多多林韓國料理 尖沙咀

多多林韓國料理 評價 相片

一落完ｏｒｄｅｒ，ｗａｉｔｅｒ就拎左好多小菜黎俾我地食。

見我地食完，又問我地仲要唔要，可以再拎俾我地。

仲有得揀要邊款添！＜ 炆牛肋骨煲＞牛肋骨又大舊又炆得夠”林”，仲非常入味！ｇｏｏｄ！＜泡菜餅＞辣味適中，不會ｏｖｅｒ左～不會太油，唔錯！好味到食唔停！！＜生牛肉＞全力推介既一味菜！！！！我本身都有點抗拒食生牛肉．．．不過聽朋友講話好好食，就先試一細啖啦，結果食得最多就係我！個醬汁配合得好好，帶出了牛肉的鮮味！＜豆腐＞比較清的一道菜～淡淡的豆腐，配合中間的汁料，簡直係ｐｅｒｆｅｃｔ　ｍａｔｃｈ＊另外，ｗａｉｔｅｒ都好有耐性，我地問佢地某道菜入面用左ｄ咩材料，佢地都特登搵個識答既黎解釋俾我地聽，很好的服務態度！環境方面都好寧靜，坐的ｓｏｆａ都好舒服。

在公司附近, 約一年前光顧過, 所以再光顧.... , 點知今非昔比.一年前要等位食午飯, 抵食, 加埋小碟前菜, 好多o野食.... 約hk$60 一個set, 送飲品.價錢ok , 味道ok. 都算好食.今日一行五人光顧午飯, 黑麻麻.... 以為已執笠! 只有45檯人. 不妙...... (以前要排隊等位o架!!)4位朋友都點了套餐, 我仲要諗下..... 先落單啦!!同事話不如一齊 share 食啦, 實食唔晒.... ok, 咁我唔再諗啦....點知有個"阿豬媽" 走過來話, 你地5個人, 點了4個餐, 咁要加一服務費, 無飲品送, 及無8小碟前菜.嘩..... 咁我地梗係叫多個餐啦...... (但我朋友好勞氣, 我都勞氣, 但知道唔會再幫襯, 所以唔嘈....)朋友叫了no.12 號午餐, 送來的是 no.13號. (少少分別, 及一份用鍋, 一份用碗.)叫侍應來, 佢話呢個係no.13號..... 我地係 order 要no.12號",侍應: "喔.... 呢個係12號....."no.12 同 no.13 係一樣既.... 只係盛載用唔同東西o乍.....???!!叫人加茶啦, 個女侍應拿了茶壼來到, 問邊個要加茶, 我指指兩個只有半杯水的杯, 侍應: "有茶呀...."咁我遞了我個杯出去比佢, 加了茶後又再問邊個要, 我話剛才那兩個都要,侍應: "有茶呀.....", 我: "叫你斟就斟啦!!" 就係咁佢先至肯斟......我覺好奇怪囉.... 都無客囉….. 仲唔做好o的, 做好個名先o岩。

佢地調返轉頭趕客走。

如果喜歡呢間餐廳的人, 真係要快o的去啦！真係唔知幾時會執笠!!

之前睇到有人話好食.....口味既野真係人人要求唔同.之前亦睇到有人話正宗....呢方面我認同 , 因為韓國街頭正宗韓國料理大部份都係唔好食的..哈哈.....呢間果然係正宗.點了牛肋骨肉......黑的..肉不靚兼醃製太久...很差感覺海老餅......蝦太乾身, 蛋皮不香豆付辣湯......得個辣字....無其它味道真露 3 支.......最正常.星期五晚光顧...7 10點入坐率保持住 3 成........你可以想像一下.....不過真的有幾枱韓國客幫襯, 呢個係事實.....另一個事實係永遠不會再去.

之前一直想來試,今晚終於有機會 ... 坐下點了支真露,店員送上兩碟小吃比我們送下酒食 ...跟住我們點了牛肋骨肉,海老蝦餅,豆腐辣湯店員送上各款伴菜小吃,當中只有泡菜是好吃的. 其他的都無特別. 由於有兩款同之前送酒的一樣,我們要求更換其他款式. 店員立即面有難色,十分不想更換似的......牛肋骨肉賣相差,肉色很不新鮮. 味道很咸,根本不用點豉油吃. 海老蝦餅的賣相更驚人,厚厚的漿粉,在其他店未見過做到這樣.蝦肉不爽.豆腐辣湯只得辣味.但勝在有很多片豆腐.食物價錢同其他韓國料理一樣,但質素真的要改善.難怪星期五晚都只得三四枱客人.

放工途經海防道多次，都收到這韓國菜館的宣傳單張，想起吃一頓正宗的韓國菜，開銷可不平宜，見這裡午餐款式不少，價錢倒十分合理，本應儘早一試，奈何時間不大配合，直至最近的一個大假，終於決心前往一躺，還自己的一個心願。

坐下後稍看餐牌，二話不說，決定來個牛肋骨的套餐，從先奉上的韓式前菜，已粗略知道餐廳的水準一二，總共來了六個小碟七個款式，其Kimchi的味道十分正宗，爽脆酸辣，混和蒜香可十分開胃，其餘的有大豆芽、青菜、南瓜片、蒟蒻造的年榚、甜麵豉和辣汁豆腐等，一人前之下可算豐富。

主菜的炆牛肋骨以往都曾吃過，一人份量之下約四至五件，其肉質呈現彈性和鬆化出來，味道上都是一般的韓式調味，略嫌醬汁偏鹹，吃其肉塊及用汁來送飯，倒也不大察覺，到那些索了汁的甘筍和白蘿蔔，其瑕疵現形了。

雖然如此，味道上仍然偏向不錯，白飯用的是珍珠米，飯身粒粒肥大，不過份量上少了一點，大食一點可未必夠飽了。

奉上一碗芽菜清湯，淡而無味，想其功用是用來清洗口腔過重的膩感吧?! 埋單六十八元，對照餐牌，可沒有收取加一，以份量和味道來說，算是實惠了。

見人家點一些韓式飲品，如柚子蜜或紅棗茶等，算是幫補收入的途徑........至於味道是否正宗，單憑一味說不得準，印象中和其他韓式菜館吃的，味道上差別不大。

臨走再問問經理，原來除了週一至週五之外，只要週六不是「紅日」，也有實惠午餐供應，這下可喜出望外了。

多多林韓國料理餐單提供韓國菜等推介美食位於尖沙咀區，餐廳座位數未知人均消費約$101-200，結賬可以用現金。

您對於尖沙咀餐廳「多多林韓國料理」有何 comment？

多多林韓國料理餐廳詳細資料：

• 多多林韓國料理地址:
  尖沙咀海防道38-40號中達大廈3樓
  The Dream Korean Restaurant, 3/ F, Zhongda Building,38-40 Haiphong Prad, Tsim Sha Tsui
• 多多林韓國料理電話:  
• 多多林韓國料理價錢: $101-200
• 分類: 韓國菜
• 座位: 未知
• 付款: 現金
• FB專頁: 多多林韓國料理 Facebook

更多多多林韓國料理相關資料:

• 多多林韓國料理分店
• Youtube
• Facebook
• Twitter
• Google