Supine 沙田

Supine 評價 相片

某日下午放工後，老公帶我來石門食下午茶老公揀這間自然有佢原因XD 想支持小店誰知，食物令人驚喜！好好味呀！員工好有善，我叫左杯碟豆花飲品，員工好細心提醒我注意有無餐牌附註的禁忌症（周街都有人賣碟豆花產品，這店會細心提醒客人，個人認為係非常有責任感的做法）環境不大，小店來說也算挺舒適如果就腳啲，我絕對會翻兜😎

個漢堡好充料，仲大過我個口，好多肉汁，蔬菜同蕃茄都新鮮，價錢亦非常物有所值椰汁紅豆冰都好味，個人傾向個味甜啲，所以啱口味店員好好禮貌，幫我地將個burger 切埋，服務一流

話說朋友生日，主人公就選左呢間，為免無位唔想等就事前訂位，因幫當事人慶祝就問左可否借雪櫃用，餐廳好好，願意借用（記住餐廳唔係奉旨，可以拒絕！），同時餐廳另主動提醒要唔要留起漢堡包皮，唔洗去到無得點包類。

野食都跟野飲，大家評價都好好食，而且漢堡包好大個，要用刀叉分件食先得到，意大利飯味道口感幾好，唔太硬唔太淋，三文魚扒煎到帶出香味又唔太濃。

最後請拎蛋糕出黎時幫手換碟仲轉播生日歌，令到壽星公唔好意思。

重申拎外來食物係唔岩，要事前問左先，唔好見到有人甘做就做！我地係要有溝通，互相尊重！

石門不嬲好多黃店，今次就揀咗呢間食。

我哋係喺四人禁聚令前去的，舖頭唔算大，禁聚令對於呢間小店來講影響可能都幾大。

間鋪裝修環境唔錯，可以話係麻雀雖小五藏俱全。

店員嘅服務態度亦都好好，臨走仲會同你講拜拜。

食物方面，我同男朋友叫咗兩個餐。

我叫咗 美國牛柳配薯菜，跟餐會送餐湯同餐包不得止，仲配$16內餐飲！份量其實好多，食完基本上飽到落腳趾尾附送嘅餐湯同餐包絕對唔係Hea比你，相反係好高質！紅湯白湯我揀白湯，湯入面係食到有菇，同埋好香菇味！至於餐包佢係熱熱地烘過既，配埋凍凍地既牛油，有種冰火二重奏嘅感覺！嘢飲我就叫咗奶茶冇計啦太耐冇飲過珍珠奶茶😂😂個薯角係外脆內軟，熱辣辣新鮮出爐，就算攤凍咗食都係脆卜卜，食落去有聲出輪到主角牛柳，實物睇其實都幾多幾大份，肉質不過不失，食完真係好飽！另一個餐就叫咗鹽燒牛肉定食，成個餐做得好細緻好豐盛，好似真係去咗日本食咁野飲方面，男朋友比左半價叫左杯玄米茶（碗飯同沙律中間嗰杯）以沙田同馬鞍山來講，石門應該算係最多高汁黃店了！美食沙漠嘅朋友不妨行遠啲嚟到石門試吓呢間有啲特色嘅小店！巴士到石門其實都幾方便

係網上見到呢間價錢幾抵，又係黃店 ，於是打算黎幫襯下，去到戈陣剛好冇位，店員都好熱心話留低我電話有位再叫我，有位入到去後叫左個巨人漢堡同三文魚意粉。

巨人漢堡78蚊包一杯16蚊飲品同薯條/沙津我就叫左杯凍泡沫奶茶22蚊（補6蚊差價） 味道幾好 料都幾足 而且好大個一口都咬唔哂個人幾推介呢個三文魚意粉 6x蚊跟16蚊飲品同薯條/沙津個人覺得味道一般 口感麻麻（個人喜好問題）會再返黎試其他漢堡 呢個價錢同味道相較出面burger店cp值算幾高而且冇+1服務費 但服務又唔該前唔該後 比好多餐廳服務都好

Supine餐單提供西式, 漢堡包等推介美食位於沙田區，餐廳座位數20人均消費約$51-100，結賬可以用AlipayHK,現金,八達通，Booking訂位可以電話致電 51088386 查詢。

您對於沙田餐廳「Supine」有何 comment？

Supine餐廳詳細資料：

• Supine地址:
  沙田石門安群街3號京瑞廣場1期2樓210號舖
  Supine, Shop210,2/ F, Kings Wing Plaza1,3 On Kwan Street, Shek Mun, Sha Tin
• Supine電話: 51088386
• Supine價錢: $51-100
• 分類: 西式, 漢堡包
• 座位: 20
• 付款: AlipayHK,現金,八達通
• FB專頁: Supine Facebook

更多Supine相關資料:

• Supine分店
• Youtube
• Facebook
• Twitter
• Google