池畔餐廳 尖沙咀

池畔餐廳 評價 相片

細堂妹假尖沙咀梳士巴利道香港半島酒店宴會廳設宴9圍，她跟男朋友完成11年愛情長跑！真是可喜可賀！當時，正值是社會事件，幸好！當日中午在尖沙咀文化中心集合後，便遊行散去，沒有影響她於晚上的婚禮，可順利完成！我們一家人，先走入半島酒店大堂右手邊的 lift，可直達宴會廳！這裡裝潢設計及佈置優雅！簡單而隆重的婚禮儀式在半室外露台進行，背景為迷人極致的維港景色，加上天公造美！整個婚禮順利圓滿！ 婚禮完成後，室內有冷氣的有 4 枱，每枱大約容納 10人，室外有帳篷卻無冷氣的位置有 5 枱，每枱大約容納 4~5人；爸爸媽咪坐 Table 2，我、細佬及一班親戚後輩坐 Table 5！大約一位侍應負責一枱，服務週到一流！晚宴以西式的自助晚餐室內外也擺放了美食！包括：魚生、刺身、沙律、冷盤、沙律、熱盤、甜品、雪糕...等！桌上已整齊擺放高級餐具及餐巾，並備有餐包及牛油給賓客享用，果汁是鮮榨果汁，橙汁鮮甜天然帶有橙肉！海鮮：阿拉斯加長腳蟹腳 配乾蔥紅酒醋及咯嗲汁尚算鮮味！不過，媽咪只覺得過得去！雖然我無食魚生，見到厚切！色澤也見鮮明！ 師傅好細心，把檸檬用紗質布包住方便用！冷盤：鴨肝凍批 配甜酒啫喱及提子鴨肝甘香軟滑，味道幾突出，其軟滑卻不及鵝肝！整體清新特別！海鮮沙律杯賣相獨特，沙律菜混合胡麻沙律醬，帶子鮮嫩甜美，蝦大隻爽口！熱盤：蒸魚魚肉鮮美嫩滑！火候恰到好處！保持魚肉鮮滑！忌廉汁雜菌帶子算是夠味！咕嚕肉亦外脆內裡富肉汁！粒狀意大利粉入口煙韌又夠入味！甜品：綠茶戚風蛋糕芳香鬆軟！香草千層酥千層酥做到酥脆的水準！香蕉蜜糖球外型精緻的骰，跟馬卡龍差不多 size！馬卡龍外層微脆，內裡的果醬酸酸甜甜！

幸運地在公司抽獎活動抽得到半島酒店的按摩禮券，決定在生日請假享受，且加錢享受午餐!走到池畔入座，眼望維港景致，且平日下午幾乎包場，好不舒適!先來一杯無添加鮮榨蜜瓜汁，配以微暖且外脆內軟的餐包，忍不住吃光光。

前菜是一道帶子沙津，帶子彈牙鮮味足，配上蘿蔔粒、羅勒醬和少量沙津菜，簡單清新的美味。

主菜是煎鱸魚，皮脆肉質結實，配菜以蔬菜為主，不會過多牛油或過熟，新鮮爽口，調味適中的醬汁，平凡中嘗到良心食材廚師的用心和紮實的基本功。

甜品是乳酪柚子沙津香草片加雪芭。

柚子微酸且不太甜膩，配合清新健康的主題。

最後以瑞士香草茶作完美的句號，準備按摩!約四百元的午餐不便宜，但食物、環境和服務都屬上品，平時不如省吃儉用，出更多預算食真正的好西!

香港人幾咁忙我唸全世界都知, 但唔係成日可以去旅行relax下, 所以如果可以間中係香港嘆反個spa真係可以幫自己充下電. 半島酒店係香港數一數二的五星級酒店, 酒店內的水療中心亦都非常出名, 早前我就去體驗左雙人水療理療, 等我同大家分享下呢個SPA有幾咁舒服啦未做SPA之前先醫左個肚先, 輕怡美食, 其實我覺得都唔算輕怡, 因為主菜、頭盤、甜品及飲品全部都齊, 望住個維港, 食乜都會覺得特別好食呢!!! 上菜前先會送上一藍面包同埋一杯welcome drink, 我就揀左西柚汁, 酸酸甜甜夠晒開胃, 前菜係香煎帶子, 帶子好鮮甜好彈牙老公一反傳統主菜試下呢度d中式炒面, 面條好彈耳, 醬汁味道好濃郁, 最重要係食到碟底都唔會好油, 值得一讚。

甜品係香芒雪芭 口感好滑, 酸酸甜甜, 配埋蛋糕一齊食口感更豐富, 最後餐飲叫左 ice coffee, 慢慢食足2小時, 好嘆啊!!其實前菜同主菜都有幾款不同選擇, 應該總有一款適合你的口味, 而我的主菜就揀左煎吞拿魚扒, 外脆內軟, 魚味好香濃, 口感亦非常好。

平時係得大酒店用餐, 都唔好著得太求其, 但係池畔餐廳用餐, 最好係佢一定要你換上拖鞋浴衣先可以出去, 踢住拖個人即時relax晒~哈一邊享受陽光既溫暖, 一邊欣賞維港景色, 一邊飲一邊食, 呢2小時過得特別快!!! 嘆完個咁精彩既午餐, 個人亦都消化得七七八八時, 我們今天的真正主菜 要來啦~GOGO.....GO!!!做SPA前會先安排你到休息室, 休息最令人眼睛發亮當然都係無敵維景景, 比你望住全個維港景焗反個桑拿, 再沖反個靚涼, 你話多RELAX, 入面飲品全部免費, 焗完一身汗亦可以坐係SOFA慢慢休息, 享受晒全部設施, 再嘆2小時全身按摩, 按摩師手勢好舒服, 基本上我做到一半己經訓著左, 做完全身鬆晒, 真係好舒服。

