am.pm 油麻地

am.pm 評價 相片

油麻地好多人都好鐘意去廣華後面條街掃街 相信唔少人掃街前都會經過條巷見過am.pm既黃巴士 雖然呢度無坐位可以坐落堂食 但之前都見到經常都吸引到唔少人買完企住食佢既梳乎厘 見撞正呢日睇落人小啲 唔洗等咁耐 係機會啦😆叫左一份黑糖厚鮮奶梳乎厘 一打開個盒就見到個虎紋既花紋 🥰然後拉起旁邊既膠膜圍邊 上面既厚奶漿醬汁微傾 然後倒埋杯黑糖珍珠落去 上面既虎紋奶茶漿同黑糖珍珠微微滾動些小落黎 場面幾得意 🤣黑糖珍珠表演出色 口感幾煙韌味道剛剛好😳仲勝過好多珍奶專門店飲品既珍珠 再睇睇發現原來黃巴士車身有貼住啲黑糖珍珠係由台灣新鮮直送 唔怪得知咁鬼正啦啲珍珠🤪另外仲叫左份月·奶黃流心梳乎里 呢個梳乎厘面頭鋪左一層燒到靚靚金黃色既焦糖 食落幾特別 無想像中既鹹香 上面既醬汁就食到好濃郁既奶黃味同埋當中仲食到有陣檸檬既味道 出乎意料之外係呢份奶黃流心梳乎里比起珍珠奶茶味相對再甜小小 推介俾接受到較高甜度既甜品控呢度既梳乎厘都係 兩個疊住為一份 全部梳乎厘好似都只係介乎於四五十蚊咁上下 起香港黎講同類產品之中都算幾抵食 雖然今次食落無第一次食個時咁驚艷 但梳乎厘蛋香依然 份量價錢都keep到係抵 大家如果行過路過油麻地可以選擇下食返件梳乎一下😌

我覺得 食到am.pm既梳乎厘pancake 係一件幸福既事 🥰特別欣賞 佢地獨創左好多特別既pancake口味 ! 例如 奶黃流心味, 好有香港特色 ~ 欣賞店家既創意同用心❤ (不過今次無揀到佢呢 ..🙈) 所有pancake都係即叫即製的, 要預返少少時間等侯呢~ 炎燒布丁梳乎厘$50 加配日本3.6牛乳雪糕+$10 面頭淋滿牛奶吉士醬, 食入口 幼滑又重奶香🥛Pancake即叫即製, 質地:: 鬆軟 !🥞 ( 如果吉士醬可以再多d 就好了😛 ) 配埋牛乳軟雪糕 十分match💓 黑朱古力流心布丁梳乎厘$50 呢個係一定要揀 !! 必食 !! 朱古力味超級香濃🤤 但唔係甜到漏個種 面頭係流心布丁 ~ 沾滿滑滑朱古力醬, 實在係太正🍫 黑糖珍珠牛乳 +$20, 宇治抹茶牛乳 +$20 兩款 都係牛奶味比較突出🥛 然後 唔會過甜, 加$20 幾抵飲😊朋友飲的 宇治抹茶牛乳, 佢話唔會死甜 而且幾有抹茶香氣! 店家有提供消毒搓手液 可以即場使用~ 清潔完雙手先食野 安心d^^

鬧市中的黃巴士，逗趣得意，排隊的人離開時滿帶笑意，真想知道黃巴士施展了什麼魔法呢? 看見招人可愛的梳乎厘，我明白箇中玄機了…炎燒布丁梳乎厘 $60新鮮即製的梳乎厘，震騰騰的視覺，十分治癒。

厚身布丁淋上牛奶吉士醬，再以火槍炙燒，表面焦糖燒至到薄脆，一口咬下去，散發濃郁焦糖甜香，蛋香慢慢沁出，配上軟綿綿的質感，香甜誘人！梳乎厘跟配日本3.6牛乳雪糕，吃完充滿飽足感⋯⋯珍珠奶珠梳乎厘 $50 (+$10跟配日本3.6牛乳雪糕)梳乎厘脹卜卜，空氣感十足，綿彈之餘，洋溢濃郁蛋香和牛奶味，倒上珍珠奶珠，份外黏蜜香甜。

