豪華小食 尖沙咀

豪華小食 評價 相片

呢日出咗尖沙咀做嘅，明明已經食咗lunch，但有同事call我話喺Office未食嘢好肚餓，叫我買啲嘢食返去俾佢，見到轉角位呢一間豪華小食，招牌五光十色，非常搶眼，就是旦執啲嘢食返去餵飼佢啦！呢間小食店真係有好多唔同嘅港式小食，雖然我已經食咗lunch，但見到又真係幾吸引，所以忍唔住買多少少等我返去都可以每樣試吓，又可以同同事開心share。

呢度嘅三餸車仔麵都只係$36 ，仲平過深水埗超人氣車仔麵檔好多。

咖哩串都好吸引，淨係賣相都充滿港式風味！煎釀五寶好多唔同款式，而且仲好大件。

三餸車仔麵揀咗五香牛腩、雞中翼、白蘿蔔，米粉配咖喱汁，店員會將湯同雞翼另上，服務貼心。

每款餸份量都算多，我尤其欣賞佢嘅清湯蘿蔔，大大件得嚟又夠入味！咖喱串串都好夠味😋牛柏葉($10)、牛脷($18)、水魷魚($10)、墨魚丸($18)、另外要咗串辣魚蛋($10)，個人覺得$10嘅牛柏葉同水魷魚CP價都好高，另外墨魚丸都好大粒同夠彈牙！炸嘢就揀咗椒鹽魷魚鬚($22)、椒鹽雞腎($15)、椒鹽燒賣($11)、黑椒牛丸($18)，加咗椒鹽特別惹味，我最鍾意雞腎夠爽口，燒賣有5粒都抵食！煎釀五寶就揀咗魚蛋、茄子、豆腐、腐皮魚條同雲吞皮，釀茄子同豆腐都漲卜卜，證明魚肉係落足料，大大件好滿足！呢間豪華小食地點方便，食物質素高但價錢並不豪華，絕對值得推介👍🏼

我和好友行經尖沙咀，發現寶勒巷地下有間叫「豪華小食」的小食店，裝潢美觀別緻的格調，環境相當不錯，好友話要進去見識下精美的美食。

店入面裝潢很有格調，地方不算很大，環境舒適，乾淨整潔。

我選擇外賣，晚上去時比較多食客購買。

店內佈置優雅，美食的款式很多，周圍更添置充滿風情的藝術格調。

食品價值已貼在外面，十分吸引途人的目光，客人可以方便留覽，選定食品才到店舖購買。

食店是即叫即製，我點選了幾款食品，分別是燒牛柳肉、燒豬梅肉、炸龍蝦丸及椒鹽魷魚鬚等，帶回家中慢慢品嚐。

燒牛柳肉熱燙燙的燒牛柳肉，非常惹味，咬落去啖啖肉，食落不會太過油膩，不會感到太鹹味，肉質超鮮，必食之選。

燒豬梅肉燒豬梅肉鮮嫩彈牙，軟硬度適中，一口牛咬下去精髓來，實在爽口感覺，香氣四溢，味道可口，饞嘴的我很想Encore。

炸龍蝦丸炸龍蝦丸好大粒新鮮，一口咬下去，食出很香味，容易入口，口感不錯，我十分愛食，有口感又煙韌。

椒鹽魷魚鬚椒鹽魷魚鬚咀嚼後，第一個感覺是肉質有彈性，煙靱有咬口，同一般食到的不同，單單看樣子已經令人唾涎，讓人回味無窮。

豪華小食（尖沙咀） 地址：尖沙咀寶勒巷1號地舖  

呢晚放工同朋友去咗尖沙咀買嘢，之後再買嘢食返去做晚餐。

由於好想食肉🍖，我好快就諗起寶勒巷轉角嘅「豪華小食」。

因為之前仲有晚市堂食時，我訂枱太晏食飯，搞到自己喺飢寒交迫下要搵嘢食🙈，好順手就食咗串好正嘅豪華沙爹，從此令我念念不忘。

夜晚八點幾，小店喺云云食店中最高人氣，買嘢食甚至要排隊🙀。

小店面積以同業嚟講，算超大。

賣嘅小食種類亦都好多，出奇地佢喺呢個地段都無吊高嚟賣，加上望入廚房算幾乾淨，食得安心。

由於我哋都咁大食，所以買咗OK多嘢做晚餐，人均消費$100左右，一次過食哂咁多，好滿足😍。

可能買咁多嘅關係，有位女店員(定老闆娘?)好記得我哋張單，仲叫我哋去左邊個位等。

期間有機會同佢傾計，我哋先至知原來小店唔係新開，而係進行咗全新裝修，將店舖升級，由「華記」改咗名做「豪華」，但其他方面照舊。

我認為可算係「舊酒新瓶」，即係指用新嘅形式展現舊嘅內容。

我朋友隨即仲話，佢以前飲酒唱K經開一定買，發現新大陸🤣。

沙嗲串燒方面🍢，有十四款選擇，當中有啲得呢個系列獨有。

沙嗲有得揀辣度🌶，由小辣至大辣。

我哋要咗小辣，但對於食開BB辣嘅我嚟講，都有啲過火🔥，因為有唔少辣椒碎。

我仲留意到串燒落咗唔少黑椒去醃。

題外話，呢度主打港式，唔好預期佢係印尼沙嗲嗰種咁濃。

．🐷燒豬梅肉($15)，豬肉夠厚切，而且邊皮帶少少肥膏燒，更為香口；．🥩燒牛柳肉($15)，牛柳燒完表面都帶有光澤，食落亦唔乾身；．🐔燒雞柳肉($15)，雞肉燒完，難得肉質都無變柴，保持嫩滑；．🥓燒煙肉腸($15)，組合幾夾，但如果中間嘅雞肉腸轉脆皮腸更佳。

