Tea Wood Deluxe 尖沙咀

Tea Wood Deluxe 評價 相片

旅行回港不久，朋友就挑了一家吃過讚好的餐廳，說要帶妹我去吃好西去。

身邊總有幾個港女，會對Afternoon Tea超有興趣，原來今天她是帶我去吃甜品呢！好像是新開不久，環境比想像的要吸引，氣氛舒適，餐牌都很新淨可愛。

甜品架擺得美美，放了十款顏色繽紛的精緻咸甜點，連我也引不住瘋狂打卡去😍餐單設計上咸甜各佔一半，我是按個人喜歡的次序，先食咸，後吃甜的慢慢享用。

肉燥酥合酥皮一層又一層，蠻鬆化。

肉燥精華令整個點心更有味道，好有驚喜，適合愛重口味的我。

鹽酥魷魚鬚魷魚鬚好大條，炸粉下得不算多，有些咬口。

葡萄干鬆餅鬆餅很鬆軟不會硬，沾上紅桑莓果醬吃更不干身，提子烘得甜味更突出。

煙鮭魚吐司煙三文魚帶有咸香，底下的多士ok香脆。

台式羅勒雞肉煎餅炸得不過份油，啖啖肉，有少少香草調味，有嚼勁又挺飽肚。

起司油條賣相漂亮，芝士誘人，油條超級邪惡有趣，極度香口，吃完嘴巴難得不太油。

迷你舒芺蕾班戟Soufflé 好袖珍迷你，造型嬌小，忌廉打得幼滑。

迷你烤布蕾即是Cream Brûlée ，超小的一個，太得意了😎甜甜的散發著一些旦味。

百香果慕思餅樣子似咖啡口味，吃起來甜中帶酸。

黑芝蔴慕思餅面層的忌廉亦是芝麻味，這個口味十分濃密，芝麻味不少。

拿鐵咖啡杯子精美，泡打得剛好，喝起上來沒有咖啡的苦澀，卻有陣陣香氣。

靑桔仔靑檸梳打 忘了叫店員少冰，幸好適中，口味清爽順喉，材料足料，檸香出色。

食後感：今年的第一次吃的Afternoon Tea下午茶，地點不是什麼酒店，一改傳統英式風格，嚐了台灣特色的元素，亦添幾許新意。

P.S. 吃時用手扶一下糕點吧，否則像我斯文用刀叉欲盛上碟吃，就會失平衡連失兩元，相當傷心。

茶木食得多，Tea wood Deluxe就真的第一次去。

連餐廳裝潢也不同於一貫的風格，走高格調風。

感覺很新鮮。

餐牌也很別緻，就像個木盒子一樣。

花多眼亂中，都不知吃什麼好😍🔸️燒鰻魚西班牙橡果豬肉燥義式燉飯義式燉飯很香，暖笠笠，冬天恩物。

配燒鰻魚，原本覺得有點怪，但食落又幾襯。

🔸️燒加拿大帶骨豬鞍排🐖豬鞍排搞不好的話會很難咬開。

這個燒豬鞍拿捏得不錯。

軟熟度剛好。

既有燒香的豬肉味，口感又唔錯。

配菜有豆，薯仔，蓮霧等，都處理得好好。

配搭蘋果醬令成件事好清新。

🔸️MTW 鮮草莓奶蓋舒芙蕾班戟🍓🥞好少女心的一款甜品！😍😍要俾心心眼😍😍 這個等了半小時才來到，一來到，我就先融化了~ 那是值得等待的甜品呢！ 班戟皮有煎香 ，剛剛好的很香口 ！好想一啖接一啖咬它。

然後就是班戟內的奶油忌廉， 很香滑， 不會死甜 ，非常喜愛。

🔸️冰柚茶🍹開胃的果茶，而且不過甜。

🔸️活神🍓外表靚，好多的士多啤梨在杯內，飲得好開心。

Tea Wood 就成日都會食同見到，原來有TeaWood Deluxe 都係剛行過先知道的。

同普通Tea Wood 唔同既係TeaWood Deluxe D 裝修真係靚好多，每張椅子都分得好開，坐得好舒服，唔會怕嘈到人。

另外，待應生都比較專業，我地食黑毛豬，有問個待應係豬的哪一個部位，用哪一種烹調方法，會唔會好肥等等既問題，待應都好清楚以及好詳細回答。

話明Deluxe，當然價錢都會貴ｄ啦。

甜品都有少少驚喜，焦糖燉蛋Crème Brulee，最簡單既菜先最難整得出色。

同埋芒果慕斯蛋糕。

淨係個樣都夠吸引啦。

燒加拿大帶骨豬鞍排·蓮霧·蘋果蓉：豬鞍排表面帶點焦香，調味適中，可細味其中的油脂豐膄，肉質仍能保持嫩滑多汁，帶點點的油香。

而蘋果蓉嘅酸甜剛好中和豬鞍排所帶嘅油膩感，令味道層次昇華不少。

時間裝置：一杯由梳打水，檸檬水及白酒混合而成的cocktail ，滿杯鮮果，顏色亮麗，打卡影相絕佳之選，味道較酸，入口亦很容易令人接受。

桑格利亞：一杯用上檸檬水，菠蘿汁，橙汁和紅酒混合而成的cocktail，果味芳香醇厚，色澤深紅。

龍蝦薑汁意大利麵：龍蝦肉質爽口彈牙，先甜味美，啖啖肉，薑汁加上忌廉汁令其帶點點嘅辣味，是一道成功的中西合璧的菜式。

鮮草莓奶蓋舒芺蕾班戟·草莓冰淇淋：梳乎厘班戟即點即製，質地是空氣感的鬆軟香綿。

濃郁嘅蛋香，內藏滿滿細膩滑溜的吉士忌廉和不少的新鮮草莓肉，表面上淋上自家製的芝士奶蓋，鹹香濃滑，加配上新鮮的草莓，帶點點的果酸味，剛好中和了鹹香芝士奶蓋多餘的甜度令整道甜品清爽不少。

