露台餐廳 尖沙咀
最後更新:
露台餐廳推介
露台餐廳寬敞的空間及精緻裝潢營造親切氣氛，提供自助餐，適合舉行不同形式的聚會或活動。早餐供應一系列Naturally Peninsula健康美食，午餐及晚餐更包括多個現場烹調菜式的美食亭，高級海鮮、亞洲風味美食、時令沙拉及精美甜點等。 露台咖啡廳佈置有如優雅的客廳，供應咖啡紅茶及精美自製糕點，氣氛寫意。
尖沙咀露台餐廳
| 餐廳分店 | 露台餐廳 |
|---|---|
| 地區 | 尖沙咀 |
| 電話訂位 | 26966766 |
| 餐單 Menu | 西式, 自助餐, 酒店餐廳 |
| 人氣指數 | 1267 |
| 價錢幾錢 | $401-800 |
露台餐廳訂位位於尖沙咀區，詳細地址是尖沙咀梳士巴利道22號香港半島酒店1樓，餐廳寬敞座位數目共有86個。露台餐廳幾錢？價錢優惠後人均消費大約$401-800埋單，早餐午餐晚餐露台餐廳餐單包括有西式, 自助餐, 酒店餐廳等美食，付款方式有Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付付款，Booking網上訂位可以電話致電 26966766 查詢訂座。
露台餐廳優惠
露台餐廳 評價 相片
好味指數😋😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗🤗間唔中都要對自己好D，今日同朋友嚟半島酒店1樓嘅 The Verandah 食 lunch buffet （$548+10%），朋友早一個幾月就book，呢個 lunch buffet 係12001430，我哋坐到3點幾都冇問題～Service 係一流嘅，早一日會有職員打俾朋友，提醒衣著要注意嘅事項！去到因為未夠12點，同職員講到咗後，夠鐘後佢係會認得你，帶返你入座！因為我哋早book，安排咗所謂嘅室內露台窗口位（即係較遠嘅一邊），咁就唔會有咁多人行嚟行去，雖然要行多幾步去攞嘢食，但就坐得舒服D！出去睇下有咩食先～ 款式都幾多嘅…先嚟冷盤～有4款刺身、壽司、卷物、青口、帶子、蝦、螺… 所有海鮮都幾新鮮！我覺得最出色係慢煮飽魚，煮到好夠淋煙韌度剛剛好，個汁好好味😋湯～我試咗蕃茄濃湯，側邊仲有脆麵包粒、Bacon 粒、香蔥粒俾你自己落… 個湯非常濃厚！熱盤～佢嘅燒和牛臀肉好軟身，薄薄一片剛剛好，仲有法式同英式芥末任揀！牛脷雖然叫水浸，但鹹度剛剛好，好爽口！香芒蝦個汁好香濃，甜甜酸酸，蝦亦都好新鮮！至於比較失望嘅係燒豬里脊，比較嚡口！熱盤2～本身有3款咖哩，不過因為我個胃唔大，只試咗咖哩海鮮，個咖哩汁好出色，好香濃，我只攞咗幾片薄脆餅食，魷魚易咬開夠煙韌，蝦就一貫地咁大隻爽口！韓式牛同味噌魚都同樣好味！最失望嘅係蒸扇貝，扇貝好細隻又乾，粉絲都好乾身！沙律～佢嘅沙律菜勁新鮮，spinach 好大塊，配料有貴價嘅 sundried tomato、仲有幾款講唔出係咩嘅配料，個油醋汁唔係平時常食到嘅，好淺色但又好好味！甜品～多到不得了！我完全冇辦法逐一試晒，只可以揀到幾款食！甜品屬精品類，有金箔銀箔做裝飾！拿破崙係最好食，非常鬆化！紅梅蛋白餅都係我鍾意嘅入口即化，唔算太甜！日式芝士蛋糕上面有個圓圓果凍波波好吸精，半島自家製雪糕都好濃郁好滑！Earl grey 戚風蛋糕都唔可以錯過呀！配埋一壺香濃嘅 Earl grey 茶，成個用餐體驗真係非常圓滿！其實仲有 cold cut、芝士、勁多款沙律、甜品都未有空間試！