梳乎厘吸嗦了奶茶香，再淋上海量珍珠，綿中帶煙韌口感，是珍珠奶茶的升級版，食過之後，回頭率極高！ 泡泡熊抹茶牛奶 $38抹茶牛奶上豎立了啤啤熊，是造型可愛的啫喱，入口Q彈。

抹茶牛奶奶味香濃，表面鋪滿抹茶粉，拌勻奶蓋，口感更顯柔順，繞舌的抹茶香，甘甜而不澀，十分透心涼。

百年之蜜蘋果飲 $38蘋果飲是100%純果汁，用上青森縣產5種優良品種蘋果調配而成，再加入日本最高級別的「百年之蜜」。

甜美的特飲，表面鋪上天藍色雲朵─棉花糖，賣相吸引，拌勻後，啜一口是甜美的蘋果香，蜜甜香郁，十分誘人。

每次行經油麻地通往旺角既小巷，都會望見一條長長嘅既人籠，大家都圍住喺一架黃巴士度等等食🤤 無錯呢~ 哩間就係專賣梳乎厘既黃巴士🍮 每次經過都會好想食，但每次都會因為見到長長既人籠而卻步🙁 今次見平日放假無咁多人，一於的起心肝去左排隊食😆😆·☆ 招牌炎燒布丁梳乎里 (加日本3.6牛乳雪糕)HKD$60要食當然要是招牌梳乎厘😚 質感幼滑而且充滿空氣感既梳乎厘，店員喺表面淋上牛奶吉士醬，然後再喺上面加上糖分，再用火槍燒一燒，立即變成金黃色既焦糖面層🤩 一咬落去個感覺，就好似食緊香濃幼滑既燉蛋一樣😍 一啖脆口延綿既焦糖梳乎厘，再加一啖冰凍既牛乳雪糕，簡直係極級享受！·☆ 奶黃流心梳乎厘HKD$55顏色同埋相同招牌梳乎厘差唔多，但味道就完全唔一樣。

切開梳乎厘後會見到裡面既奶黃流心係咁湧出嚟😍😍 奶黃醬份量係超級多，睇住佢不停湧出嚟既感覺好治癒☺ 而其味道帶點點奶黃既鹹香，完全係甜中帶感覺，個人更喜歡這款呢😋·☆ 蜂蜜牛乳 & 宇治抹茶牛乳各HKD$35蜂蜜牛乳味道比較香甜，牛乳裡加入甜甜的蜂蜜，感覺十分甜蜜滋潤💕 而抹茶牛乳味道無咁甜膩，更帶點點抹茶既苦澀味，不嗜甜既你值得一試~

最近天氣太熱🥵、人又煩燥，需要吃甜品降降溫。

下午和朋友在旺角逛街，我倆都是疏乎厘班戟迷🤩想起am.pm就在附近，就決定來吃甜品當下午茶🙈梳乎厘固然是am.pm招牌，今天發現有新款甜品布丁多士就順道一嚐。

👉🏻食物: 4/5▪️黑朱古力流心布甸梳乎厘朱古力迷一定會滿意！🤩面層除了濃厚的朱古力漿及朱古力粉外，還有一層朱古力布甸🥰朱古力味道非常濃郁。

但因為是黑朱古力，不會過甜👍🏻 梳乎厘一如既往般鬆軟、「震騰騰」🤣口感較像蛋糕。

▪️靜岡抹茶布丁多士加日本3.6牛奶雪糕超飽肚之選！布丁多士外脆內軟，外層有焦糖脆面，中層較軟及濕潤，質感比較特別🙈一份有兩大塊，要和朋友分享，一人一塊才能吃得完🤣

am.pm餐單提供西式, 甜品, 糖水, 雪糕, 乳酪等推介美食位於油麻地區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 27254318 查詢。

您對於油麻地餐廳「am.pm」有何 comment？

am.pm餐廳詳細資料：

• am.pm地址:
  油麻地彌敦道560譽發廣場地下B舖
  am.pm, Shop B, G/ F, Grand Place,560 Nathan Road, Yau Ma Tei
• am.pm電話: 27254318
• am.pm價錢: $50以下
• 分類: 西式, 甜品, 糖水, 雪糕, 乳酪
• 座位: 未知
• 付款: AlipayHK,支付寶,現金,八達通
• FB專頁: am.pm Facebook

更多am.pm相關資料:

• am.pm分店
• Youtube
• Facebook
• Twitter
• Google