越棧越式湯粉專門店 沙田

越棧越式湯粉專門店 評價 相片

咁岩今日去開沙田，但本身我自己就唔係好熟沙田新城市廣場朋友話連城上面有幾間食店，所以就上去睇睇其實有幾間食店都有興趣試，不過食飯時間每一間門口都有唔少人係等緊位眼見呢間越棧舖位最大，唔洗等位所以就入左去喇越棧我就唔係第一次食，以往都只係食湯粉今次想試下新野，我同朋友各自叫左一碟飯我揀左咖喱雞紅米飯咖喱帶有少少辣，唔會覺得好油入面其中兩件係雞翼，但D雞整體黎講肉質就偏"鞋"左D如果D雞整滑D會更好朋友就叫左香茅豬扒紅米飯豬扒炸得幾香，唔會因為炸完而覺得好乾都有少少肉汁，幾香口不過略嫌成碟飯都無汁，乾左少少所以朋友就撈左少少我D咖喱汁黎送飯成餐飯整體黎講兩碟飯唔算太出色，所以下次如果食越棧我會揀番食湯粉

新城市只有二間越南餐廳，另一間經常吃，因為環境原因所以多數都選擇另一間，但其實湯底我比較喜歡這間！口味湯底不錯但不是最好，可以再濃一點，香茅類都是不先浸在湯裡會更好吃，拼盤的各種食物都不錯，夠熱夠脆夠味！環境我們五人被迫坐四人枱，擠迫！服務原先答應隔離枱走會拼我們的枱在一起，最終給了其他客人坐，服務真差，如果我們已上食物都算數，但我們連下單都未，無奈！找服務員很難找，又沒多禮貌，一見我們剛停進食就收，連飲品都收了！

本人今天下午和太太專程到連城廣場吃下午茶，在眾多食肆中還是挑選這裡，原本之前這間食肆在其他分店不錯，但是今天到這裡因為還有十多分鐘才到下午茶時段，所以在店外排隊，首先，我們是第一位，結果等到夠鐘喇，但是還沒有開始安排顧客入坐。

其次，當我們向待應欲詢問湯河如果選多一款，應該怎樣計算，結果她好像完全聽不懂的樣子，而且還要不理睬的樣子行開。

最後我太太挑選了豬扒湯河，我就挑選了牛扎肉湯河，兩樣都非常好味。

只是她們的服務完全不敢㳟維，連拿辣椒油也要自己拿。

是否他們的高層應該自己反省呢

今日忙到一頭烟，看看錶只得30分鐘午膳，怱怱忙忙走入越棧，隨便叫了一個特別牛河，諗住醫飽個肚就算。

出乎意料之外，呢個牛河湯底牛味香濃，牛肉軟滑，牛栢葉爽脆，最妙是有兩片大大牛丸片。

牛丸片是將牛丸做成方形，切成薄片，一改以往圓形的樣子，爽口彈牙，美中不足的是牛腩片的牛膻味太重，相對有D失色。

順便一提，其實來越棧醫肚的人，都是怱怱忙忙，食完就走，不會對周圍環境有太大要求，不過越棧門外叫籌號安排座位的員工，就真的嗓門太大了，對食客來說，這個噪音就真的有點震耳欲聾了。

食過兩次，兩次都係平日晚飯時間。

唔駛等位，好方便。

餐廳兩邊邊廂，一邊人少啲，坐得頗寬敞舒適。

另一邊人較多位較窄，但侍應們嘅反應唔會太慢，有啲仲有微笑。

而且都會比啲建議點叫會抵啲，都幾體貼。

食過撈濛同湯河，60蚊左右一碗連飲品。

呢個價嚟講，份量味道都唔錯，可講係經典港式茶餐廳以外嘅好選擇。

唯獨係飲品比較遜色，叫過兩杯特飲，兩杯都麻麻地⋯⋯但凍檸茶等經典港式飲品係可以的。

推薦想坐得舒服，懶等位、唔想食得太貴又想喺港式茶餐廳以外多個選擇嘅朋友。

越棧越式湯粉專門店餐單提供越南菜, 粉麵, 米線等推介美食位於沙田區，餐廳座位數未知人均消費約$51-100，結賬可以用Visa,Master,現金,八達通。

您對於沙田餐廳「越棧越式湯粉專門店」有何 comment？

越棧越式湯粉專門店餐廳詳細資料：

• 越棧越式湯粉專門店地址:
  沙田沙田車站圍1號Citylink1樓連城美食坊101號舖
  Viet's Choice, Shop111,1/ F, Citylink,1 Sha Tin Station Circuit, Sha Tin
• 越棧越式湯粉專門店電話:  
• 越棧越式湯粉專門店價錢: $51-100
• 分類: 越南菜, 粉麵, 米線
• 座位: 未知
• 付款: Visa,Master,現金,八達通
• FB專頁: 越棧越式湯粉專門店 Facebook

更多越棧越式湯粉專門店相關資料:

• 越棧越式湯粉專門店分店
• Youtube
• Facebook
• Twitter
• Google