幸福堂 尖沙咀

幸福堂 評價 相片

琴日同朋友行開尖沙嘴就諗住一心第一次幫襯一下佢哋，點知叫嘢果陣就遇到果嗰戴眼鏡非常唔友善嘅收銀女士。

佢態度非常惡劣，大大聲聲。

問多兩句就覺得你好煩厭。

到咗攞奶茶嗰陣時候，原來比錯咗杯貴嘅茶俾我哋，收貴咗錢又唔肯退返錢又唔肯換返俾我哋。

多多解釋，最緊要係杯奶茶極之唔好飲。

同台灣比真係爭天共地，上次去台灣排晒隊都值得，唔怪知得啲評分咁低。

佢老闆請着啲咁嘅員工真係倒米，早知我哋幫襯隔離老虎堂好過，次次買親嘢人哋態度不知幾友善。

呢間幸福堂以後都唔會幫襯!!!!

今日同女朋友去尖沙咀幸福堂買黑糖珍珠鮮奶，我未搞混一飲落去最底黑糖到，竟然完全冇甜味，跟住我飲真啲，除左啲珍珠有少少甜之外，其他野都係冇味，奶冇奶味，黑糖冇黑糖味！我飲我女朋友個杯，發現佢個杯係正常。

我同店員反映，個男人同我講話佢地跟fomula整唔會有問題喎！我就問佢會唔會係你啲員工落少左料呀，因為我飲過女朋友個杯係正常，佢話我女朋友個杯冇冰，我個杯有冰，所以淡啲。

喂大佬呀，我即刻去左隔離老虎堂買左杯黎飲，老虎堂個杯仲多冰啦，我成杯飲到落底我都仲覺得甜呀！講真呢啲服務態度真係唔得囉，個客同你反映杯野有問題，正常都應該檢討自己係咪真係有問題先，而唔係堅持自己冇錯囉！利申：非老虎堂打手

同朋友喺尖沙咀行街行到覺得口渴，見到幸福堂難得少人排隊就諗住去試吓，順便解下渴先同朋友買咗一杯草莓珍珠鮮奶share，因為我一向都怕啲台式飲品會好甜，所以叫咗少甜。

第一啖飲落去草莓味幾香，唔會有浸假膠味而牛奶都幾香滑，都唔會太過重牛奶嗰浸蘇味，連平時唔鍾意飲鮮奶嘅我都覺得OK。

草莓同牛奶配合得幾好，唔會太甜連啲珍珠都係草莓粉紅色，雖然食落去唔多覺有草莓味不過價錢就唔係太平啦，同埋份量偏小，兩個人好快就飲晒下次要買就應該一人一杯會好啲

自己一向都鐘意飲台式街頭飲品，今次黎試呢間喺尖沙咀既幸福堂。

平日比較愛好飲茶類既飲品，但由於呢間既名堂係黑糖珍珠鮮奶，最後都叫左杯黑糖珍珠鮮奶，叫既途中無得自由配搭少冰/少甜等選項，佢地想比客人試到呢杯既原味。

客人唔算多，等左5分鐘左右，店鋪入面有專門慢煮黑糖珍珠既大鍋。

店員以黑糖珍珠加入鮮奶再以火槍燒成焦糖奶蓋面。

試完杯黑糖珍珠鮮奶，唔算有令人驚喜既感覺。

甜度適中，但珍珠個人不太喜好，因珍珠係偏細粒果隻，同埋咬落唔夠軟熟，令珍珠方面有d失色。

總括黎講味道中規中矩，但追求珍珠口味既人就會失望。

.想起黑糖珍珠鮮奶你會想到哪一間？😍當然不少得之前因爲加盟問題炒得沸騰的幸福堂啦現在香港以幸福堂名字的都是直營店喔😳我在台灣也曾喝過幸福堂卻沒喝招牌，而是抹茶之類的但讓我印象不太好😣（雖然也有朋友說台灣幸福堂的黑糖珍珠是可以的）#焰遇幸福黑糖珍珠真鮮奶 HKD$30看著炒黑糖珍珠的確是很治癒黑糖感覺超濃~~拿到手上也是暖暖的😝可是................珍珠Q到不行!!可以用Q來形容嗎......?(也可以說有點硬啦😅😅😅)珍珠的中心感覺沒有煮熟😞😞黑糖味只有甜味🥛鮮奶味有點假...除了外表好看....真的不推薦😞感覺這一家廣告行銷滿分實力有待加強喔🤘🏼(各項滿分為5分)餐飲分數: 🌕🌑🌑🌑🌑環境分數: 🌕🌕🌕🌕🌑服務分數: 🌕🌕🌗🌑🌑價錢分數: 🌕🌕🌑🌑🌑總分數: 🌕🌗🌑🌑🌑幸福堂🍴尖沙咀樂道5號嘉樂大廈地下1號舖🕐星期一至日11:00am10:00pm

幸福堂餐單提供台灣菜, 台式飲品等推介美食位於尖沙咀區，餐廳座位數未知人均消費約$50以下，結賬可以用現金。

您對於尖沙咀餐廳「幸福堂」有何 comment？

幸福堂餐廳詳細資料：

• 幸福堂地址:
  尖沙咀樂道5號嘉樂大廈地下1號舖
  Xing Fu Tang, Shop1, G/ F, Kar Lock Building,5 Lock Road, Tsim Sha Tsui
• 幸福堂電話:  
• 幸福堂價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 幸福堂 Facebook

更多幸福堂相關資料:

• 幸福堂分店
• Youtube
• Facebook
• Twitter
• Google