呢日同個Friend襯新年前聚一聚，佢提議去K11食飯，因為方便佢一陣搭西鐵返屋企😂。

好啦我無乜所謂，佢話想試下Teawood Deluxe，我唔知乜嚟又無去過就去下啦。

後尾先發現係茶木嚟，但點解要改個咁嘅名🙈。

不過一去到發現Deluxe版嘅茶木又真係唔同啲㗎喎，裝修完全唔同，以黑色為主調，以及陀飛輪裝飾作主題🕤，幾靚。

由於我哋訂咗枱，餐廳為我哋留咗張梳化椅，坐得好舒服。

事不宜遲打開餐牌，就發覺真係同茶木唔同。

本Menu勁厚，乜菜式都有得食，台式、意大利菜、肉扒等等都有；而飲品同甜品嘅選擇亦都非常多！另外，仲有晚市套餐提供。

紅油抄手🥟($68)，我朋友鍾意食辣嘢同餃子，所以指定點依個小食。

我就捨命陪君子同佢一齊食，估唔到一上碟就聞到超香😯，我就即刻放一嚿入口，又幾好食喎！雖然都幾辣🌶，但好惹味，平日唔會嗌呢道菜嘅我出奇哋食咗好多嚿，本身呢碟份量都好多，好似有成十幾隻。

側邊嘅沙律菜夾埋啲醃漬蘿蔔絲又幾唔錯，好過就咁食太重口味、太酸。

台式羅勒雞肉煎餅🐔($118)，Well...我以為餐廳上錯咗菜，因為我以為係Quesadilla嗰種薄餅🌮，點知煎餅係成塊墨魚餅肉餅咁哈哈。

是但啦，個賣相都幾吸引嘅，雞肉煎餅有五塊，可以點薄荷醬同沙律醬食。

煎餅本身幾香羅勒味🌿，亦都係微辣，口感幾彈牙。

香煎虎蝦辣茄汁寬條麵🍝($158晚餐價)，寬條麵比平日更寬，正呀，因為可以掛汁。

🍅茄汁味幾惹味，但就唔多辣啱哂我，不過朋友就嫌唔夠喉。

🦐虎蝦有兩大隻，蝦肉幾新鮮，肉質爽口，而且已經半剝咗殼，食得好方便。

MTW草莓奶蓋舒芙蕾班戟🥞($128)，呢個Pancake嘅造型真係令人心心眼😍，望見已經覺得流哂口水。

Pancake勁大份，四個人都夠食，上面嘅奶蓋好味道，但略嫌中間太多忌廉；而伴碟嘅🍓士多啤梨同🍨雪糕都甜甜的😊。

至於班戟本身，原來都係梳乎厘嗰種，但好食過平日好多，因為個口感比較實在，無咁空氣同咁濕，而且好濃蛋香🥚，絕對可以encore啊😋。

人蔘烏龍珍珠奶茶(原價$58, 跟晚餐免費)，呢個係我朋友order的，人蔘烏龍奶茶係以一個茶壺咁上🍵，珍珠就另外放喺一個碟仔度。

本身以為會好大浸人蔘味，但又唔係，所以好易入口。

奶茶本身就唔甜的，要靠啲珍珠先有甜味，如果想甜的話，我建議襯熱嘅時候好加落去；不過其實唔甜都幾好。

星恆05:02($75)，呢杯Cocktail🍸係我嗌嘅，貪佢個名好似好夢幻咁。

造型的確係幾星空嘅，用上藍柑橘香甜酒(Blue Curacao)作主打，所以成杯藍藍的💙。

但個味道我就唔係太啱飲😅...。

總括嚟講，呢一餐飯我係有驚喜嘅，因為樣樣食物味道都唔錯，特別係個紅油抄手同班戟😋。

餐廳定價屬中等偏貴少少啦，但晚市套餐有唔少都百幾蚊有找，係我哋大食先食多幾樣🙈。

服務方面，店員好好禮貌，而且好helpful、幫我哋影相影到靚為止XD。

Tea Wood Deluxe餐單提供台灣菜, 西式, 咖啡店等推介美食位於尖沙咀區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay,微信支付,Samsung,Pay,,Tag&Go，Booking訂位可以電話致電 26683300 查詢。

您對於尖沙咀餐廳「Tea Wood Deluxe」有何 comment？

Tea Wood Deluxe餐廳詳細資料：

• Tea Wood Deluxe地址:
  尖沙咀河內道18號K11購物藝術館B1樓B105-B106號舖
  Tea Wood Deluxe, Shop B105- B106, B1/ F, K11 Art Mall,18 Hanoi Road, Tsim Sha Tsui
• Tea Wood Deluxe電話: 26683300
• Tea Wood Deluxe價錢: $101-200
• 分類: 台灣菜, 西式, 咖啡店
• 座位: 未知
• 付款: Visa,Master,AlipayHK,支付寶,現金,AE,銀聯,Apple,Pay,Google,Pay,微信支付,Samsung,Pay,,Tag&Go
• FB專頁: Tea Wood Deluxe Facebook

更多Tea Wood Deluxe相關資料:

• Tea Wood Deluxe分店
• Youtube
• Facebook
• Twitter
• Google