Mini Friday 旺角

Mini Friday 評價 相片

今次同 @168hungryki 嚟到 @minifridayhk 挑戰兩個人食三個主菜兩個小食一個甜品😇食到勁滿足，除翻開每人都唔使$500，好抵食呀！旺角分店環境同氣氛都唔錯，又適合情侶黎平平哋食個西餐，亦都適合一大班朋友嚟聚會😆不過weekday嘅夜晚嚟到都幾full，大家有心嚟嘅話記得要book枱啊！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 8/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 7.8/10🌟整體食物質素高 • 價錢合理 • 推薦𝘿𝙄𝙔 𝙋𝙖𝙨𝙩𝙖✨.《皇牌威靈頓牛柳》$298🌟7.5/10🌟𝘽𝙚𝙚𝙛 𝙒𝙚𝙡𝙡𝙞𝙣𝙜𝙩𝙤𝙣基本上每一枱都必點呢個皇牌beef wellington😍牛柳煮得啱啱好，大概五成熟，保留到牛肉本身嘅肉汁嘅同時又唔會話好韌💯外層酥皮都算做得幾鬆脆！最欣賞係牛柳同酥皮之間夾住一層蘑菇，食落口感更加豐富！.《火焰脆燒德國鹹豬手》$238🌟7.8/10🌟𝙍𝙤𝙖𝙨𝙩𝙚𝙙 𝘾𝙧𝙞𝙨𝙥𝙮 𝙂𝙚𝙧𝙢𝙖𝙣 𝙋𝙤𝙧𝙠 𝙆𝙣𝙪𝙘𝙠𝙡𝙚呢個鹹豬手真係睇得又食得！店員會幫豬手點火，等你打完卡之後會幫你拎返入廚房切好再上枱。

豬手外皮超級香脆，肉質嫩滑，同honey mustard好夾！而且份量真係非常之多，啱晒一大班人share食～.《𝘿𝙄𝙔 𝙋𝙖𝙨𝙩𝙖》$158🌟8/10🌟成餐飯最有驚喜係呢一個diy pasta😆我哋揀咗黑松露忌廉汁配龍蝦(另加$48)雞柳闊條麵～闊條麵好重蛋香味，又有咬口，好好食！！！再加上黑松露醬汁好香，又夠creamy，不過提提大家好多醬汁都係底部，記得撈勻先食啊！而配料龍蝦都煎得幾香，不過如果再爽口彈牙啲就perfectooo🙊雞柳就係一條條咁，完全混合左係個醬汁度，都唔錯！.《黃到金雞翼》$58🌟7.5/10🌟𝙎𝙖𝙡𝙩𝙚𝙙 𝙀𝙜𝙜 𝙔𝙤𝙡𝙠 𝘾𝙝𝙞𝙘𝙠𝙚𝙣 𝙒𝙞𝙣𝙜𝙨上枱嘅時候隔住個口罩都聞到超香嘅鹹蛋黃味，但食落其實雞翼嘅鹹蛋黃味唔算太重，但勝在有粒粒鹹蛋黃伴碟！而且雞翼都夠juicy，好惹味👅.《溫泉蛋菠菜大啡菇》$88🌟7.5/10🌟𝘽𝙖𝙠𝙚𝙙 𝙋𝙤𝙧𝙩𝙤𝙗𝙚𝙡𝙡𝙤其實呢道菜基本上溫泉蛋流到心嘅話都好難會出錯㗎啦🤣完全係想像到嘅味道！好食嘅～.𝙈𝙞𝙣𝙞 𝙁𝙧𝙞𝙙𝙖𝙮 @minifridayhk📍#BELLYwongs_MK #BELLYwongs_kwuntong.#BELLYwongs_western #BELLYwongs_meats 😇