以呢個價錢，呢種服務同食物質素，佢嘅 lunch buffet 係性價比好高！因為會睇得出配料上嘅細緻位，係明顯精心搭配過！因為好多貴價嘅 buffet，的確可能有龍蝦、生蠔呢D 所講貴價嘅食材，但處理嘅手法就好求其！另外D 嘢食非常整潔，亦都補得好快，好少見到被攞晒補唔切嘅情況！整潔度非常讚！收碟收得好快，就算係一隻 cocktail 沙律杯都會即刻收！當職員見到有食客冇戴口罩，就即刻有禮貌咁提示返！食物精緻度高，環境亦都好舒適！會再返嚟食！
好耐以前曾經喺酒店自助餐嘅狂熱分子，雖然明知食量唔大一定回唔到本都好努力周圍試。
但係近幾年實行進食貴精不貴多政策，已經好少再周圍試自助餐。
撞岩快生日，見半島有出Staycation Package 包埋佢地好出名嘅露台餐廳雙人自助餐，仲要有早餐同埋The Lobby 出哂名既港女英式Tea set take away。
如果唔係疫情嘅話，我估都真係冇咩機會用呢個價錢享受到咁多嘢。
人一世物一世，試一次當係成就解鎖。
.晚市自助餐 6pm 10pm，當天全晚爆滿，見到有walkin 食客被拒於門外。
.整體：✅✅服務水平200分。
可能大家會覺得，去食自助餐就梗係著眼於食物款式同質素上面，服務或者環境各樣野唔太重要。
去之前唔多唔少我都係咁樣諗，但係當我見識到好多人讚賞嘅半島酒店服務水平，佢令我體驗到一個全新高度。
酒店服務員就係有呢個能力留意到好微細嘅細節，例如當你拎住隻碟行返埋位，會有人留意到幫你拉座椅；當你四圍望嘅時候，好遠都會有人走埋嚟關心你係咪有咩需要？甚至foodie揸住手機影取餐區上面影下嘢食嘅時候，係某個位置原來會有人都會注意到你，然後好主動咁樣幫你整理餐碟上已經好混亂既食品、好用心咁幫你擺碟，仲要同你寒暄一番。
係全場爆滿，服務員已經忙到不可開交嘅情況之下，自助餐廳能夠提供到呢種水平嘅服務，我覺得真係需要讚一下。
佢令我地既用餐體驗提升咗好多。
.✅環境100分。
餐廳優雅有格調，枱與枱之間空間充足。
因為成本比較高，宜家已經好少酒店自助餐會用到枱布、燭光呢種西餐廳嘅擺設。
但係半島酒店有呢個堅持。
所以我見唔少情侶拎埋一大扎鮮花黎慶祝。
酒店仲會提供座地鮮花架俾佢地擺花放正檯前面/擺隔離影相，唔駛再放係座位上面。
.✅食物質素80分。
當晚酒店所有款式食物我全部試左一次，味道上無伏位，絕大部份都幾有水準。
當中亦都無濫竽充數既款式，全部都係有心思。
.🆗食物款式40分。
呢點都好多人提過，半島自助餐既餐款確實比同類甚至乎低一級既酒店少。
就算做左功課，去到見到咁細既食物區都有少少驚訝。
另外，佢亦都缺乏有特色或者昂貴既回本菜式。
所以亦難怪大家講起酒店自助餐時，比較少人大推 。
因為以人均消費$1000位既自助餐，單講食品，佢性價比真係比較低。
.🌟 回本菜色：凍蟹腳、磯煮鮑魚、凍熱龍蝦🌟 推薦菜色：凍蟹腳、凍螺、凍蝦、印度咖喱及脆片、金沙南瓜、燒牛柳；各類甜品：拿破崙蛋糕、麵包布甸。
.總括：對於節日慶祝，追求優質用餐體驗既朋友，半島應該唔會令人失望。
但如果追求性價比、希望大吃大喝型，就可能未必太適合。
.人均💲9001000⭐️4.2/5
成日食「吃到飽」、「放題」係時候要昇華一下自己。
難得可以出公數食飯，而且數目唔細，基於「小食多餐不如豪一次」嘅原則下，一致通過去半島酒店食自助餐。
作為級又歷史悠久嘅酒店，佢嘅Buffet 一直被受追捧。
