Club Ing 灣仔

Club Ing 評價 相片

唔使錢算係咁啦!!!有得你飲咪算係咁囉,近門d hiphop 歌好聽過入面囉! d人既quality都ok 不失為一個好既落腳點

不復當年勇的，除了是我之外，仲有呢個場。

話說以前Manhattan時代呢度係英雄地，係灣仔甚至中上環區的中上流潮人蒲點，都在這裡留下多少啤酒樽同往事。

都成十年無來，唔知幾時轉左名，今晚見個同事咁豪在樓上請食自助餐，我就在樓下請飲野。

十點幾，我們八個人到來，五女三男，星期六價錢是女士100蚊任飲，男士160蚊包一個飲品。

人客不多，比著以前當然不可同日而語，假期前呢個鐘數多數要等位。

個場而家有點怪怪的，裝修幾簡陋，感覺上幾多圍版及布幔，以中上級數蒲club來說是不太及格。

女同事因為任飲，所以就叫左幾多飲品，雞尾餐酒啤酒都有，不過據佢地講質數麻麻地，我呷了一口乾馬天尼，又真係淡而無味，我們男的就以啤酒為生。

幫襯的都是斯文客，個場唔算雜。

而今晚都有點增值位，就係唔知係唔係國際學校女子班別開放日，好鬼多鬼妹，仲著得幾清涼。

可惜我年齡同心態已超齡，如果唔係出去練習下英文對答都唔錯架！埋單千三蚊有找，玩到點幾，都算唔錯。

不過如果個場可以熱鬧一點，我估仲好玩。

大家飲飽食醉，係時候做下運動勒. 其實係Portobello度，朋友們聽到店內播緊"urm"聽既歌已經開始舞癮大發，尤其係隻鬼，梗加唔駛講啦．呢度今晚ladies' night，好野，唔駛錢！男士們唯有自陶荷包喇！十一點幾個場唔算好爆，鬼多過人．舞池都係得數十人熱舞．自從轉左做Club Ing之後第一次黎，覺得比以前闊落左，但好似無咁靚．任飲，先黎一杯Sunrise，太淡．跳左陣舞之後，再叫，先後飲過Vodka Lime,　Queen's No.1同啤酒．嘩，唔知係咪太多人同任飲既關係，ｄ酒既水準好差，Vodka Lime太酸似飲醋，Queen's No.1又甜到漏．就係因為咁，為穩陣起見，之後都係叫啤酒飲．由於任飲只到兩點，此時過後，人陸陸續續散去．基本上，黃金時間果陣都只係舞池範圍好逼人，可能係地方大左卦！

氣氛好,音樂正,多人好熱鬧,但係唔知係唔係嘈得仔, D waiter唔係好應你,要好大聲,打揮曬手佢地先應你, 不過都幾好玩0既!~

好難得今晚可以跟幾位朋友去坐下跳下飲下野, 又咁o岩佢地有拉丁音樂夜, d音樂幾有節拍同有氣氛, 可惜自己唔會跳舞~ 只可以囉住杯野同朋友傾下計. 服務一般, 因為有d粗心大意咁上小左杯飲品.

Club Ing餐單提供西式, 酒吧等推介美食位於灣仔區，餐廳座位數未知人均消費約$201-400，結賬可以用Visa,Master,現金,AE。

您對於灣仔餐廳「Club Ing」有何 comment？

Club Ing餐廳詳細資料：

• Club Ing地址:
  灣仔港灣道1號萬麗海景酒店4樓
  Club Ing, 4/ F, Renaissance Harbour View Hotel Hong Kong,1 Harbour Road, Wan Chai
• Club Ing電話:  
• Club Ing價錢: $201-400
• 分類: 西式, 酒吧
• 座位: 未知
• 付款: Visa,Master,現金,AE
• FB專頁: Club Ing Facebook

更多Club Ing相關資料:

• Club Ing分店
• Youtube
• Facebook
• Twitter
• Google