周明園潮州粉麵餐廳 大埔

周明園潮州粉麵餐廳 評價 相片

天氣好熱，2個人想簡單食，也唔想食飯，就去左周明園食晚飯。

呢間都真係由細食到大，而且幾好食，質素亦都好穩定。

要左2個粉，加一個油菜，但就無另外加飲品。

(1) 牛腩米線今晚啲牛腩好好食，啖啖肉，亦炆浸得好淋，唔鞋口，好好食，湯底有少少覺得油，所以個人好鍾意加醋，可以減去一些肥膩感。

(2) 魚皮鮫墨魚丸河粉2個餸都好食，魚皮鮫唔係四海個隻，皮厚身過四海，但唔會過厚，亦得包得散過四海，但係可以接受的程度，裡面的肉夠紮實，幾好食。

墨魚丸就幾大粒，幾彈牙，好好食。

(3)腐乳通菜味道正常，啲菜唔會太老，無渣，唯一覺得腐乳落得太多，所以覺得有啲鹽同埋油左少少。

食菜個時，都會放係湯度浸走少少腐乳。

由入到間舖，叫野食，到食完野，比錢走人都唔駛半小時，真係簡單方便的一餐。

依家每逢星期日間間食肆都多人到爆，見呢間粉麵店重有位唔洗排隊就入咗去幫襯，侍應姨姨安排咗我坐係勁近門口既位。

款式中規中矩，魚蛋河都要 $31 蚊，咁梗係食牛腩、牛什果啲啦。

牛腩河 ($32) : 牛腩好整齊咁排列係一邊，而且份量都唔少，未食就已經聞到陣陣嘅香味 🤤 牛腩肥瘦適中，食落唔韌又無渣 👍🏻 不過河粉就較為失色咗啲，唔夠薄身之餘食落重有啲實，做唔到爽軟韌筋嘅感覺，同埋杯凍檸茶只有微甜，茶味同檸檬味都欠奉。

I was having a very lazy Saturday morning and I decided to have something light for my brunch. Therefore, i went to this traditional Chinese noddles restaurant and ordered a bowl of fish ball, beef ball rice noodles. The fish ball is very delicious which is very bouncy in texture and it was not fishy at all. The shape of the fish ball was not regular yet it had the perfect taste. While for the beef ball, it was soso. The beef ball was not springy but it was not too salty. Overall, the noodles were in a relatively small portion yet it was a very good choice for a light lunch.

垃圾港鐵您估罷工我就驚您呀！仲有小巴、巴士、的士、單車，最多落大埔再轉車返屋企，仲可以嘆碗麵添呀！操完拳即食補充，白操仲要唔好食，浪費我寶貴限額。

早午晚一剔過，方便快捷慳時間慳錢！本計劃秘密送隻 8 兩大閘蟹給美女驚喜，誰知皮膚敏感要戒口發脾氣！唯有突返娘家轉贈細妹當預祝生日吧！放低就向酒吧出發，路經周明園就決定嘆碗麵打打底，已經多年無幫襯，看看現時出品如何。

步入麵檔氣氛怪異，死氣沉沉靜蠅蠅的，食客職員們都毫無生氣沒精打采少少活力也沒有，發生過什麼大事呢？氣氛異常的老麵店，死氣沉沉，愁雲慘霧，寂靜無聲，了無生氣。

座位已滿，洗碗婆婆一桶接一桶埋頭苦幹，樓面阿嬸們依舊目無表情斯斯然地落單出貨，鬍鬚師師傅一臉愁容鬱鬱寡歡，到底周明苑發生什麼事呢？見婆婆被困洗碗地獄非常忙碌辛勞，搵食艱難見者心酸，真係唔想睇落去！依個垃圾政權，腐敗政府為真正香港小市民做過什麼？全場麻甩淨蠅蠅，阿叔阿伯集中地，耆英匯聚，老字號街坊麵檔。

食飽飽埋單時才有對年青情侶幫襯，真的萬綠叢中一點紅！癢眼美少女，精神為之一振。

凍檸樂，冰涼解渴解辣。

凍檸茶走甜，淡淡茶味帶著檸檬酸澀。

腐乳通菜，以幼身水貢來講有質素夠爽脆，少少菜甜味。

腐乳醬偏咸偏杰，跟大注大注貢菜釀入口，還應付得到。

蠔油芥蘭，先甜後澀，面頭爽甜，墊底粗糙。

面幾條爽嫩脆卜卜甜甜的，但下面粗糙帶澀，放棄。

蠔油菜芯，竟然莖好食過葉，爽脆鮮嫩多汁完全無渣只有菜甜味，相比下葉片較為粗糙，幸好都合格。

牛肚牛腩麵，牛腩鬆化無渣，牛味清啖散發微量肉甜味，感覺似煲湯牛肉。

毛肚非常彈滑震騰騰，汁液可口追住食。

湯汁醇美遠勝牛肚牛腩，濃郁美味飲多兩口。

辣椒油微辣幸好夠香，咸咸的添味不少，爽爽的麵捲起牛腩牛腩份外好味道。

紫菜牛膀麵，沒有激昂澎湃的輕煙及熱力，溫和柔柔地登場。

暖暖的牛膀，味濃甘甜，鬆軟有肉汁，彈牙有嚼勁。

辣椒油小香小辣中甜，撈多兩羮無難度。

微溫微爽的麵條，夾著脆口咸香紫菜，還有牛膀及辣椒油。

各有所長，捲作一團合體攻擊，暢快無比。

魚蛋牛筋粗麵，魚蛋巨形凹凹不平，奇形潮州傳統白魚蛋，沒有期望塞入口，魚鮮咸香穩陣。

牛筋入味到有點咸，實實帶黏，不是我喜愛的軟綿滑嘟嘟。

最初幾啖沒怎樣特別，爽彈滑不錯，但漸漸鹼水味浮現，一口比一口強勁，粗麵點解會有鹼水味呢？隨便的雙併殺我 $39 蚊太昂貴喇！紫菜墨魚丸麵，嬸嬸忘記要走蔥，好采大部份芫茜蔥還在羹裡，漏出的立即清理掉，沒造成太大污染。

