第壹燙冒菜麻辣燙 尖沙咀

第壹燙冒菜麻辣燙 評價 相片

曾經喺深圳食過好好味嘅麻辣燙, 忽然間心血來潮同先生上網搵吓香港有咩地方有四川麻辣燙可以食😁係OpenRice搵到呢間鋪頭於是決定去試一試呢間鋪頭嘅店面唔大, 但座位尚算舒適同深圳嘅麻辣燙有啲唔同, 深圳嘅麻辣燙係比你自己出去counter度揀自己想食嘅食材放入個盤入面, 然後斷重量去計算價錢呢度係入座後枱面上面有一張紙比你自己挑選想食嘅面同材料, 好似車仔麵咁選擇數量都算多, 本着一試無妨嘅心理, 於是就當自己食緊酸辣米線, 隨便揀咗幾樣平時比較鍾意食嘅材料喺度等緊碗麵度嘅同時, 聞到旁邊嘅食客食緊嘅面都已經覺得好吸引😍等左一陣碗麵終於到😍😍😍果然係非同凡響個湯底非常好味, 嗰種味道同我之前喺深圳食嘅非常相似, 雖然價錢同深圳當然冇得比, 但又唔係好貴嘅, 非常推薦大家去食但有個地方我覺得可以做得更好嘅係, 無論係面同材料嘅份量都稍為少咗啲, 建議可以加返大個份量🙎🏻‍♂️我哋兩個人一人食完一碗然後都覺得唔係好飽, 於是又叫多一碗share食🙈

呢間好食到我食極都吾厭！😍夠麻辣得尼又吾會好油！餸菜款式夠多👍🏻辣度同麻度係分開選擇嘅，我就中意食小辣，大麻😂中辣其實都接受到，但有太多辣椒籽啦，飲湯食到又吾係太開心🙈😂必叫:風琴炸豆腐:吸湯力強👍🏻蓮藕:超爽口黑毛豬肉片:吾韌又有啲肉味豬大腸:又淋又入味粉麵既選擇呢，我就建議揀紅薯粉又彈牙，吸湯力又強，冇得輸！🤤👍🏻我係一個好怕經常食同一間野既人，但呢間我真係一個星期食幾次都冇問題😂中意食麻辣既絕對要試！

味道確幾好，又香，有得按喜好去選擇各樣既辣度同麻既程度，份量等，不算太油膩，意想不到還有薯粉同水晶粉選擇，不過小食同飲品既價錢略微貴左少少，而食物既選擇不算太多。

份 量 極 少 ！！！年幾前已經食依間，個陣仲係得一間舖，未發展到隔離開多間既時候，份量多到驚訝，味道都幾好，每次都食到飽飽離場，所以都經常去幫襯。

個陣會嗌雞翼尖，一路食一路數，最少都有8隻或以上，份量真係好足，性價比高。

直至開多間分店(隔離舖)既時候，發現份量慢慢變得愈黎愈少價錢仲貴左，服務態度都變差了，六十幾蚊食唔飽，嗌開既雞翼尖變到得5隻或以下，真係好失望。

希望老闆會望一望食評，其實加價份量不變唔係問題，但加價之餘份量減至一半有多，實在太過份。

本人好似冇乜寫過食評，但呢間嘢真心伏。

中辣小麻，冇乜味。

豬大腸望落唔乾淨，豬皮唔入味，已經諗唔到有咩係好食衛生環境好一般，有d蚊子飛過。

雪櫃幾污穢。

肯定沒下次。

完。

第壹燙冒菜麻辣燙餐單提供川菜, 四川, 中菜館等推介美食位於尖沙咀區，餐廳座位數未知人均消費約$50以下，結賬可以用現金，Booking訂位可以電話致電 23210130 查詢。

您對於尖沙咀餐廳「第壹燙冒菜麻辣燙」有何 comment？

第壹燙冒菜麻辣燙餐廳詳細資料：

• 第壹燙冒菜麻辣燙地址:
  尖沙咀加連威老道41C-D地下1A舖
  First One China Fine Food, Shop1 A, G/ F,41 C- D Granville Road, Tsim Sha Tsui
• 第壹燙冒菜麻辣燙電話: 23210130
• 第壹燙冒菜麻辣燙價錢: $50以下
• 分類: 川菜, 四川, 中菜館
• 座位: 未知
• 付款: 現金
• FB專頁: 第壹燙冒菜麻辣燙 Facebook

更多第壹燙冒菜麻辣燙相關資料:

• 第壹燙冒菜麻辣燙分店
• Youtube
• Facebook
• Twitter
• Google