Cafe@Home 尖沙咀

Cafe@Home 評價 相片

同朋友響老尖搵地方坐下飲杯野, 無意中見到呢間cafe既招牌, 於是就揀左佢.一向對呢類cafe既食物無乜期望, 所以都無失望. 我叫左杯green tea with honey, order時比朋友笑我飲道地蜂蜜綠茶...... 咁味道又無咁假, 但實在唔算好飲囉. 而佢杯mocha亦都唔見得好. 熱飲份量好似比一般cafe細.朋友仲叫左個seasame cheese cake, 我地一廂情願以為係american cheese cake果類, 上檯先發現係日式果隻, 個樣好多芝麻咁, 但食落真係唔覺囉, 奇怪.如果純粹想消磨時間既話, 呢度都唔錯, 坐得幾舒服. 又係果句, 好坐唔好食.

之前已經試過上去，但上次我估被人包左場，所以冇晒位，昨晚7:00左右再同女友上去傾計食飯，今次可能係星期三平日問題，上到去只係得一檯客，不過到8:00左右差唔多有八成客喇。

入到去坐底覺得環境都唔錯，幾舒服，而且我地係坐窗邊位，可以睇到街景，冇幾耐個waitress就拎左兩個meun埋黎，一個係普通meun，另一個係半手寫既set dinner meun，普通meun 裡只得沙律、三文治、小食同飲品，冇主菜，價錢都屬於平。

set dinner 有蘑菰忌廉湯，蕃茄吞拿魚沙律或蘑菰牛肉意粉(飯) 或咖哩雞飯，如果只叫一樣主菜就$40，要埋沙律同意粉(飯)都只係$55，算係抵。

我地叫左兩客都係蘑菰牛肉，一飯一意粉。

先講湯，我同女友都覺得好似金寶蘑菰湯咁，但都算ok，唔太咸。

主菜蘑菰牛肉睇落去都唔差，牛肉係切到一粒粒咁，食落去唔"un"，d 汁都幾好味，睇落去，女友個意粉好似仲好食過我個飯。

而餐茶我地要左奶茶同凍咖啡，我杯凍咖啡就冇乜特別，不過女友杯奶茶佢話幾好味，我見到佢地係用好似茶餐廳既絲襪奶茶，所以先會咁好味，不過唔知點解，杯奶茶等左成十幾分鐘先至黎，呢度就要扣分喇。

之後我地問個waitress有咩甜品，佢介紹有美國芝士餅同另一個唔記得係咩，不過佢再跟住講，岩岩焗好一個咖啡芝士餅，問我地要唔要試下，我女友見佢新鮮，而且又想試下岩岩焗起既芝士餅係咩味，所以就要左一件，食落去感覺好軟，唔似雪凍果d芝士餅咁硬，不過可能咖啡味比較重，所以食唔到太多芝士味，但都算幾好味，感覺唔會太heavy，岩晒唔食得太重芝士味既人。

其間我見到佢地都幾多雜誌同棋可以俾人客玩，我就同女友一邊食一邊玩波子棋，不過d音樂就比較悶，我地坐左個幾鐘，但聽黎聽去都係果幾首歌，雖然果幾首歌都幾好聽，但我覺得可以得閒就換下cd，可以唔駛咁悶。

整體黎講呢度都幾好，而且仲唔收加一添，會再同朋友黎過。

琴晚同班同事一齊包場食晚飯,形式似自助餐,我地傾住計食飯,氣氛都唔錯~食物方面,唔算多,因為我地廿几個人,所以係一大盤一大盤咁上.有煙三文魚露荀,鮮蝦,醃八爪魚,香草羊架,雞翼,香草焗蕃茄,鴨肉,豬柳卷,仲有tiramisu同蘋果蛋糕.三文魚ok,不過唔太夠食,鮮蝦唔得,d蝦有d唔新鮮....雞翼好食,好入味,不過有少少唔熟...香草蕃茄ok好食,不過我都識整.鴨肉都係ok,羊架我覺得ok,但有d同事覺得羶0左少少,豬柳卷好普通,個tiramisu唔得,一d芝士味都冇,反而最尾0既蘋果蛋糕几好食,最好食係呢個.0係度食0左成晚, 同同事傾得開心,地方雖然唔算大,但叫寬敞,廁所乾淨,環境衛生,自己播歌,好似番屋企食飯咁~食物雖然一般,但食得開心,咩都番哂啦~

上午時與Foodking閒聊, 提到尖沙咀開左一間已攝影為主題既cafe, 即興約同Foodking, 影友Jeff來一個午餐小聚, cafe 位置係香檳大廈, 商埸大部份係古董懷舊相機店, 就好似入左相機博物館一樣. 好似時光倒流咁.Cafe 本身裝修有優雅, 地方寬敞闊落, order 左三個精美定食, 另加兩個小食. 先來的蕃茄湯湯底濃厚, 入口好酸~ 餐包比想像中大而且鬆軟.主菜來了兩客, 蘋果汁豬扒螺絲粉蘋果汁輕清, 螺絲粉軟硬適中, 席上各人都覺得豬扒做得十分出色. 味道同肉質口感配合得幾好.遲來的另一個主菜, 雞胸沙律就比豬扒螺絲粉比下去, 雞胸比較鞋口, 而且無雞味, 沙律有小小偏苦. 另外再叫兩個小食, 蜜糖骨共五支骨, 幾香甜肉汁, 串燒沙嗲, 記憶中同樣係五支, 分有雞肉同牛肉, 沙嗲燒得唔錯, 而且沙嗲醬亦香甜, 兩個小食都唔錯.最後來一杯咖啡, 咖啡沖得唔錯好夠香濃, 連同熱奶相伴, 十分討好.飲完咖啡後, 三個男人仍談天說地, 轉眼間已二點一, 又係時間趕回自己崗位, 完成餘下半天的工作.一點補充:整體上唔錯, 待應們都好有禮貌, 只係略嚴生手, 價錢亦經濟合理, 環境方面十分舒服, 但除左店內掛有沙龍照片之外, 基本上感覺唔到呢間餐廳係已攝影為主題.

Cafe@Home餐單提供西式, 咖啡店等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「Cafe@Home」有何 comment？

Cafe@Home餐廳詳細資料：

• Cafe@Home地址:
  尖沙咀加拿芬道40號地下
  Cafe@Home, G/ F,40 Garnavile Road, Tsim Sha Tsui
• Cafe@Home電話:  
• Cafe@Home價錢: $51-100
• 分類: 西式, 咖啡店
• 座位: 未知
• 付款: 現金
• FB專頁: Cafe@Home Facebook

更多Cafe@Home相關資料:

• Cafe@Home分店
• Youtube
• Facebook
• Twitter
• Google