近日，主要集中在頻道上（緣食。

慢活），已有一段時間沒有更新。

剛好在旺角，幫襯了一間西餐廳，便決定寫它一下。

店位於旺角銀座樓上，主打西餐，店家在西餐廳旁亦有經營一間日本料理，日本野。

西餐廳，店名Mini Friday，裝修寬敞很舒適。

除了有單點的菜式，亦有數款晚市套餐，價錢合理。

女朋友，選擇了H餐，我則選了F餐，再點了一款沙律，雞翼，兩客甜品，跟餐已包了兩杯飲品。

主菜是甚麼？容後再説。

點餐後，待應已奉上一客脆片，很脆，但有點未開餐先滯飽的感覺。

套餐沙律及單點的沙律，前後腳到步，套餐沙律醋味十足。

單點的是芒果黑松露鮮蝦沙律（98元），黑松露配鮮蝦，真的不錯，很開胃。

鹹蛋黃雞翼，很香的鹹蛋味，但略油，58元四隻。

主菜，分別是羊架及肉眼扒，前者採納了待應的建議，選擇了五成熟，肉眼扒同樣。

肉眼扒，肉質有點過火，略嚡，牛味十足。

羊架，肉質略肥，嫩口，味道不差。

最後再來兩道女朋友最愛的甜品，梳乎厘及心太軟，完結了今晚一餐。

Mini Friday (旺角)旺角西洋菜南街2號銀城廣場9樓

要過一個Happy Friday 梗係嚟到Mini Friday，今日同朋友慶祝生日去到旺角銀城廣場樓上有一間西餐廳好出面，聽講呢間西餐廳以前都好出名，我有好多朋友都推介過，今次真係來一次實地考察。

由於仲係疫情嘅關係，枱與枱之間都有1.5米距離，等食客食得更安心。

本身都有諗過叫二人餐，但係發現原來晚市套餐更為吸引。

首先點左個芒果黑松露鮮蝦沙律，冇諗過係咁吸引㗎，藍色嘅冰鎮倒模將沙律承載著，沙律有一個固定形狀，食落口感好新鮮，芒果酸酸甜甜仲帶有黑松露嘅香味添。

之後再叫咗黑松露花膠煮年糕，我覺得呢個幾特別，好少人會想到用黑松露去配搭花膠，仲要炮製出煙煙韌韌嘅年糕，竟然覺得完全毫無違和感。

套餐方面我哋點左香烤美式BBQ豬肋骨同埋紐西蘭肉眼扒， 我同朋友互相分享兩者都幾好食，豬肋骨正正常常，加上BBQ醬香濃又滋味。

最後不得不提這個即製梳乎厘班戟配雪糕，是我全晚最期待的部份，它即叫即整需時15分鐘，到達時香噴噴，班戟空氣感十足，烤過後更香甜，加上少許的淡忌廉和士多啤梨雪糕真是值得令人期待的。

