Glasshouse Greenery (Victoria Dockside K11 Musea) 尖沙咀

Glasshouse Greenery (Victoria Dockside K11 Musea) 評價 相片

位於K11的分店，有戶外和室內2個用餐區，環境優雅舒適，以大量盆栽和綠色植物裝飾，就像個小花園。

食物創新又美味，甜品同樣出色有驚喜，連飲品都花心思調制特式雞尾酒。

Tuna Quinoa Salad 吞拿魚牛油果藜麥沙律 $158吞拿魚用赤身的位於，魚味突出也不膩，口感鮮嫩，配搭潤滑的牛油果，還有新鮮蔬菜和增加爽口的蘋果粒，也加了藜麥好健康，口感很豐富，醬汁有檸檬的清香，微酸很開胃清爽。

Crispy Prawn Rice Paper Roll 炸蝦芒果米紙卷 $108炸蝦即做的，上菜也保持香脆口感，蝦肉爽口，與卷著的芒果及牛油果同食，味道好夾且不膩，醬汁味道幾刺激，酸酸甜甜易入口，辣度有後勁，但仍可接受的辣度。

Blue Sunset 藍日落賣相極靚的無酒精雞尾酒，上層的紫藍色很透光又幻化，下層係菠蘿特飲，拌勻兩色混合仍很美，味道微甜有果香，菠蘿味突出。

Lychee & Rose Twist 荔枝玫瑰冰茶呢款賣相也落心思，用荔枝加玫瑰花乾裝飾，味道有濃郁荔枝味，淡淡的玫瑰花香，較為大杯很清涼解膩。

Singapore Noodle 龍蝦鵝肝星洲炒米配西班牙火腿 $168 用貴價食材的龍蝦、鵝肝、西班牙火腿，配搭親民平凡的星洲炒米，的確有火花，味道又幾夾幾大膽創新。

龍蝦味重且彈性十足，甘香油潤豐腴的鵝肝味道濃，最讚係星洲炒米做到炒得乾身唔油，仲有好有鑊氣好香，最後有咸香西班牙火腿提升咸味同香口度，絕對係升級版的星洲炒米。

Four Seasons Pizza 四季薄餅 $158想一次品嚐唔同口味的薄餅，呢款四季薄餅就最合適，有蕃茄、牛油果、黑松露蘑菇、五色芝士......薄餅係人手即製，正宗的香脆薄身餅底，有麵粉香有點咬口。

個人最喜歡的口味是五色芝士薄餅，用了5種不同的芝士，包括藍芝士、巴馬臣芝士、水牛芝士等，芝士濃郁，有齊芝士的咸、香、濃，還加了煉奶提味，甜度也可以平衡芝士咸香，更加美味。

黑松露蘑菇薄餅，味道最香最吸引，未食已經傳出香味誘人，黑松露極香，加大量蘑菇同微甘的火箭菜，係大人的口味，呢款用左味道較清淡的mozzarella cheese，唔會搶走黑松露味。

蕃茄薄餅最原味的感覺，有清淡的蕃茄味配微咸的芝士，加了蕃茄最佳配搭的香草basil(羅勒)，增加香味。

牛油果薄餅，較為簡單的組合，蕃茄薄餅加了牛油果，味道更香，同多份creamy口感。

Crispy Baked Souffle (Green Tea) 脆皮梳乎里 (抹茶味) $128梳乎里有香草、朱古力、抹茶三個口味，需要等30mins，所以要預先提及上菜安排，脆皮梳乎里的出場也很驚喜，超級可愛的大氣團，熱辣辣又很有蛋香。

梳乎里極為鬆軟綿密，質感輕盈，入口即化如風，但亦保留微妙的蛋糕空氣感，只係一秒即化，不過特別在有脆皮面，香脆的抹茶脆皮，口感是港式菠蘿包面的脆皮一樣，甜甜脆脆很吸引。

