Seafood ghost 沙田

Seafood ghost 評價 相片

之前去過石門就知原來依度咁多餐廳，星期六踩完單車就去咗食新開嘅「Seafood ghost」，個名好搞鬼👻。

由於餐廳好大，好快有位。

其實我覺得呢度有啲似某專食Shake Shake海鮮嘅餐廳，因為有賣手抓海鮮同有張大餐紙。

雖然似，但呢度抵食好多👍，而且仲有得打邊爐添。

手抓海鮮餐($298)，雖然話係一人份，但其實份量超多，海鮮種類亦好豐富。

海鮮餐有包是日餐湯：蕃茄湯，味道正正常常。

餐廳有提供手套畀我哋落手抓嚟食🖐，咁食先最滋味！海鮮包括本地龍蝦、肉蟹、草蝦、綠青口、鮑魚、沙白、魷魚以及翡翠螺。

餐牌列出嘅海鮮以外，好似仲有扇貝。

🐚當中以翡翠螺最為驚喜。

而🦞龍蝦半隻就係當中價值最高！另外值得一提係大大塊蒜蓉包，口感超脆又入味🤤。

手抓海鮮有五款口味揀，包括新加坡黑胡椒、港式避風塘、泰式香辣、蒜蓉牛油以及我揀選咗嘅日本南瓜🎃，食落味道唔錯，但唔知點解感覺有啲酒樓中式風，哈哈。

海鮮以外，仲有唔少蔬菜，包括粟米🌽、三色椒、洋蔥以及日本椰菜，唯一挑剔係椰菜好生好似未熟咁。

比較意想不到係海鮮籃下低仲有意粉，非常飽肚。

壽喜燒套餐($238)，🍲套餐又係好豐富，感覺亦唔係一人份。

套餐包一大碟牛肉、一大兜蔬菜、雞蛋同白飯🍚。

牛肉肉味幾濃🐮，每塊大大片。

店員建議先食肉，但原來牛肉唔係淥熟食，而係燒熟食。

店員們好好人，會主動幫我哋煮，但其實自己落手整都OK。

餐紙下低原來係有電磁爐㗎！牛肉沾蛋汁食🥚，正😋。

食完肉請店員加湯，咁就可以淥蔬菜，蔬菜有多款菇🍄、豆腐同葛絲等。

不過我食完海鮮同肉都已經飽咗九成，成鍋菜畀哂朋友食。

飲品方面，我哋要咗Somersby Apple Cider Crush($48)，以及蘋果味乳酪梳打($32)。

定價唔貴，味道亦幾好🍎。

最後就係跟餐嘅Movenpick雪糕🍨，並唔係平嘢。

總括嚟講，我哋食咗一頓性價比高又豐富嘅晚餐，有海鮮又有牛食🦀🐂🦑🍽。

餐廳面積大，座位闊落，適合聚餐！

星期六晚餐wz老公, 食咩好呢？揾個屋企附近又方便嘅地方MTR石門一出就係嘅Seafood Ghost, 趁等位時睇下大概食mug先: 咦, 有幾種風味嘅手抓海鮮, 海鮮Hotpot, 牛/豬/雞Hotpot同埋壽喜燒揀, 除此之外仲有d特色單嗌Happy Share!🍴手抓海鮮🦞餐 (HKD298)嘩!!! x3唔該! 意想不到咁豐富咁多款海鮮呢, 8款海鮮當中, 半邊龍蝦, 肉蟹, 草蝦真心大大件整得又入味, 剝殼都剝到手軟. 鮑魚同魷魚🦑超爽口, 青口, 帶子一搣離殼. 