金湖粉麵茶餐廳 尖沙咀

金湖粉麵茶餐廳 評價 相片

諗住一早食個早餐先返工但估唔到咁樣嬲爆爆走!叫左個A餐, 黎左火腿蛋+牛油麵包先食左, 後上沙O爹牛肉通粉, 食食下係條通粉中間見到有條野, 拎出黎放係碟度望望疑似曱甴腳, 再睇碗入面有條疑似曱甴鬚 跟住叫個阿姐過黎啦, 我都冇特別提高聲線, 但佢一句得埋黎話"整過碗比你", 我話"仲食得落!?", 佢竟然話"你乜野態度" 我都有D火起都只係答一句"我食落肚架!", 佢再回覆"咁幫你取消囉", 我嬲到起身走人。

我唔會期望茶餐廳食野百分百乾淨, 但係比我發現疑似曱甴腳、曱甴鬚係食緊碗粉入面都唔該你好聲氣D對個客, 做食肆唔該做得有良心D啦!

服務員：幾多位呀？客：一位 😊服務員：呢邊丫😊坐底後，問題就出現，以下對話。

你一係就擺左，一係就擺右，俾條路我行。

(我冇回應，心諗) 個位係你叫我坐嘅，得一個位，左右兩邊都冇空間點擺？叫一碟牛腩飯，黎左睇落辣辣油，望望張枱冇。

唔該請問有冇辣椒油？咪喺枱面囉，咁都睇唔到牙？(聲音可覆蓋半間餐廳）呢刻我真係有點懷疑自己，全枱係有唯一樽紅色嘅，但我覺得係醋，都試試攞起聞聞😄確認左係醋後，我真係唔客氣回應一句：唔知係你睇唔到定我睇唔到🙄佢再回應我，而家咪攞俾你囉😌真係祝貴寶號生意興隆 🙏

只可生存在遊客區想食個茶記所以就入左去啦，一入去9成都大陸客，已經心知不妙佢實係做遊客生意。

睇餐牌叫左個牛三寶飯，牛腩都算入味既、牛筋都淋，不過算唔上好好味，正常茶記水準咁啦。

而店員又冇禮貌服務又差，叫左幾次先應！份量又唔大，我女仔食都係岩岩好夠，咁都賣成60蚊，我明係尖沙咀冇辦法，但我會揀食其他囉！坐左10分鐘就走，唔係因為佢特別快，但係入面真係太嘈，好似返左大陸咁。

就連相都差啲唔記得影。

下次再去？不了！

12月23日 (星期六) 晚上到此店光顧，坐下便叫食物 ，食完到櫃位付款時，收銀員才說當日要收加一。

我回應從未試過粉麵店都要收加一，收銀員說：「未試過就要試吓喇！」。

因趕時間，沒跟她理論，唯有付款。

之前來過多次，多數星期六晚上，所以不用看餐牌，已知想食甚麼，一向沒有收加一的。

相信那天他們亦無在餐牌標明要收加一，否則當我問時，收銀員應會說有標明，但她只是無禮地作上述回答；而我叫食物時，員工亦無說。

雖然比平時只多付幾元，但他們這樣做法十分不妥當。

下午茶時段，在公司附近搵食醫肚，尖沙咀遊客區好多食肆都唔平，想搵抵食既野，真係唔易，喺金湖叫左個肚河，收36蚊，唔算平又唔算貴，牛肚夠味唔蘇，偏硬身，如果淋少少會更好，湯也夠濃，味道好，食得過，可以再encore

金湖粉麵茶餐廳餐單提供港式, 粉麵, 米線, 茶餐廳, 冰室等推介美食位於尖沙咀區，餐廳座位數40人均消費約$50以下，結賬可以用現金，Booking訂位可以電話致電 23020428 查詢。

您對於尖沙咀餐廳「金湖粉麵茶餐廳」有何 comment？

金湖粉麵茶餐廳餐廳詳細資料：

• 金湖粉麵茶餐廳地址:
  尖沙咀海防道35-37號地下
  Gold Lake Noodle Restaurant, G/ F,35-37 Hoiphong Road, Tsim Sha Tsui
• 金湖粉麵茶餐廳電話: 23020428
• 金湖粉麵茶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 40
• 付款: 現金
• FB專頁: 金湖粉麵茶餐廳 Facebook

更多金湖粉麵茶餐廳相關資料:

• 金湖粉麵茶餐廳分店
• Youtube
• Facebook
• Twitter
• Google