

本來想去新記芝士麵，路過見到Wow! Burger 依家有熱狗賣，仲要推廣期只賣$19送飲品。

咁抵，二話不說買返公司食都唔介意。

新熱狗共有兩款，肉醬芝味熱狗＆磨菇芝味熱狗，叫了個肉醬芝味熱狗，因為即整，所以都要等10分鐘左右。

可能因為外賣，拎到返公司肉醬同芝士已經變到一pat野，而且壓得唔平均，還好包身還熱還脆，香腸夠熱脆皮，內醬味濃，芝士可以，如果$19連野飲真係超值。

送的巨蜂梳打，同平時係度買既差不多，始終帶點藥水味，但也沒偷工減料，一個字，抵！推廣到幾時真係唔知道，想食的話請快手！

Wow! Burger餐單提供美國菜, 漢堡包, 快餐店等推介美食位於灣仔區，餐廳座位數未知人均消費約$50以下，結賬可以用現金,八達通。

您對於灣仔餐廳「Wow! Burger」有何 comment？

Wow! Burger餐廳詳細資料：

• Wow! Burger地址:
  灣仔交加里51號保和大廈地下12號舖
  Wow! Burger, Shop12, G/ F,51 Pao Woo Mansion, Cross Lane, Wan Chai
• Wow! Burger電話:  
• Wow! Burger價錢: $50以下
• 分類: 美國菜, 漢堡包, 快餐店
• 座位: 未知
• 付款: 現金,八達通
• FB專頁: Wow! Burger Facebook

更多Wow! Burger相關資料:

• Wow! Burger分店
• Youtube
• Facebook
• Twitter
• Google