城寨煲皇 尖沙咀

城寨煲皇 評價 相片

經過呢間火鍋店，俾佢大門嘅復古霓虹燈裝修吸引咗入去食😂 係非常復古嘅舊香港風味，連餐廳個名《城寨煲皇》都非常特別！樓梯行落幾步仲有個花牌俾食客打咭🥰餐廳內嘅裝修反而比較乾淨，似舊香港冰室風格，座位全部係卡座好濶落好舒服🫶🏻呢度主打招牌雞煲翅，仲有推出雞煲翅二人餐同四人餐，非常抵食！望一望個餐牌，佢哋嘅鍋底同埋配料款式都非常之多，有少少花多眼亂。

最後我哋都係決定要試吓佢哋嘅招牌雞煲翅！🤤以下落嚟我想講，真心全部都推薦😂寫文嘅時候都有少少糾結，真係全部我都覺得好好味🙈============ヽ(○´∀`)ﾉ♪城寨招牌龍鳳雞煲翅 $428（4人份量）⭐️推薦🫶🏻 店員話個雞湯係熬咗8個鐘，勁香濃！呢度嘅雞肉、魚翅同埋花膠係用碗上，好足料！上檯後店員先幫手加入熱湯～ 大大片嘅魚翅同花膠😳 加上好濃郁起晒膠嘅雞湯😳😳 滋潤補身，而且勁好味！ 要飲多幾碗先開始打邊爐～涼柈麻辣花甲 $148⭐️推薦🫶🏻鮮嫩爽甜嘅花甲，配上佢哋特製嘅麻辣醬汁，甜甜辣辣勁開胃🤤 辣度屬小辣&小麻，真心必試推介🤩美國穀飼肥牛 $138⭐️推薦🫶🏻平時蕃薯妹一定唔會叫穀飼肥牛，因為會怕好瘦無乜肥膏🤔 但係入嚟食之前一早做定功課睇咗OpenRice嘅相，發現呢度嘅穀飼肥牛都幾靚😳 所以決定平平哋試吓🙈 果然冇令人失望！無諗過會油花咁靚仔，唔會太瘦乾柴柴～牛味亦濃🤤原隻鮮魷 $88 ⭐️推薦🫶🏻好大隻！好新鮮！啲肉好爽甜厚實！$88好抵食！😂潮汕爆汁牛丸 $58⭐️推薦🫶🏻個個都叫手打丸，我哋反而對呢個其貌不揚嘅牛丸有興趣，烚完咬落去真係爆汁😳 有牛香有口感～ 好味🙈冰菜 $48⭐️推薦🫶🏻呢度竟然有冰菜🤤 又係蕃薯妹至愛嘅蔬菜～ 冰菜葉上面有一點點水珠，咬落去鮮甜多汁～ 記得烚10秒就要食，會爽口啲🫶🏻============ヽ(○´∀`)ﾉ♪估唔倒呢間火鍋店咁高質，期待再嚟試其他嘢食🤤*星期日至四 9:00pm後入座有全單8折優惠㗎

次次經過尖沙咀都見到呢間火鍋店門口裝修得好有特色，而且個名叫城寨煲皇，更加吸引，好似玩復古懷舊feel，裝修亦都唔差，就落咗去試吓店員服務態度非常之好，令到我好似置身喺高級餐廳咁我哋叫咗個2人雞煲翅鍋底，魚翅同雞肉會分開碗上，至於雞湯底就會一鍋俾我哋，店員示意我哋先飲湯食翅，夠喉之後就通知佢加少少湯俾我哋打邊爐🥰想講呢個雞煲翅湯，每一碗都有足夠嘅雞肉同埋魚翅，味道亦都非常之清甜鮮味，我哋兩個人一口氣飲咗三碗先開始打邊爐，真係極度誠意推介可以試吓呢個湯底，唔使下下都係食麻辣湯底或者豬骨湯底我哋叫咗手打丸類，當中有牛丸，墨魚丸，蝦丸，真係做得好出色，每一款都好好味之餘，用了亦都好足夠，每粒墨魚丸裏面都可以咬到墨魚肉粒，蝦丸都係一樣，牛丸亦都好香牛味，值得讚👍🏻👍🏻👍🏻牛魔王拼盤當中有牛肩胛，肥牛，牛柳粒同埋牛胸爽，每一個部位嘅牛肉質地入口都唔同，牛嘅香味亦都有濃有淡，每一個部位嘅牛都唔會好韌，真係好出色另外呢個真係值得一提嘅，就係鮮蝦，既然係一個普普通通嘅鮮蝦點解需要提及呢，重點係佢哋有幫忙剝蝦殼嘅服務，只要你烚熟啲下之後就可以叫個店員過嚟幫你剝蝦殼，呢一個服務真係非常之咁好，等你可以唔使整污糟手🤩呢啲斑腩又係好出色，入口啖啖肉，份量亦都好多最後梗係要攞埋個最着數嘅優惠，就係like左佢哋店舖嘅IG然後再post一張相上去踢返城寨煲皇嘅IG就可以免費送你一本甜品就係一個勁好味嘅即炸芝麻湯圓，外脆內軟，好香黑芝麻味

上次老闆請黎呢度食飯…覺得裝修…食物(湯底…牛肉…刺身…火鍋配料)…同服務樣樣都唔錯…今次朋友話想打爐就黎番兜下今次我地湯底點左雞煲趐二人份量…再點左碟牛肉…蝦丸…牛丸…雙拼餃子…炸午餐肉…食完唔夠先加如果你點雞煲趐的話…會先上兩碗趐…成梳趐上…仲有花膠仔…黎度等個雞湯滾起左加幫你加湯…食完趐先打邊爐。