🍴Li個手抓海鮮類似喺美國食過Cajun Style嘅一大袋海鮮, 黎到香港將佢稍為改左presentation之餘仲增加左好幾款風味: 新加坡🇸🇬黑胡椒, 港式避風塘<超入味, 巨多脆葱蒜, 又唔會油淋淋👍🏻推介>, 泰式香辣🔥. 唔食辣嘅朋友亦可go for日本南瓜或者蒜蒸牛油. 正呀!🍴壽喜燒套餐 (HKD238)店員細心幫我地用一舊牛脂肪起”鑊”, 再Dip生雞蛋🥚make sure我地搞得掂先行開. 一碟8片高質牛肉片片都好長好大塊, 而且油花分佈得好均勻, 食落係濃濃嘅肉香味道. 🍴蔬菜🥬一大盤車上黎, 各款veggie都咁新鮮, 用sukiyaki汁淥熟黎食勁好味, d娃娃菜本身勁甜...成件事送飯一流🍚. 我仲發現店員會好留心每枱啲鍋嘅情況, 話說我地食完牛肉未加sukiyaki汁時, 俾細心店員發現就濃底, 即刻幫我地加汁👍🏻.🍴本來已經好滿足, 最後仲有真材實料雪糕嘅代表Movenpick食, 又要講: 好正呀!!🍴Apple Cider(HKD48), 水蜜桃🍑味乳酸梳打(HKD32)一枝Somersby倒插喺杯冰真係零舍好飲der~ 而我杯乳酸梳打嘅水蜜桃🍑味夠突出, 梳打比例做到唔會死甜, 推介!

最近沙田石門開咗間海鮮店💖作為海鮮迷嘅我梗係要即刻去試下啦😁一入到門口就覺得真係好海洋周圍都有船、水泡呀，連燈都係魚型最吸引緊係佢哋兩個主打嘅海鮮餐啦，一個係手抓海鮮餐，一個係火鍋海鮮餐，298蚊有咁多嘢食，我個人嚟講係覺得幾抵，最重要係質素都幾好講咗個手抓海鮮餐先，首先會有是日精選餐湯，我哋今日係龍蝦湯， 龍蝦湯非常濃郁、一啲都唔鹹、好香、好有龍蝦味，非常好飲之後就係嗰個大大盤海鮮啦入面真係有好多嘢，有龍蝦、鮑魚、肉蟹、 翡翠螺、魷魚、草蝦、青口啦揀咗新加坡黑胡椒做調味料胡椒，唔太鹹 少少辣 夠哂香，非常惹味仲有意粉打底 絕對唔使驚唔夠飽另外仲有個火鍋海鮮餐雖然就冇咗個龍蝦湯但係有安格斯肥牛睇落去有雪花，油脂分佈比例好，食落口就知係好野同埋黑豚豬梅肉都係好味既海鮮都係非常新鮮特別係龍蝦，龍蝦膏多肉實仲有鮑魚呢兩杯都係signature佐多角玉梅酒(左)梅香撲鼻，同係日本居酒屋飲ロック割り差不多梨園香梨果酒(右)好清新好refershing好貼心仲有一條大圍裙畀你唔會食到周身都係火鍋調味料都係呢啲啦，不過唔使調味料我都已經覺得走地鮮雞湯好好味最後仲有movenpick雪糕，正斗

朋友新居入伙，上去踩吓場，然後就落去附近商場搵食。

屋主請客，話要食好啲，就建議嚟呢間新開嘅「屎忽鬼」🤪餐廳內部寬敞，座位舒適，仲有啲萬聖節佈置做裝飾，都幾有心思！呢度嘅食物都幾多元化，有手抓海鮮餐，又有火鍋類，冇諗過同一間食肆內，可以同時間食到呢兩款食物，都幾新穎。