炸嘢方面，有十二款選擇，更加有幾款係椒鹽口味。

依度嘅炸物層炸衣好薄，唔係厚粉嗰種，估計比較接近原味🤔？可能係咁嘅關係，食完無乜熱氣嘅感覺。

．🦑椒鹽魷魚鬚($22)，魷魚鬚有精心拮得靚靚，頭尾都係腳，略嫌個別魷魚質感有少少硬；．🐮炸黑椒牛丸($18)，牛丸有四大粒，入嘅貨係靚料，肉質彈牙，而且帶有黑椒同香花菜嘅香氣；．🦴炸雞軟骨($12)，雞軟骨非常爽脆，又無多餘嘅肉，一串真係唔夠喉囉；．🍗炸雞髀($25)，呢隻雞髀就唔係好稱得上係炸，所以脆皮爭啲啲，不過都幾厚肉、好味嘅。

咖哩方面，有十四款選擇，佢呢種咖哩就係大路港式咖哩魚蛋嗰種🥘，香味大過辣味，簡單講係惹味。

我食嘅兩款都好入味，相當出色。

．👅咖哩牛脷($18)，牛脷勁正，肉質超淋，又夠厚身，配咖哩汁食不得了。

我相信拎去炸就冇咁好食。

．💦咖哩水魷魚($10)，水魷魚比起魷魚鬚軟身兼爽口，食落一啲都唔韌。

魚肉碗仔翅(兩溝)($25)，呢碗碗仔翅對我嚟講係滿分💯。

首先，佢份量夠多，熱辣辣即食超正，因為我喺街已經忍唔住食咗兩啖。

第二，魚肉有好多嚿，而且並非用上鯪魚🐟，完全無腥味。

最後，整體好夠味，又好多料，食完暖笠笠，感覺更係兒時嘅味道🤤。

蘿蔔牛雜($32/細碗)，我本人就唔食牛雜，但朋友就被好香嘅柱侯汁吸引住，所以追加咗一碗。

🐂牛雜包括牛肚、牛膀、牛腸同牛肺，返到去打開蓋仲係好香。

佢話每嚿食落都係色香味俱全，蘿蔔亦好淋、好入味。

總括嚟講，豪華嘅出品相當有質素😋，小店用心經營，客人係會感受到的。

店員亦重視同客人嘅溝通，樂於接受意見。

除咗上述小食外，佢仲有其他類別，包括煎釀五寶同滷味凍食；日間更加有車仔麵賣添，三餸一麵，只售$36。

豪華已經成為我去尖沙咀必食嘅掃街小店，推介🌟！

最鍾意食街頭小食嘅人類，嚟到呢度真係好開心😍😍豪華小食好出名，經常都見到人哋喺IG講，今次終於嚟朝聖一下。

有幾個朋友一齊黎，叫咗好多嘢食share，見到都開心🥰🥰魚蛋燒賣梗係唔少得，魚蛋辣汁幾好食，但唔會超級辣。

燒賣口感唔錯，唔會有肥豬肉嘅口感同味道。

另外仲食咗我最鍾意嘅生菜魚肉，魚肉好彈牙，口感厚實。

個湯就有少少味精㗎啦，但係都好好食😋串燒小小貴，但醬汁超惹味！雖然好邪惡，都忍唔住叫返串豬大腸🤣🤣🤣

我一向都鍾意食港式小食，辣魚蛋、碗仔翅、雞蛋仔等等我都極為喜歡，知道尖沙咀寶勒巷有間新開嘅豪華小食就走入去試下。

港式小食碗仔翅、咖哩魚蛋、魚肉燒賣係必食之選，所以我今次都揀咗依三樣嘢，另外揀咗牛柏葉、咖哩魷魚、司華力腸、咖哩牛脷同埋燒雞髀。

碗仔翅超足料，加埋胡椒粉、紅醋食帶出唔同嘅層次，所有懷舊嘅回憶都返曬嚟。

咖哩魚蛋就好彈牙。

魚肉燒賣亦都好有鮮味，點埋秘製嘅豉油食，食到停唔到。

牛柏葉、魷魚同埋牛脷都有咖哩汁嘅味道，因為係個汁嘅關係，食物嘅層次亦都提升。

華力腸就燒得好香口，啖啖肉我最鍾意食。

燒雞髀一樣啖啖肉甘香可口，一口接一口咁食曬成隻雞髀。

豪華小食餐單提供港式等推介美食位於尖沙咀區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 35967895 查詢。

您對於尖沙咀餐廳「豪華小食」有何 comment？

豪華小食餐廳詳細資料：

• 豪華小食地址:
  尖沙咀寶勒巷1號地舖
  豪華小食, G/ F,1 Prat Avenue, Tsim Sha Tsui
• 豪華小食電話: 35967895
• 豪華小食價錢: $50以下
• 分類: 港式
• 座位: 未知
• 付款: AlipayHK,支付寶,現金,八達通
• FB專頁: 豪華小食 Facebook

更多豪華小食相關資料:

• 豪華小食分店
• Youtube
• Facebook
• Twitter
• Google