Fresh Mango Roti 香芒印度煎餅 $78未食過類似的甜品，好奇心使我揀選左呢款甜品。

芒果用量夠多，完熟香甜又多汁，配印度煎餅較飽肚，加了煉奶味道較甜，印度煎餅帶香微硬很有咬感。

Glasshouse係k11 Musea開左分店啦🤩 店內裝修係木系配搭綠色植物 感覺好舒服❤️Menu有好多選擇 每款都好靚睇到我地花多眼亂 叫左勁多野食😆 首先介紹既係Appetizers 我地揀左選擇困難症必揀既House Platter同炸蝦芒果米紙卷🤤House Platter係勁豐富 有炸魷魚鬚 2串雞肉2串牛肉沙嗲串燒 2件粟米蝦餅 4隻香炸蜜糖單骨雞翼 同4件春卷 配搭上沙嗲醬同荔枝汁做既甜酸醬 2款各有特色👍🏻 最有驚喜係炸魷魚鬚 炸醬唔厚 真正做到酥脆好味😋 另外粟米蝦餅加左粟米 口感唔錯 甜酸醬加咗荔枝汁 比平時甜d好特別🤩 炸蝦芒果米紙卷包住炸蝦 芒果 牛油果 生菜同樣配上荔枝汁甜酸醬 食落有香脆口感又非常清新👅Main course 我地就試左韓式龍蝦香辣豆腐湯同秘製乳豬意大利飯🤤 龍蝦豆腐湯仲配上烏冬 唔算太辣幾惹味 入面仲有蜆同青口 辣中不失鮮甜 最爽係隻龍蝦有好多膏丫😍秘製乳豬意大利飯就比較膩少少 建議share食唔好自己一個食 不過上面既乳豬好出色 比出面平時食到既肉質嫩滑好多juicy好多😋飲品方面都勁多選擇有好多款 仲有好多特色飲品😍 我地就試左越南手沖咖啡同橘子咖啡🍊 2杯打卡都靚到爆 越南手沖咖啡可以揀椰子同斑蘭 入面分別有椰青做既冰粒 椰子肉同椰奶溝牛奶 所以飲落好香椰子味 而揀斑蘭就會多個syrup😉 另一杯橘子咖啡出面比較少飲得到 配合左cocktail 既技巧 用上橘子果肉帶出甜味 再加上水果皮調製 飲落橘子味香濃🤩最後當然唔少得飯後甜品啦 呢到有太多甜品都好靚好想試丫😍 我地就試左香蕉火焰焦糖燉蛋同綠茶脆皮梳乎厘 Banana Cream Brulee 必試必試必試‼️‼️‼️ 真係好出色 店員會係你面前將rum酒倒入Cream Brulee 點火 所以面頭焦糖好香脆 加左香蕉口感更加豐富 多左一份生果嘅清甜味🍌本身燉蛋已經好滑好香濃蛋味另外配上一杯expresso 比你按照個人喜好倒落燉蛋 中和左甜味 唔會好膩 絕對可以食晒成個🤤梳乎厘同樣好出色 好鬆軟入口即溶 面頭加上綠茶味既脆皮 好似薄薄既菠蘿包皮 唔會一味得淋既口感 諗得好周到🥰除咗食物質素高 服務都非常好 😊每枱有負責店員留意住你食到咁上下先幫你order main 同dessert 成個流程好smooth 唔會要等好耐 亦都唔會一次過黎晒👍🏻 而且又會經常幫你替換餐具 亦有問你食物質素滿唔滿意 所以整體泥講呢間餐廳係十分之推介🌟

知道K11 Musea開咗間個景觀幾靚嘅餐廳，就約個friend去食個lunch！呢間Glasshouse Greenery其實喺香港都有多間分店，通常都開係啲幾唔錯嘅地方，呢間特別景觀靚就一定要試啦。

每人仲有一杯特色welcome drink，飲落應該係蝶豆花加菠蘿汁，nice shot!我哋見到餐牌好多嘢食都好吸引，最終就揀咗兩款沙律小食，一款飯，一個Pizza同埋兩個飲品兩個甜品一齊試吓。

