千豐日本餐廰 屯門

千豐日本餐廰 評價 相片

個晚同屋企人去食飯…見到個日本野喔…咁咪去試下囉…一去到，個侍應就俾個房我地坐，仲有電視睇…跟住問個侍應有D咩特別D既野食？佢同我講有空運日本貨，叫（粒貝）。

見佢俾埋相我地睇，又話個收銀又食過…見個收銀同個侍應講得咁特別咪試下囉…雖然份量唔多，但真係好鮮甜…跟住試埋D壽司同拉麵..味道好好…到埋單個陣個都係幾百蚊，好低食…仲要無加一！！D服務好..係屋黎講，真係值得一讚…

其實我都係從佢開店時的時候就試的從第一次食的時候為左試下所以叫左個秋都魚午餐set 條兩來到的時候好香連我呢d 唔係好食魚的都覺得好干身而且一d都唔醒的可能佢地新開張比較濕亂所以個麵鼓湯遲遲都唔來 但係新張期間，我覺得可以接受。

但係無飲品揀 需要改善 第二次去就係兩日後的晚飯時間，原因係同事想試下喎....咁去到的時候係要揾下位，因為始終都係新開張的梗係多人試啦 一開始就叫左個蟹子沙律同燒秋刀魚因可以睇下師傅的手藝條條都差唔多睇得出師傅係有用心切的 賣相係可以不過我覺得份量少左d 出面的多數有得揀大或細的 秋刀魚就唔洗講啦 (正) 之後叫左d壽司 食落口d 魚生好新鮮好甜但芥辡就唔夠辡 最後叫左個海鮮炒飯同鐵板牛肉都好正 炒飯夠干身，來到的時候勁香而且牛肉熟度岩岩好(強烈推薦) 最後發現千豐卷問下侍應係咩來佢話日日唔同 要睇師傅當日俾咩你 所以叫左一客 各位到時可以試下 最後發覺佢地加左少少飲品 要讚一下之後都去左幾次最後再去都係晚上今次叫的同上次差唔多 唯一唔同的就係冇叫炒飯叫左個烏冬好彈牙正!但今次發現佢地的餐牌種類比較少 如果去得幾次已經無野可以試呢樣野係需要改善的 本人整體覺得食 刺身及沙律 係最抵食的 熟食方面略嫌貴左少許

今日2小時LUNCH TIME, 同同學一行9人去千豐食吓去到立即有位, 有間房仔, 有電視, 只係迫左少少我叫左$38 ge 嚴選壽司定食前菜, 水果+沙律個沙律冇咩問題, 一般般湯: 麵鼓湯差...... 好像熱水而已主菜: 壽司 + 烏冬我上一次都係食LEE 個, 壽司味道OK, 鮮味可接受, 而個烏冬, 上一次食個湯不錯, 但今次個湯好咸.... 而烏冬都幾彈牙 由於新開張, 所以冇 奶茶, 檸茶, 得罐裝飲品總如&而言, 個人評分如下:食物種類: 7/10食物質素: 7.5/10食物味道: 5.5/10食物份量: 7.5/10食物點綴: 7/10性價比: 6/10穩定度: 4/10服務: 7.5/10環境: 7/10衛生: 7.5/10TOTAL:66.5/100

今日lunch同阿媽去試下,我地12:20入去,完全唔駛等位,因為一枱客都未有!睇睇餐牌,午餐有8款,但唔包餐飲,要餐飲加$5,咁我地諗住要熱咖啡啦,點知,侍應話未有檬茶、檸水及咖啡,只得汽水等凍飲............無咖啡都算啦,竟然連檸水都無?? 對面就係惠康,去買兩個檸檬都唔怕死啦...........!!!我地叫左一客碎魚生飯($38)同一客壽司set 8件($32),先o黎兩碗麵豉湯,一飲,兩母女一齊皺眉,碗湯無麵豉味唔鮮唔好味,好似一碗淡鹽水咁..........勁難飲!!!!!!!!!過左一陣,飯到喇,阿媽試一啖再睇睇d飯,發覺唔多似珍珠米喎,再睇清楚d,原來係大部份普通米溝少少珍珠米魚生都算新鮮,但鮮味就.........我碗魚生飯要不斷落豉油先夠味囉! 呢間野o既食物質數中等,係唯一裝飾得幾好,但好睇唔好食囉! 真係唔明點解,新張期間都唔做好少少吸引下人流?! 阿媽都話應該無下次!

我同朋友玩完就同朋友到佢屋企搵餐廳食飯見到呢間餐廳好似新開張於是入去試試一入去,好少人所以唔洗等位我地坐係收銀隔離餐廳佈置唔錯原本覺得幾好之後留意地下好油淋淋.打開餐牌哇~D價錢貴到...心想:附近D街坊,學生點去呢間餐廳成日幫襯開張冇耐,個餐牌用人手改左唔少,好核突我叫左$38既照燒雞扒烏冬我朋友叫左$43既薄切牛肉拉麵然後一齊叫$10既三文魚壽司2件,$8既玉子壽司2件同$15既帶子壽司2件我朋友既薄切牛肉拉麵最快到所以佢開始食佢話D荀有D凍,D湯好重味精,拉麵好差佢食到一半,D壽司就到雖然係手握壽司但D飯好鬆0食得出D飯少醋少糖,同普通珍珠米冇分別D wasabi可能係超級市場買因為食落好"鞋"D壽司豉油唔係豉油,係老抽第一次見到玉子壽司冇紫菜= ="期間侍應留意到我碗麵未到解釋雞扒要時間燒呢D值得一讚食完壽司之後,我朋友食完佢碗麵之後2分鐘我碗麵先到(等左好耐= =")鳴門卷好凍,荀都有D凍,雞扒明顯係煎唔係燒D湯除左重味精外,仲重胡椒粉味烏冬一般我食到一半,叫左個$22野菜天婦羅落單時,個老闆指住我地,示意比員工知道有客人要落單心想:其實唔可以用手指指住人,好冇禮貌,何況我地係客人天婦羅到左,材料薄,炸粉少最後埋單~總數$136侍應:新張期內9折哇!!原來本身要加一= ="離開餐廳我先留意到門口放左罐裝花奶,汽水,GAS爐(咁招客= =?)離開餐廳之後,我朋友先發覺找少$20我地比$200,佢找$43(記得總數係$136)原因:我留意到個侍應一路埋單一路傾計,搞到找少$20雖然自己有責任,所以我地當每樣野+$5變成總數$156(仲貴過加一)但呢間餐廳真係好差我同朋友以後唔再去

千豐日本餐廰餐單提供日本菜, 壽司, 刺身等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「千豐日本餐廰」有何 comment？

千豐日本餐廰餐廳詳細資料：

• 千豐日本餐廰地址:
  屯門山景村山景商場1樓113-114號舖
  千豐日本餐廰, Shop113-114,1/ F, Shan King Shopping Centre, Shan King Estate, Tuen Mun
• 千豐日本餐廰電話:  
• 千豐日本餐廰價錢: $50以下
• 分類: 日本菜, 壽司, 刺身
• 座位: 未知
• 付款: 現金
• FB專頁: 千豐日本餐廰 Facebook

更多千豐日本餐廰相關資料:

• 千豐日本餐廰分店
• Youtube
• Facebook
• Twitter
• Google