這間樓上西餐廳已經食過無數次，性價比高，每次都KEEP到水準，果日同老公行開旺角，又走上去食晚餐啦！餐廳座位闊落，燈光柔和，環境幾舒服呀！餐廳主要以西餐為主，款式種類有好多，另備有一人及二人套餐，連飲品也不少選擇！未上菜前，侍應奉上墨西哥脆餅俾我地餐前小食，不另收費的，脆脆的沾上醬汁特別惹味～我就叫左個自選意大利飯晚餐HK$158；Set Dinner 包左一份沙律、是日餐湯、主菜、飲品同埋甜品！羅宋湯跟餐奉上的羅宋湯，入面有不少的蔬菜，口感十足，味道有濃濃的蕃茄味，酸酸甜甜幾開胃，一啖飲落肚暖入心！鮮果沙律份量都算幾大碟，除左新鮮的沙律菜之外，入面仲加入左粟米同車里茄，好Fresh又爽口，混入不少的沙律醬，口感味蕾都好清新！黑松露忌廉汁雞柳意式燴飯這個自選意大利飯／意粉可以隨自己喜好去選舉醬汁同配料，我就選擇了黑松露忌廉汁，配上意式燴飯，配料就揀左雞柳～可以自選出自己喜歡的醬汁及配料，即叫即製，意式燴飯就似意大利飯，醬汁收得岩岩好，唔會太水／太杰身，雞柳好淋身易咬，除左雞柳之外，仲加入左黃椒及紅椒，仲有蘑菇，味道岩岩好唔會太咸！香草燒牛仔骨配蜜糖燒汁 HK$228而我老公就點左呢份香草燒牛仔骨配蜜糖燒汁晚餐，同樣是跟沙律、是日餐湯、飲品同埋甜品～想不到牛仔骨的份量都幾大件，蜜糖燒汁好惹味，牛仔骨肉質有咬口，不會過韌，咬開有肉汁滲出，而且厚度適中，吃掉兩塊大的牛仔骨已經好飽肚了！旁邊也配上了不少薯菜都幾好味！香草牛油焗田螺酥盒 HK$88另外單點左一客香草牛油焗田螺酥盒，即叫即焗，外邊酥皮好香脆，入面就有熱騰騰的焗田螺，好爽口入味，外脆內軟口感十分豐富！而餐飲的選擇是咖啡或茶，我地都叫左檸檬水！最後晚餐的甜品是朱古力泡芙，SIZE都十分MINI，一口小食的SIZE，味道正常不會過甜！

雖然疫情持續，但係見肥同事生日，勉強都帶佢食餐生日飯囉😆兩個麻甩仔去鋸扒其實都幾尷尬😅不過我就係唔理眾人嘅目光👀排除世俗嘅眼神🤓決定帶佢去食浪漫晚餐🍽6:30準時去到，左邊一對情侶👫🏻右邊四個女仔girls talk👩‍👩‍👧嚇我唔到嘅🙅🏻‍♂️唔理咁多點餐🥩意粉套餐都好抵食，下次試吓先，今日要鋸扒🤤知道係我請食飯，肥仔同事就實係會點得貴過我🤷🏻‍♂️佢要H，我要G每張枱都有薄餅做前菜，咬落去非常脆口🤩小小沙律好開胃，我用枱上嘅薄餅放落去羅宋湯，效果非常好👍🏻肥同事塊牛扒嚟咗🥩睇佢個樣係想等埋我先食，但係又係咁流口水，我叫佢食先啦，唔使扮嘢，因為我都想試吓佢塊牛扒😆我好快咁切咗少少試吓，因為怕俾人睇到兩個男人喺度互切，好鬼肉酸啦嘛……🤣塊牛扒非常掂，有牛味之餘又真係做到五成熟，配上黑松露汁，非常match👍🏻👍🏻👍🏻我塊豬扒就等耐咗少少，原本都想催下單，但係經過耐心等候之後，就發現時間耐係有原因，睇到塊豬扒幾咁厚😵真係有差唔多兩吋厚😵切開入邊完全熟晒，但係又唔會乾，仲要非常Juice😋食飽嘆杯咖啡☕️最後食埋個$1甜品🍮肥仔生日飯圓滿結束🐷

Mini Friday餐單提供西式, 西式糕點等推介美食位於旺角區，餐廳座位數200人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 37059125 查詢。

您對於旺角餐廳「Mini Friday」有何 comment？

Mini Friday餐廳詳細資料：

• Mini Friday地址:
  旺角西洋菜南街2號銀城廣場9樓
  Mini Friday, 9/ F, Ginza Plaza,2 Sai Yeung Choi Street South, Mong Kok
• Mini Friday電話: 37059125
• Mini Friday價錢: $101-200
• 分類: 西式, 西式糕點
• 座位: 200
• 付款: Visa,Master,AlipayHK,支付寶,現金,AE,銀聯
• FB專頁: Mini Friday Facebook

更多Mini Friday相關資料:

• Mini Friday分店
• Youtube
• Facebook
• Twitter
• Google