食熱氣嘢加打邊爐，冇理由唔飲番杯，我哋就叫咗乳酪梳打飲品，分別有水蜜桃味同蘋果味，兩杯都飲落清新唔太甜。

手抓海鮮餐會跟餐湯，是日餐湯係南瓜忌廉湯，超大碗，好香南瓜味。

呢間餐廳其中一個主打當然係佢嘅手抓海鮮餐，仲有五款調味可供選擇，我哋今次就揀咗港式避風塘小辣。

雖然係一人份量，但都超級豐富，包括有龍蝦半隻、肉蟹、鮑魚、扇貝、翡翠螺各一隻、仲有蝦、青口、沙白、魷魚作海鮮，再混入粟米、椰菜、洋蔥、三色椒、意粉，同埋兩大片蒜蓉包，真係好豐富！龍蝦肉脹卜卜，肉蟹超多肉仲好鮮味，每款海鮮同配料配合避風塘嘅炒炸蒜同辣椒香味，相當惹味！餐廳仲會提供手套同濕紙巾俾客人，所以可以直接用手攞住食，唔駛用刀叉咁拘謹，可以更開懷地大吃一餐！食過海鮮大餐之後，就食火鍋類，我哋想食多啲蔬菜，就揀咗壽喜燒。

店員首先會替客人用兩顆牛膏起鑊，然後放入洋蔥同大蔥爆香。

然後就加少量壽喜燒汁，先以半煎半淥嘅方法烹煮牛肉，呢個做法可以令到肥牛特別甘香可口。

食過牛肉同白飯之後，再將其他蔬菜類放入鍋入面一併煮熟，然後再慢慢品嚐。

最後以甜甜的Movenpick作結，呢餐真係肚滿腸肥喇😋

兩人到附近的石門區食午飯，揀了一間日式料理的食店。

食店位於商場內，前身是一間火鍋店，以前也曾光顧，現在轉為日式料理，訂位時仍是沿用前身的電話號碼。

現在的店名頗為滑稽，網上見有諧音而不甚文雅的中文譯名，未知是官方的名字還是網友戲言。

適逢萬聖節，店內也稍作應節的佈置。

我們要了兩個午市和食，分別是滑蛋吉列豬扒定食 ($68)及吉列海鮮丼 ($68)，兩者都包括有一款小食、麵豉湯、飲品及甜品，幾十元就有齊整份套餐了。

飲品就要了咖啡及熱檸蜜。

滑蛋吉列豬扒定食份量不少，除了有多件吉列豬扒外，還有蛋、雜菌、蕃茄仔及酸蘿蔔。

另外，隨餐附送的麵豉湯也味道十足，材料豐富，有豆皮絲、紫菜絲及菜等。

小食是帶子裙邊，可說是物盡其用。

甜品是蕨餅，裡面是用蕨做成的如蒟蒻的糕點，外面就鋪滿了綠茶粉，不太甜而味道好。

吉列海鮮丼更加豐富，有蠔、蝦、帶子粒及魚塊，還有一些菜。

雖然蠔身不算大，但味道是不錯的。

炸蝦頗為長身，但味道就較為淡。

炸帶子粒裡面就有些沙律醬。

兩塊炸魚的味道亦較為淡。

Seafood ghost餐單提供日本菜, 火鍋, 海鮮等推介美食位於沙田區，餐廳座位數未知人均消費約$101-200，結賬可以用Visa,Master,現金,八達通,銀聯，Booking訂位可以電話致電 28184188 查詢。

您對於沙田餐廳「Seafood ghost」有何 comment？

Seafood ghost餐廳詳細資料：

• Seafood ghost地址:
  沙田石門安群街3號京瑞廣場一期地下G11號舖
  Seafood ghost, Shop G11, G/ F, Kings Wing Plaza1,3 On Kwan Street, Shek Mun, Sha Tin
• Seafood ghost電話: 28184188
• Seafood ghost價錢: $101-200
• 分類: 日本菜, 火鍋, 海鮮
• 座位: 未知
• 付款: Visa,Master,現金,八達通,銀聯
• FB專頁: Seafood ghost Facebook

更多Seafood ghost相關資料:

• Seafood ghost分店
• Youtube
• Facebook
• Twitter
• Google