明冠美食菜館 尖沙咀

明冠美食菜館 評價 相片

由於今日都幾累，阿哩又要返屋企打蛇既關係，所以食少少野回家，原來想去妹記食兩個小炒啦，點知阿哩介紹厚福街"明冠美食菜館"嘩﹗墨魚紅腸.....0的墨魚薄過紙巾，紅腸有一個個洞，好似比老鼠咬過一樣.....個0者0者雞煲，數埋都唔知有冇十件雞，普通煲仔一望落0的料已覺得小，味道就...一般啦﹗蜆都叫新鮮呱，不過犯左我食貝殼既大忌，有沙﹗睇門口以為都係平價食店，點知圍起都成六十蚊碟呢﹗早知去妹記啦.........OMG﹗

首先要講既係，呢度既服務好好，個老闆同老闆娘都好好人！我地又要佢\\\地幫我地影相，又要係咁攞好多隻碗，佢\\\地都好殷勤咁服侍我地，好！至於食物方面，不過不失，唔差，但無驚喜。

蠔餅及蠔仔粥最好味，不過太多油。

另外，我地仲叫左鹵水鵝片、椒鹽豆腐、椒鹽鮮魷、椒鹽牛仔骨、西檸雞、墨魚拼大腸、沙嗲粉絲牛肉煲及四個靚仔，尚算扺食。

曾幾何時，每天也在這裡吃午飯，為時都有一年有多，差不多是風雨不改的吃。

這裡食物麻麻，地方普通，服務又一般，原因只有一個，就係佢夠~平！到而家當然不會因為平來吃，原因在最後才說。

今日落尖沙咀買些整甜品的材料，又來吃一吃。

午市的話，十個來這裡，八個都叫客飯。

客飯者，可選兩款菜色，飯及粥任擇，沒有飲品。

選了對電視的位置坐下，放下東西，就去拿食物。

款式紛陳，賣相不算好，但都有成十款。

這裡差不多是無服務可言，是全自動式，即「自」己「動」手的模式。

先排隊去拿菜，再自行去拿飯或粥，老實講，在那個大鐵桶來盛粥，幾「監獄風雲」feel的。

要了蓀鹹蛋肉餅及魚香茄子，再加碗粥。

鹹蛋只一小片，吃不出什麼味道來。

肉餅反而幾好味，雖然只薄薄的一塊，廿蚊貨仔係咁上下；茄子味道不算差，起碼叫做送粥唔錯，幾多油，不過呢餐油都唔多滴，幾難超標；粥質感及口感都欠奉，當然是長期攪動的後果了。

埋單廿蚊，非常便宜，白飯任裝，咁至少食得飽，所以也是不少普羅大眾的飯堂。

每逢發現自己腦子轉數開始慢，或精神較鬆懈時，就會來吃一吃，以作警惕，提醒自己要加把勁，努力工作，搵多d錢，咁至可以~食‧好‧D！

20050502 9pm繼續好友們飯+飲o野局, 3人, 先食飯打個底, 朋友J先生無端白事話想食瀨尿蝦小炒果o的, 平靚正大前提底下, 海防道街市咁夜又收o左皮, 貴果o的酒樓又不在budget 之內, 於是求其響厚福街就搵間o黎食.* 椒鹽瀨尿蝦 呢個最差, 瀨尿蝦肉唔新鮮, 霉, 蝦殼無炸, 兼成碟o野都好濕, 乜椒鹽都有濕炒o架咩?* 八珍豆腐 唔新鮮, 講完.* 金銀蛋小白菜 無莧菜, 轉做小白菜, 偏鹹, 蛋切得好大舊, 一開四咁大wor, 不過幾夠鑊氣, 同埋o的菜炒得幾好食.* 蠔仔粥x 1碗 好水, 一般啦.* 白粥x 1碗 潮洲style 白粥, 好水.朋友comment, "無一味好食." 我覺得就都係咁啦, 將貨就價.因為total 只係$160幾.

我記得呢間野好幾年前去過，今晚平安夜同3個澳洲d中學同學行TST，有個仲係印尼人黎左香港玩添，行下行下見到呢間，記得都幾好的，就去食喇~7點多少少到，入面爆，哥仔問我地外面得唔得，我地無問題啦，鬼佬成日都左路邊的，果條仲係崛頭路無車的。

坐低4條友嗌左3樣野，紅腸拼唔記得咩打冷野，白色既；菜膽雞；蠔餅。

紅腸拼咩咩幾好，有我阿公以前既水準，不過係薄左少少，差左d實在感。

菜膽雞係我叫既，因為病病地想整個清d既，雞唔錯，不過菜係菜心，我自己覺得小棠菜好d的。

蠔餅叫俾印尼仔食既，不過連我2個frd都話正，我都覺得幾好，係我覺得粉多左d，蠔少左d，不過都ok既。

明冠美食菜館餐單提供粵菜, 廣東, 中菜館等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「明冠美食菜館」有何 comment？

明冠美食菜館餐廳詳細資料：

• 明冠美食菜館地址:
  尖沙咀厚福街
  Ming Goon Chinese Restaurant, Hou Fook St, Tsim Sha Tsui
• 明冠美食菜館電話:  
• 明冠美食菜館價錢: $51-100
• 分類: 粵菜, 廣東, 中菜館
• 座位: 未知
• 付款: 現金
• FB專頁: 明冠美食菜館 Facebook

更多明冠美食菜館相關資料:

• 明冠美食菜館分店
• Youtube
• Facebook
• Twitter
• Google