培哥火鍋 尖沙咀

培哥火鍋 評價 相片

平安夜3 個人行下等埋個FRD放工7 點幾左右就開始肚餓諗住去打邊爐有骨氣要等到11 點之後行下有邊間啦見到呢間出面好多魚, 海鮮出面貼住蔡生推介但好奇怪無咩人算入去試試一坐低見到張紙覺得培哥d野食有d貴但個環境係幾舒服既又有電視睇無其他D 咁嘈呢間好多自家手打乜丸物丸d野黎到份量都唔少 =] D 野食極都有咁仲諗住個朋友黎到再嗌點知都唔洗手切肥牛, 唔及其他的但都OK 佢個到D 丸又真係幾彈 但D WAITER 好似唔係好洗做咁好HEA 就真 但都好唔會HARDSELL 唯一係貴左D

男朋友係超鐘意打邊邊的，而上星期1仔蔡生介紹左呢度，佢已經係超想食；尋日為慶祝佢牛一，兩條友就去左呢度食啦。

對於我地呢d去慣龍城金記、佛笑樓呢d唔算太貴火鍋店 (食到嘔都係$150$170)的人黎講，培哥d野食有d貴；所以我地都叫少d，叫左個番茄薯仔豬骨鍋($88)、手切肥牛 (細) ($10X)、鮮打八爪魚丸($88) (本來蔡生係介紹墨魚丸的，但手打墨魚丸好多地方都有，八爪魚特別d)、同皇帝菜($28)雖然野食比我地食開的有d貴，但d野放上枱，都比較骨子，而且份量都唔少的；皇帝菜有好大盤，而且都好新鮮好靚；手切肥牛都唔錯，有牛的鮮味，又嫩滑，雖然未算係頂級，但都不錯的了；鮮打八爪魚丸更加係冇得頂 雖然只係得八粒，但八爪魚勁鮮甜，好明顯係用d勁新鮮的八爪魚打出黎的，內裏仲有d八爪魚粒，豐富左個口感，好正！反而個湯底有少少令人失望；不過可能係呢度的特式，只係同我唔多夾，就係唔夠鮮，太淡。

雖然係，如果真係放魚呀等d鮮味食物，個湯淡d係更能帶出個鮮味；但我地叫得番茄薯仔豬骨鍋，都希望有一定的豬骨鮮味，不過真係欠奉啦，有d失望。

我覺得佢地係可以有d較濃味的湯底，或者較淡味的湯底 (如蘿蔔清湯)，供唔同口味/打算食唔同野的客人選擇。

呢度好就好在，佢係一個較貴價火鍋店的格，但d職員好好，唔會勁sell我地食海鮮，亦都唔會因為我地食得果少少野而對我地白鴿眼，仲好親切。

係呢度食野食得好自在。

不過我都係建議多d人 (起碼四人)先黎食，可以試多d唔同既野。

出到大門，發現有隻八爪魚孤獨地游下游下...oh, 佢d同伴可能就係用黎做左手打八爪魚丸，俾我地食咗...oh, i'm so sorry...

培哥火鍋餐單提供港式, 火鍋, 中菜館等推介美食位於尖沙咀區，餐廳座位數未知人均消費約$0，結賬可以用現金。

您對於尖沙咀餐廳「培哥火鍋」有何 comment？

培哥火鍋餐廳詳細資料：

• 培哥火鍋地址:
  尖沙咀寶勒巷22-24號地下
  培哥火鍋,  
• 培哥火鍋電話:  
• 培哥火鍋價錢: $0
• 分類: 港式, 火鍋, 中菜館
• 座位: 未知
• 付款: 現金
• FB專頁: 培哥火鍋 Facebook

更多培哥火鍋相關資料:

• 培哥火鍋分店
• Youtube
• Facebook
• Twitter
• Google