八福 旺角

八福 評價 相片

前排揾到間平靚正既日式餐廳😍呢個雞扒好抵讚😍肉質軟熟，而且好入味，仲有配一塊魚柳，lunch set黎講仲要喺日式餐廳真喺抵食，呢set仲會配烏冬，另外仲可以選擇配搭其中一款小食，其中有泡菜，中華沙律仲有圓蔥餅，最尾完全飽到食吾哂😌，另外滑蛋蒲燒鰻魚片飯配烏冬，份量都頗多，但喺小編朋友都可以食得哂，咁可能真喺見人見智🤣

街坊系列 – 八福💛同行已不再是敵國⚔️風雨同路🤝手足互撐已成風氣店與店之間互相幫助推廣🔊成就真。

經濟圈⭕環境: 開業已經有一段長時間🕰️環境有點殘舊💡燈光亦比較昏暗但枱椅同地面都係淨潔🪣食物: 自選一人前 ($69)(蕃茄湯烏冬+金菇肥牛+餃子+泡菜)🍜蕃茄湯烏冬: 湯底味道不過不失麵質同平時食既烏冬唔太相似🧐口感更似上海麵😅但掛湯力低金菇肥牛:份量真係有點少☹️用燒汁烹煮🥩味道合格🥟餃子:雪藏貨但炸得岩岩好唔會乾到硬👌🏼🥬泡菜:正常服務: 店員態度非常好🤗唔會吹落單外🌬️中間改野唔嫌煩上菜會幫手移位🍽️如果太多野亦有問幫你收走一D野好唔好😁臨走時🌝亦主動送上文宣環境: 5 /10食物: 4.5 /10服務: 6 /10地址: 旺角通菜街71號人均消費: $ 60 $ 100

就算係黃店都要話，因為真。

唔掂！＃不完美不接受需改善如果唔改善，真係可一不可再—————————————————🍲和風咖喱厚切牛舌併吉列鱈魚柳撈烏冬 $58老實講有D失望😔😔 原本諗住佢sell自家製烏冬，D烏冬應該唔差得好邊，所以將丼飯轉做烏冬。

結果食落去，個口感偏腍，冇咗烏冬應有嘅彈牙/煙韌，而且咖哩亦都唔太特別好食，比較普通。

同埋吉列魚柳個炸粉硬咗D。

唯一令我驚喜嘅喺嗰牛舌😚 個牛舌食落去好腍，唔會硬到咬唔開😌—————————————————

午飯時間過左女人街呢邊食野，見呢間午餐花款都比較多，價錢合理，就入左嚟食。

午餐價錢平均50幾60蚊左右，午餐嚟講唔算平不過佢啲野食係好食又多餸既。

叫左個日式咖喱牛舌拼吉列炸魚柳飯，野飲叫凍茉莉綠茶。

飯都算大碗，男仔一般都唔會唔夠食。

佢啲牛舌大塊夠冧，加埋咖喱汁唔錯。

吉列魚柳夠脆，入面塊魚同平時出面食既唔多大分別。

綠茶普普通通，冇咩特別comment 俾到。

整體嚟講個午餐算ok，呢個價錢下既質素算唔錯。

環境算正正常常唔會好逼，Lunch 時段係唔錯既選擇

係門口見到唔使排隊就入得，又見到兩人餐好似幾抵食，試下先🤭1️⃣ 天婦羅蝦 (5分滿分，推薦程度: 🌕🌕🌕🌕)炸衣唔會話好厚，蝦都keep到幾彈牙，唔錯唔錯🤤2️⃣燒茄子 (5分滿分，推薦程度: 🌕🌕🌕🌕)茄子夠味，而內裡嫩滑，幾推薦！3️⃣(冷)烏冬 (5分滿分，推薦程度: 🌕🌕🌕🌗)烏冬可以揀熱定凍，我揀左冷面😎烏冬質感彈牙，點冷面汁幾好食，但烏冬本身無調味，有時某幾條沾唔曬啲汁就會好寡😟建議可以係烏冬本身加少少調味🥰4️⃣玉子燒 (5分滿分，推薦程度: 🌕🌖)一個評價: 唔好食😂一來賣相不討好，二來我平時對玉子燒都無咩興趣，純粹就friend所以叫嚟試🤦🏿‍♀️味道甜甜地，食到一半好膩，唔鍾意😂因為無試到大家推薦嘅套餐，所以唔敢下結論住。

但呢餐嚟講質素中等，個人認為未必需要專登排隊。

如果無咩人等又想食平價日本野嘅可以一試，而且老闆都好好人仲送左個日歷比我地，都值得支持💛

八福餐單提供日本菜, 壽司, 刺身, 烏冬等推介美食位於旺角區，餐廳座位數未知人均消費約$51-100，結賬可以用AlipayHK,支付寶,現金。

您對於旺角餐廳「八福」有何 comment？

八福餐廳詳細資料：

• 八福地址:
  旺角通菜街71號
  八福, 71 Tung Choi Street, Mong Kok
• 八福電話:  
• 八福價錢: $51-100
• 分類: 日本菜, 壽司, 刺身, 烏冬
• 座位: 未知
• 付款: AlipayHK,支付寶,現金
• FB專頁: 八福 Facebook

更多八福相關資料:

• 八福分店
• Youtube
• Facebook
• Twitter
• Google