同意之前mlrsky既食評, 呢個bbq真係物有所值!今年男朋友的生日在星期六, 8月中我就打電話黎呢度訂定位, 因為知道佢地坐位唔多.當晚大概只有14台客, staff就好多, service 一流! 環境亦好好.凍盤最出色既有風乾火腿+melon, 仲有凍蝦都好好食. salad bar 好多好味既sauce 選擇.grill 方面選擇唔多, 但足夠, 因為用料真係好好! 我平時唔太鐘意食帶子, 但佢地既帶子好好味, 外面燒得香, 入口溶化! 我都食左幾隻. 和牛burger同西冷, 第一次燒得過火, 之後大廚出黎social 時問我地d 野食得唔得, 我地反映好似d 牛太熟, 佢就親自去個grill度整比我地, 叫我地再試下, 感覺非常好! 而大廚整既真係好唔同! 好食好多! 我話佢地既帶子好好食, 佢話係日本入口. no wonder!我地每一樣grill都試過. 除左以上所講, impressed 既仲有老虎蝦, beef sausage 同 墨魚. 甜品方面, 由於grill我食得好飽, 甜品反而無點食. 不過好驚喜既係新鮮strawberry 同blueberry, 全部都好甜架!!! 無食過一粒酸既! 好開心呀!! 呢兩種生果我地食得最多!另外係vanilla icecream, 好香滑, 我食左好多個scoop.如果要同grand hyatt比較, 我比較喜歡半島. grand hyatt既選擇無錯係多d, 但係用料一定係半島好好多! 可惜係半島無鵝肝!呢個bbq buffet serve 到12月中. 要食既就快d book啦~! 我去當晚無落雨, 又唔太熱, 非常舒服! 真係幸運!

4個月前訂了位,這才有機會一試這座位數量頗少的BBQ Buffet dinner,$553 per person includes food plus one coffee/tea餐廳位於半島酒店Old Block的天台,風景好自是不用說了,不但望著整個維港夜景,還可看到幻彩詠香江.每張檯之間相隔頗遠,環境十分寧靜又有privacy,有很多服務員隨時留意客人的需要但又不會讓人覺得騷擾.11月中的天氣正合適,加上酒店很體貼地放置了暖爐,所以並不怎麼覺得冷,不過9點過後有些大風.食物方面,選擇不多但全部用料上乘,而且每次數量少了便立即添加,供應不絕.頭盤中Ceasar Salad和凍蝦的味道最好,今次的湯是意式雜菜湯,不過不失,如果熱些更好.精彩的地方是即叫即燒的BBQ,因為客人數目少但卻有4個廚師,所以每次Order後等約10分鐘就燒好了.最好吃的有新鮮爽甜的大虎蝦和煙肉帶子卷,新鮮肉厚烤得內裡嫩滑外表香脆又佈滿香草的石斑,充滿肉汁的和牛漢堡,還有焦香又有肉汁的澳洲牛扒.此外,吃完滿口油香的蘇格蘭三文魚,脆皮牛仔腸和充滿香草味的豬肉腸也不錯,燒雞翼不過不失,ribs只是普通罷了,Quail則沒有嘗試.其他還有已經烤好的配菜如薯仔,南瓜,瓜果,玉米等供應,味道都OK.然後是令人驚喜的甜品,這兒是我們嘗試過的把甜品做得最出色的酒店自助餐!最好吃的有有日本牛奶雪糕風味的香濃軟滑半島自製Vanila icecream,充滿椰香的椰汁椰青pudding和又脆又香又軟滑的綠茶Tiramisu.另外,香濃的chocolate cake,cheese cake,cappucino mousse和半島自製cookies也相當可口,還有很好吃的水果如blueberries和strawberries呢,餐後的mocha和Latte也調得很好喝.最後要說的是,半島的BBQ Buffet dinner真的是物有所值(不過如果另外order酒水就比較貴),食物,服務和環境比灣仔Grand Hyatt的好太多了,但價錢只是差不多,很後悔上次竟然去了Grand Hyatt!

池畔餐廳餐單提供西式, 酒店餐廳, 無翅餐廳等推介美食位於尖沙咀區，餐廳座位數未知人均消費約$401-800，結賬可以用Visa,Master,現金,AE,銀聯，Booking訂位可以電話致電 26966694 查詢。

您對於尖沙咀餐廳「池畔餐廳」有何 comment？

池畔餐廳餐廳詳細資料：

• 池畔餐廳地址:
  尖沙咀梳士巴利道22號香港半島酒店8樓
  The Pool Terrace, 8/ F, The Peninsula Hong Kong,22 Salisbury Road, Tsim Sha Tsui
• 池畔餐廳電話: 26966694
• 池畔餐廳價錢: $401-800
• 分類: 西式, 酒店餐廳, 無翅餐廳
• 座位: 未知
• 付款: Visa,Master,現金,AE,銀聯
• FB專頁: 池畔餐廳 Facebook

更多池畔餐廳相關資料:

• 池畔餐廳分店
• Youtube
• Facebook
• Twitter
• Google