淺嚐幾口紫菜清湯，清清淺淺陣陣紫菜味。

潮州墨魚丸？檢查一下有幾潮州先，白雪雪乒乓波大大粒塞得我嘴仔脹卜卜，結實充滿墨魚咸鮮味道，還有幽香的餘韻，真材實料。

微爽的麵質微弱鹼水味，可接受。

幼麵拖著大量有水準辣油夾著紫菜更美味，分數增加不少！牛筋牛腩撈粗，滷水筋腩撈不跟蠔油真的好少見，因為信心爆棚一定夠味？牛腩肥到嚇死我，無有怕照食！爽彈瘦肉不鞋亦無渣，肥淋淋脂肪滑嘟嘟瀡入口，清淡牛味無意見。

餐牌寫燒焗牛筋，即係點解呢？黏黏的質地入味到略咸，用粗麵捲住食減低咸味較舒服。

何解粗麵有苦澀味？因為淋上熟油？嘗試淋點清湯但都一樣，唯有隊幾羮辣椒油蓋過澀味！不想浪費，格著頭皮全部清掉。

清湯水汪汪，內外都好清淡。

生菜太老，粗糙不爽甜。

牛肚牛腸河，無再賣金錢肚嗎？毛肚軟綿綿滷水濃厚，牛腸非常腍滑不韌不硬。

終於給我久違的綿滑河粉，有當年的完美高質。

熱燙燙忍不住夾埋腸肚大啖啜，滿足舒服無與倫比。

湯頭有點淡，淋上辣油再加豉油更精彩，最後差點飲掉所有香辣濃湯。

紫菜四寶麵，見嬸嬸沒什麼反應，我唯有連環叮囑三次紫菜紫菜紫菜四寶麵，嬸嬸終於回應四寶麵已包紫菜架，從來未聽聞過喎。

墨魚丸基本中的基本平凡。

豬肉丸腍腍不彈乾乾沒肉汁不夠肉甜，魚皮餃外皮滑嘟嘟質地嚥韌沒腥味帶點點魚肉香。

可能因為魚蛋成本最貴，所以不包括在內。

魚片頭微微魚咸香，趙到索索聲怪怪的。

雲吞牛腩撈麵，牛腩肉爽爽的，就連肥膏都爽爽不油不腍劈劈。

乒乓波般的巨大雲吞，燙燙的塞入，嘴仔免強放得到，原粒大大隻蝦包得結實，係咸一點點。

初時明明無苦澀味喎，因為辣椒油撞蠔油？麵底份量極多，最尾四五口要格硬吞，好彩都食得完無浪費。

貢丸牛丸河，牛丸多汁滴滴，幼滑微彈，有少少八角味略咸。

貢丸真材實料，菇味突出彈彈的。

其他都平凡甚至低於水平，但河粉加清湯好好味！少少胡椒粉連湯帶河灌，好好味無投訴。

火腿煎蛋沙嗲牛肉出前一丁，沙嗲牛肉鬆到腍劈劈散散的，醃味咸咸濁濁。

火腿完全無煎亦無烚熱，直接室溫鋪上，普通咸彈。

沖水攤腍翻煮麵條，放入口即刻知道。

粉粉腍腍，無生命無活力無麵香。

預早煎好的雞蛋油油凍凍幾乎全熟，免強接受。

價值 $20 蚊的炸豬扒，炸香茅豬扒炸得鬆化油香，咸到苦沖沖滾湯免強吞下。

早一輪經常在家休息或上班，因此對附近的餐廳都吃厭了🤷🏾‍♂️結果想到沒有什麼新意，就終於第一次來了周明園。

看看店內的環境以及餐牌的設計，其實有點兒像元朗的所謂名店嘉麗園。

也點了一個牛腩的，原來這兒的牛腩也相當不錯，肥瘦均勻，有點筋、有點肥膏、有點瘦肉，但又不會受到癡牙，份量不算太少，但 與其他類似的店舖比較，這兒的可能比較肥膩。

而麵條，亦都比其他店舖應該較為多，質素就普普通通這兒唯一的批評就是它的湯底比較油膩，像我這個牛腩或是友人的牛雜，看上去湯底的色澤也偏向油膩，油光泛面。

周明園潮州粉麵餐廳餐單提供潮州菜, 粉麵, 米線等推介美食位於大埔區，餐廳座位數50人均消費約$50以下，結賬可以用現金，Booking訂位可以電話致電 2661-3562 查詢。

您對於大埔餐廳「周明園潮州粉麵餐廳」有何 comment？

周明園潮州粉麵餐廳餐廳詳細資料：

• 周明園潮州粉麵餐廳地址:
  大埔安泰路1號大埔廣場地下68舖
  Chow Ming Yuen Chiu Chow Noodle Restaurant, Shop G68, Tai Po Plaza, No.1 On Tai Road, Tai Po
• 周明園潮州粉麵餐廳電話: 2661-3562
• 周明園潮州粉麵餐廳價錢: $50以下
• 分類: 潮州菜, 粉麵, 米線
• 座位: 50
• 付款: 現金
• FB專頁: 周明園潮州粉麵餐廳 Facebook

更多周明園潮州粉麵餐廳相關資料:

• 周明園潮州粉麵餐廳分店
• Youtube
• Facebook
• Twitter
• Google