吞拿魚牛油果藜麥沙律佢裏面吞拿魚、牛油果同埋禮物、蔡嘅比例其實都好適中，樣樣都有啲，唔會側重一邊，最主要就係個吞拿魚唔會好腥， 好match。

小食拼盤估唔到咁豐富，佢有齊蜜糖雞翼，牛、雞肉串燒，仲有個粟米蝦餅，炸魷魚，春卷，等等，如果四個人食會比較好，因為真係太多嘢食！仲有個沙嗲醬同埋泰式酸辣醬～ 每樣小食都好滿意，特別係粟米蝦餅香甜又爽口，春卷就算擺咗一陣都非常香脆。

秘製海南雞燴意大利飯算係比較平平嘅一款食品，意大利飯質感OK，海南雞不算非常滑但是皮也反晒光，表皮很好吃，點起泰式辣醬也很match。

兩款match埋一齊就不算太突出，我還是會比較喜歡普通的海南雞飯。

四季薄餅非常推薦，有多款不同的味道，就不會食得太齋，包括藍芝士，黑松露蘑菇火箭菜，蕃茄牛油果芝士等等， 十分豐富！而且材料份量適中也很好吃，薄餅底係比較香脆薄身，食完也不會覺得太飽而且口感豐富。

飲品方便真的很欣賞這裏的水吧部，說得上是非常有心思越式x手沖咖啡（椰子/斑蘭）又有椰子肉，椰青球，練奶椰奶等等，還可以自己沖落去，打卡已經一流！每日元氣沙冰入面有紅菜頭同埋薑，但係個味都唔會好有草青味，比較清新，而且味道都好香。

甜品方面脆皮疏乎厘（香草）及香蕉火焰焦糖燉蛋都好吸引！梳乎厘大大件，仲有醬可以加落去，唔會太甜，好鬆化。

香蕉火焰焦糖燉蛋打卡一流，旁邊仲有一個咖啡可以加入去，估唔到成件事都幾match，好好食又唔會太漏。

充滿藝術色彩的K11 Musea最近又開左間新餐廳餐廳內有好多綠色系既植物裝飾，感覺猶如置身於森林之中！仲有open area，黎個Happy Hour 就最正！我哋分別叫咗： Appetiser x 2Main Course x 2Dessert x2食完要抱住個肚先行到🤣🤣呢度食物好有份量而且價錢仲一啲都唔貴「小食拼盤」個小食拼盤好豐富即叫即炸，黎到時已經香味四溢有蜜糖雞翼、炸粟米蝦餅、炸春卷、酥炸魷魚、沙嗲串燒單骨蜜糖雞翼聞落去有少少臭豆腐既味道，不過食落去就無，反而蜜糖味好突出沙嗲串燒既沙嗲醃料好入味，唔駛沾沙嗲醬都得除左炸春卷感覺平平，無咩特別之外，其他都好好食！「吞拿魚牛油果藜麥沙律」蕃茄仔超甜呀「燒烤醬片皮鴨薄餅」呢個中西合璧嘅pizza，味道好夾喎而且個餅底仲係我鍾意既薄批，食得出係手工pizza不過片皮鴨口感老左啲，食落有啲鞋口「龍蝦鵝肝星洲炒米」呢個星洲炒米又係中西合璧，fusion菜正正係呢間餐廳既特色，星洲咖喱味特別突出，咖喱嘅香+辣好平均，不過唔食得辣既人應該覺得辣左啲！再加埋龍蝦、鵝肝、 Parma ham，成個感覺奢華左！不過龍蝦有啲overcook，而鵝肝微微煎香左，香得黎仲好creamy到壓軸甜品 — 梳乎厘+印度芒果煎餅「雲尼拿梳乎厘」份量太有睇頭喇！蛋香超濃郁，面頭有一層好似菠蘿包既脆皮，外面脆香與內裡軟綿綿既口感，我覺得係我食過最好味既梳乎厘「印度煎餅」質感比較厚實，加左淡香既椰奶、芒果、薄荷葉，味道不錯！薄荷葉擔當重要角色，有清新既感覺，足以消除膩既感覺！另外杯「玫瑰草莓茶」好特別冷飲+熱飲可以一次過品嘗到！草莓味好出，感覺好fresh冷飲加蜜糖會更好味Lemongrass Tonic Coffee