究竟佢係咪真係傳聞中咁高質、咁神級、咁好食呢？🤔等我嚟探討吓。
首先係環境方面絕對滿分！非常適合各大KOL 自拍/影相。
餐椅好似單人梳化咁舒服，坐住都唔想郁。
枱與枱之間有好大空間，傾計唔怕俾人聽到，又唔怕出入會撞到人。
服務方面每個area 都有專屬嘅侍應負責，空碟收得快，方便去攞下一輪。
勤快又貼心。
重點嚟喇！自助餐食物區比想像中細，款式較少，主要係海鮮、甜品為主，肉食相對較少。
刺身絕對新鮮，肉質鮮嫰，同高級日本料理店無異。
三文魚、吞拿魚、甜蝦、帶子、油甘魚不停無限loop 。
海鮮海鮮有熱葷/冷盤。
冷盤有開邊藍龍蝦、磯煮鮑魚、原粒大帶子、長腳蟹。
藍龍蝦肉質爽口鮮甜彈牙，蝦味濃郁啲。
磯煮鮑魚用醬汁煮過，非常入味，口味微甜，肉質有彈性。
原粒大帶子比刺身更鮮甜。
唯一失敗係長腳蟹，肉質好霉味道偏鹹。
熱葷海鮮有粉絲蒜蓉蒸扇貝、中式龍蝦、香芒汁大蝦、香煎魚柳。
味道一般，口味偏鹹，龍蝦特別鹹，好明顯大廚唔擅長中國菜，更唔擅長煮海鮮。
同場每人有一件鱈魚多士，鱈魚打碎再重組，新奇美味。
咖哩有齊青咖哩、紅咖哩、黃咖哩。
青咖哩海鮮，辣味十足，帶子大大粒好入味。
紅咖哩雞，雞肉大大嚿，overcooked 咗少少。
但因為係雞脾肉，所以唔會好柴，紅咖哩好香，但唔算好辣。
黃咖哩雜菜，味道濃郁，配冇乜味嘅雜菜就啱啱好喇！肉食燒牛肉肉味超濃，燒豬肋骨醬汁香甜，最場最佳。
羊架賣相佳，但真係太飽食唔落湯是日餐湯有兩款，分別係粟米濃湯，洋蔥湯。
如果有一款改為中式燉湯就好喇！甜品有各式蛋糕、果撻、慕司杯、手做朱古力、布甸，真係眼花繚亂，眼闊肚窄 。
每款水準都好好，推介有拿破崙蛋糕、朱古力蛋糕布甸、冧酒蛋糕慕司，前者香脆，中間朱古力味大爆發，後者酒香四溢。
而每位客人都有一客馳名疏乎厘，疏乎厘口感鬆軟，但味道偏甜，個人唔係太喜歡。
以自助餐嚟講，今次係我第一次可以食齊所有嘢食。
質量好但款式唔多，想食多國菜或者唔嗜海鮮嘅話，你可能會失望而回。
專攻龍蝦、鮑魚、刺身，除非你食量驚人，否則亦難以翻本喇！😅 性價比唔高，有一半係食環境＋服務。
但人生嚟一次半島食buffet 足矣！👍🏻
上個星期和先生到位於尖沙咀半島酒店的露台餐廳食自助餐—————————價錢成人每位ᴴᴷ$878—————————用餐時間6:00pm9:00pm—————————餐廳環境餐廳設計優雅有格調 色調柔和舒適 樓底夠高 空間感十足 食物集中擺放在一進門口的中央位置 琳琅滿目 目不暇給 餐桌向兩邊延伸 我們被安排在其中一邊的靠窗座位 檯與檯之間相隔足夠的距離 私隱度高 也有足夠社交距離😂 望住過百年歷史的半島酒店房景和遠處的太空館半圓建築進餐 有一種悠言自得的寫意感 —————————食物種類老實講 食物種類比起其他5 星級酒店既自助餐都來得少 不過貴精不貴多 性價比不錯小提示：如果你係生蠔🦪狂熱份子這裡滿足不了你 如果你是想食很多不同食材的自助餐 這裡也不是最好選擇—————————凍海鮮龍蝦🦞 磯燒鮑魚 帶子 青口 蝦🦐 長腳蟹腳 蟹鉗 螺 最有驚喜一定是鮑魚 第一Size適中 一口一隻 肉質不會太韌但又嚼口 味道甜甜的好入味 😍 👍🏻然後龍蝦肉質一梭梭都算新鮮 🥰 帶子大粒 又食一啖一粒好有滿足感喔☺️ 另外 酒店有個好貼心的服務 就是所有蝦和蟹都已經剝好殼 真是懶人恩物 ❤️ 青口都算大隻 入口夠嫩 不會韌 蝦就正正常常 蟹腳和蟹鉗就比較一般 只有重重的死鹹 不吃也罷 