個湯好濃雞湯味…魚趐本身無味…所以個湯好緊要…一路食趐時d食物都到齊。

碟牛肉份量都幾多…望落肥瘦均混…餃子就包到元寶咁好靚…牛肉烚番10秒鐘就得…有咬口夠腍又夠牛肉味…唔錯蝦丸要讚下…有蝦味同爽口彈牙…餃子唔錯…餃皮厚度啱啱好…餃皮又滑…餡料好味牛丸好juicy好彈…彈到一夾就跌左粒🤣🤣🤣…最搞笑係俾店員執野時發現左粒牛丸碌左去我前面個卡位…佢地好好人補番粒俾我炸午餐肉就正常發揮…熱辣辣最啱當餐前小食最後補多個凍烏冬就畫上完美包號…飽飽呢度門面裝修幾特別…沿樓梯落去餐廳可以感受下城寨型風味…價錢尖咀黎講好合理…加上非常貼心服務…因為粒牛丸我係加左分🤣🤣🤣

未入鋪先有城寨雞煲，五光十色嘅霓虹燈俾你打卡。

再行落幾步有個傳統大氣中式花牌俾你打打卡。

入到去好似返到80年代豪華裝修中式餐廳既感覺。

講到懷舊，當然叫返個雞煲翅懷舊下。

另外，餐廳內亦有新鮮海鮮可叫來做火鍋料。

雞煲翅一來，店員就講返煲湯係用雞肉煲咗八個鐘而成，而細碗入面就裝有湯料中嘅花膠、翅同埋雞肉。

雞湯非常濃及鮮味，飲完一碗再添一碗，非常補身，對女士勁好，提升骨膠原。

飲到差唔多，就可以用雞湯湯底當火鍋用。

韭菜餃,椰菜餃 $58韭菜餃同椰菜餃都非常新鮮, 皮薄餡多。

超多椰菜好爽口，韭菜味濃郁。

潮汕爆汁牛丸 $58非常重牛肉味，丸身好彈牙，成粒乒乓波咁。

美國殼飼肥牛 $138美國殼飼肥牛脂肪比例均勻，食落唔會過肥，好重牛肉味。

鮮枝竹 $38非常新鮮嘅鮮枝竹，鮮枝竹落水30秒，要快d拎返上嚟，唔係會變腐竹糖水。

冰菜 $48香港好少地方有冰菜賣，火鍋店亦好少有得叫呢款菜，肉眼望落菜有冰點，好得意。

浸水50秒，好拎起來食，菜質好爽好脆，清清甜甜。

有機會再帶父母來懷念下過來

被門面裝修深深吸引了進去，不過內裏裝修較像普通茶餐廳格局。

上菜次序較奇怪：先上皇帝菜>再上湯底＞再上刺身。

😋仙氣寶鍋（桃膠木瓜牛乳） 🌕🌕🌕🌕🌕 328hkd份量充足、奶味香濃、木瓜非常鮮甜。

😋 烏龍茶（瓶裝）🌕🌕🌕🌑🌑28hkd😞可樂（罐裝）🌑🌑🌑🌑🌑 18hkd冰凍度不足。

😋 皇帝菜 🌕🌕🌕🌑🌑 48hkd*2正常質量，未到最新鮮。

😞 掛架牛頸脊 🌕🌕🌗🌑🌑 328hkd還可以，但味道較淡而且有肉臊味。

😞 城寨封門柳 🌕🌕🌗🌑🌑 268hkd還可以，但味道較淡而且有肉臊味。

😋 蘇格蘭蟶子皇 🌕🌕🌕🌕🌑 68hkd*4沒有沙，不過鮮甜度未到最好。

😋 秘制生牛肉刺身 🌕🌕🌕🌕🌗 香港288hkd非常新鮮，不過上面的鰹魚碎家人不太懂欣賞，如果配洋蔥或芝士會更好。

😋泰式珍寶生蝦（六隻）🌕🌕🌕🌕🌑 148hkd非常新鮮、彈牙，醬汁一般。

😋澳洲龍蝦、象拔蚌刺身拼盤 🌕🌕🌕🌕🌑 888hkd刀工一流、非常鮮甜，不過wasabi味道不佳。

😋火鍋醬料 🌕🌕🌕🌗🌑18hkd*2醬料新鮮、蒜蓉不嗆辣。

二人享用，連加一，人均💰1484hkd。

味道 🌕🌕🌕🌑🌑環境 🌕🌕🌗🌑🌑服務 🌕🌕🌕🌗🌑性價比 🌕🌕🌑🌑🌑回頭率 🌕🌕🌗🌑🌑❣️城寨堡皇尖沙咀亞士厘道2438號天星大廈地庫A號舖⏰晚上6時至12時（逢星期一至四有折扣優惠）☎️ 2899 2236 / WhatsApp 9886 9371

城寨煲皇餐單提供港式, 火鍋等推介美食位於尖沙咀區，餐廳座位數未知人均消費約$201-400，結賬可以用Visa,Master,現金,AE，Booking訂位可以電話致電 28992236 查詢。

您對於尖沙咀餐廳「城寨煲皇」有何 comment？

城寨煲皇餐廳詳細資料：

• 城寨煲皇地址:
  尖沙咀亞士厘道24-38號天星大廈地庫A號舖
  Shing Chai Hotpot, Shop A, B/ F, Astoria Building,24-38 Ashley Road, Tsim Sha Tsui
• 城寨煲皇電話: 28992236
• 城寨煲皇價錢: $201-400
• 分類: 港式, 火鍋
• 座位: 未知
• 付款: Visa,Master,現金,AE
• FB專頁: 城寨煲皇 Facebook

更多城寨煲皇相關資料:

• 城寨煲皇分店
• Youtube
• Facebook
• Twitter
• Google