今次到訪嘅餐廳好似置身係綠野仙蹤咁！入到去中間就係調酒嘅地方，仲可以坐吧枱🥳行到外面就係露天室外，happy hour時段推介坐呢度，黑黑地，播住音樂，幾寫意同Relax🤩❇️布拉塔芝士沙津 ($158)好喜歡呢個芝士，有厚厚的奶油，一刀切下去係爆漿的，奶香十足！沙津仲加上杏仁同青蘋果，非常新奇的Combination ! Vegetarian 都可以試！💓💓💓.❇️小食拼盤 ($198)好多枱都有叫呢個拼盤，超受歡迎👏🏻👏🏻👏🏻估吾到拎上枱係一個金色嘅鑊裝住，而且每樣小食都有34嚿，份量十足！裏面有蝦餅、魷魚鬚、春卷、沙嗲雞肉牛肉串、香炸蜜糖單骨雞翼！如果有選擇困難症，點呢個就最好，因為包羅萬有，一定有款係岩食。

蝦餅好彈牙，魷魚鬚炸皮都好薄，春卷個餡料係蘿蔔好特別，串燒十分香口，雞翼進食方便。

💯💯💯.❇️秘製燒烤醬片皮鴨青蔥薄餅($158)超大個！！我好鐘意個pizza底係薄薄地，不會太多麵包，其他餐廳厚批，未食啲餡料，已經飽肚。

呢個新潮嘅中西cross over 做得好好！啲鴨切得夠薄，配上辣椒同京蔥真係好似食緊中式嗰種片皮鴨！唯一缺點係太少”脆皮”😜如果有啲鴨係有多啲皮，卜卜脆，應該會更添口感😍😍😇.Cocktail ❇️Senorita ($128)飲完好有戀愛嘅感覺⋯⋯因為佢係Tequila，Rose and honey syrup，lemon juice ,rose wine Moscato同一粒冰有粒🍓適合女仔，易入口，而且甜甜地，似飲champaign咁🥰🥰🙂.❇️Greenery Secret($148)一拎上枱，我已經比佢深深吸引住。

再打開蓋，仙氣彌漫。

杯酒一直都係秘密花園咁隱藏住，改名改得幾好~呢款係elderflower liqueur&rosemary bubbles💘飲落有少少苦，建議飲個陣食埋啲粒粒（似honey )甜甜地，中和番，就perfect 💝💝💝.🥗食物質素、賣相中上，環境都好舒服，而且好多侍應standby，就算係室外，都吾洗驚冇人幫你落單，要專登走番入室內叫人下單！下次好想試下個afternoon tea set 👍🏻👍🏻👍🏻

Glasshouse Greenery (Victoria Dockside K11 Musea)餐單提供多國菜等推介美食位於尖沙咀區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付，Booking訂位可以電話致電21521518查詢。

您對於尖沙咀餐廳「Glasshouse Greenery (Victoria Dockside K11 Musea)」有何comment？

Glasshouse Greenery (Victoria Dockside K11 Musea)餐廳詳細資料：

• Glasshouse Greenery (Victoria Dockside K11 Musea)地址:
  尖沙咀梳士巴利道18號VictoriaDocksideK11Musea5樓501號舖
  Glasshouse Greenery (Victoria Dockside K11 Musea), Shop501,5/ F, K11 Musea, Victoria Dockside,18 Salisbury Road, Tsim Sha Tsui
• Glasshouse Greenery (Victoria Dockside K11 Musea)電話: 21521518
• Glasshouse Greenery (Victoria Dockside K11 Musea)價錢: $101-200
• 分類: 多國菜,
• 座位: 未知
• 付款: Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付
• FB專頁: Glasshouse Greenery (Victoria Dockside K11 Musea) Facebook

更多Glasshouse Greenery (Victoria Dockside K11 Musea)相關資料:

• Glasshouse Greenery (Victoria Dockside K11 Musea)分店
• Youtube
• Facebook
• Twitter
• Google