留肚食其他—————————刺身壽司🍣通常食buffet都不會食壽司 至於刺身 這裡約有67款buffet常見的 我一向不太是生食唔好者 所以今次只食了帶子和吞拿魚 前者味道鮮甜juicy 所以默默食了幾粒 ☺️☺️ 後者則普普通通 有少少筋 先生說其他刺身不過不失 —————————熱食種類真不多 講一下我試過的 由廚師即場切割的有兩款肉類 牛肉裡面是耀眼的粉紅色 熟度剛剛好 好juicy無筋 可惜的是那一塊份量真少得可憐🥺 其實可以大塊少少 一啖落肚沒有甚麼滿足感啦 另一塊肉好鞋 不值一提香煎銀雪魚🐟味道不錯 雖然清淡一點 但肉質嫩滑 所以encore了一次熟龍蝦比凍的多了調味 味道更佳日式叉燒拉麵🍜是先生食 說味道不錯 不過我就沒有浪費位置給它啦🤣每人都有一款小食 每日都有機會不同 今次這個應該是八爪魚多士 不覺得有何特別 🥲 —————————甜品水果甜品種類大概十多款 味道整體都不錯 尤其喜歡朱古力慕絲蛋糕 香濃的朱古力和細滑的口感 大愛❤️❤️ 另外西柚馬卡龍口感夠脆 有淡淡西柚味 但重點是不會過甜 藍莓🫐芝士蛋糕混合著藍莓的香甜和芝士的香濃 質地厚實 好好味 😋 水果有大約6款 作為飯後果選擇都不錯 最愛西瓜🍉 解暑解膩一流另每人有一客半島酒店有名的橙味soufflé 三個字：空氣感 有橙子🍊味 —————————最後 每人都有一杯餐飲 我已經很飽 所以order了熱檸蜜 蜜糖是分開一小瓶 先生就order了peach tea 一倒出來桃味四溢 🍑 好香 不過香味只停留在鼻子裡 飲下一啖只有茶澀味🤣🤣 不過都挺relaxing 而且餐飲是用銀器茶具和瓷杯 感覺挺優雅 ☕️ —————————信用卡優惠 用visa signature或infinite就有九折優惠 相對於減去加一 每人八百多 性價比算不錯 如果有特別節日要慶祝不妨考慮一下這裡喔
長假期weekend，同一班大學同學黎食自助餐半島酒店環境一流唔使講，門口有007，已經開始忍唔住影相。
野食方面所有野都好新鮮，海鮮等等refill好快！火腿凍盤等選擇都幾多，最特別就每人一隻蔗蝦。
好多酒店buffet的車仔麵等，呢度就有生牛肉湯河。
是日carvery是牛同羊，湯有南瓜湯同埋冬蔭功要食選擇多，一定唔係呢度，但呢度有quality另外甜品方面非常，十級出色，好好味，拿破崙一定要試！味道剛剛好！
露台餐廳餐單提供西式, 自助餐, 酒店餐廳等推介美食位於尖沙咀區，餐廳座位數86人均消費約$401-800，結賬可以用Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付，Booking訂位可以電話致電 26966766 查詢。
您對於尖沙咀餐廳「露台餐廳」有何 comment？
露台餐廳餐廳詳細資料：
- 露台餐廳地址: 尖沙咀梳士巴利道22號香港半島酒店1樓 The Verandah, 1/ F, The Peninsula Hong Kong,22 Salisbury Road, Tsim Sha Tsui
- 露台餐廳電話: 26966766
- 露台餐廳價錢: $401-800
- 分類: 西式, 自助餐, 酒店餐廳
- 座位: 86
- 付款: Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付
- FB專頁: 露台餐廳 Facebook
更多露台餐廳相關資料:
香港餐廳2026推介9月