元燒 大埔
最後更新:
元燒推介
食過2次這店的串燒，2次都係附近泳池同仔仔黃昏玩完水過嚟醫肚。這店6pm至開鋪，早上經常落閘，唔講以為佢已關門大吉。今次點了三款，金菰肥牛卷、芝士雞肉串、芝士煙肉，$62。串燒放在生菜上，仲有車厘茄伴，感覺好refreshing. 第一次食的經驗係：串燒好熱，唔好即刻食。今次醒目咗。阿仔一次過KO曬，話好味😋
大埔元燒
| 餐廳分店 | 元燒 |
|---|---|
| 地區 | 大埔 |
| 電話訂位 | 94699819 |
| 餐單 Menu | 港式, 多國菜, 火鍋, 串燒, 雞煲 |
| 人氣指數 | 827 |
| 價錢幾錢 | $51-100 |
元燒訂位位於大埔區，詳細地址是大埔翠樂街8號富萊花園地下3C號舖，餐廳寬敞座位數目共有2個。元燒幾錢？價錢優惠後人均消費大約$51-100埋單，早餐午餐晚餐元燒餐單包括有港式, 多國菜, 火鍋, 串燒, 雞煲等美食，付款方式有AlipayHK,支付寶,現金付款，Booking網上訂位可以電話致電 94699819 查詢訂座。
元燒優惠
元燒 評價 相片
食過2次這店的串燒，2次都係附近泳池同仔仔黃昏玩完水過嚟醫肚。
這店6pm至開鋪，早上經常落閘，唔講以為佢已關門大吉。
今次點了三款，金菰肥牛卷、芝士雞肉串、芝士煙肉，$62。
串燒放在生菜上，仲有車厘茄伴，感覺好refreshing. 第一次食的經驗係：串燒好熱，唔好即刻食。
今次醒目咗。
阿仔一次過KO曬，話好味😋
星期日一個人想食串燒，特登來試下。
先叫左1 round 芝士煙肉大菇、羊肉串、蘆筍煙肉卷。
老闆好有心，擺盤整得好靚，蔬菜好新鮮👍 大菇味道一流，超級juicy爆汁，又切到一啖啖既size,好細心❤️ 蘆筍卷每卷都有5條，而且好嫩，俾足料👍 而且煙肉係厚煙肉，唔似有d地方用薄煙肉，又油又痴牙。
唯一失色係羊肉，冇孜然味，蓋唔住羊肉臭味，而且亦都凍左。
第二round加點燒菠蘿、雞軟骨同燒墨丸。
燒菠蘿超級大推薦！ 好多串燒店的菠蘿都好老又有渣，但lee到的嫩、甜、香，好似食到有點微微酒味咁！讚！墨丸亦都彈牙。
整體來說值得推薦，老細服務態度好好，亦感覺有心。
不過在燒野既次序上可能要再落d功夫，才不至於燒完出來有d好夠熱有d已經凍左。
加油！
串燒唔熱！元燒茄子擺明係用水煮！海鮮炒烏冬啲魷魚可以係唔熟！擺明係唔識煮，個鑊都未熱就放啲嘢落去炒！小喇叭三個人食咗＄300！早知自己喺屋企開爐燒好過！食完果盤串燒之後，都冇晒心機！所以條水汪汪的茄子同個唔熟嘅爛鬼烏冬都冇去影相！屋企個印尼姐姐都話: 咁鬼難食都有，小姐早知去食牛腩麵好過！本來滿心歡喜，仲諗住星期五食好啲，點知瀨晒嘢！呢間嘢絕對可以使你嘅心情跌落谷底！雖然個廚師話下次會做返好啲俾我，但試問我又點敢再去！絕對冇下次！certified!
說好了的川菜變了獨獨鐵板晚餐！頭頂有點冒煙，心裡有團火，衝入元燒。
暫時一個食客都未有，室內吧檯只有兩個位，老闆示意我坐門口。
唔係掛？我臉色一沉加滴汗，心諗我唔坐街邊架喎，正打算轉身離開。
老闆即 offer $500 蚊最低銷費，一個人包場無問題，抵啦 ﹗其實已上網多次查閱 menu，海鮮不是每晚全部都有得供應呢，視乎當日街市有咩賣。
先 order 幾款試試，之後再添食。
老闆稱帆立貝不太新鮮，取消較好，無問題，聽您的。
原來元燒無酒供應的啊，網上見到的照片只係食客 bring your own beer 架乍。
那我要杯蘋果梳打得喇，還以為會跟照片一樣用有柄玻璃杯，竟然用 1664 啤酒杯，真係估您唔到。
蒜蓉辣椒，味道似現成外購多過自家製，蒜香濃而油而濁，辣味微弱，還可以。
見老闆都係剛開檔無耐，好多食材還未預備呢。
開定鐵板預熱，待一陣表演。
又一估您唔到由羊架打頭陣，有別於由淡食到濃、由蔬菜海鮮到肉類既編排呢。
羊架兩面煎封再閣在一旁慢煎，那就能騰出時間煮理其他菜色。
薄牛仔骨轉眼兩面煎熟，居然會出動火槍噴射，使其表面燋香，食落就更香口。
肥美牛仔骨油脂豐富，被火槍猛燒下散發濃郁燒烤香氣，油脂溶化包整件牛仔骨，閃閃發光。
燒牛仔骨，首個衝線 ﹗牛仔肉鬆軟棉棉，不乾不硬，醃味恰到好處不過火，煎完再燒份外香口。
牛仔骨一向都牛脂澎湃，難得油潤而不膩，而且泛著輕輕燋香味更是吸引。
骨頭旁既骨膜結實彈牙非常有咬口，最喜歡慢慢品嚐。
燒羊架 5 成熟，緊隨著牛仔骨送到，擺位整齊有序，撒上炒鮮檸皮點綴一下，還飄著檸皮獨特的清新香氣。
豪氣地一咬一扯，無需怕醜，肉汁飛射 ﹗煎封了的外層肉味濃有嚼勁，孜然粉味道突出。
保護著裡面鮮甜粉紅嫩肉，水潤棉棉，啖啖肉好幸福。
豉汁炒花蛤，難得係生炒，好多食肆汆完水，求其兜個汁就出貨，味道、海水味、鮮甜味早係汆水時已經全部流失喇。
但生炒花時間，而且要冒有砂、有泥、有嗅蜆既風險呢。
熱騰騰上檯，鮮甜無比，肥美飽滿脹卜卜，充滿海水咸香，肉汁澎湃，無得輸。
雖然有幾點砂，又有隻死蜆，不過我都比滿分 ﹗寫食評時時發現 delete 錯左花蛤張相呢，人家影得好靚架麻，陰功 ﹗厚切牛舌串燒，略洒海鹽調味已非常足夠，外賣燒得金黃燋香，牛羶味透著少許咸香，質地先腍棉後微爽，都不錯。
夾住鮮茄一齊食，依個配搭更是創新，味道清爽。
醬燒鰻魚，原條份量都幾多，決定半條堂食、半條外賣去 Baby 分甘同味吧。
煎皮脆肉嫩，鰻魚皮微脆香口，鰻魚肉軟塾，大大啖沾上甜甜照燒汁，不過不失啦。
硬係欠一點鮮甜味道，欠缺靈魂。
海螺串燒，螺味強烈，但有點單調。
彈力十足，仲彈中帶結實。
食左一舊味道有點寡，配上蒜蓉辣椒更加好味，估唔到味道非常夾喎，正呀 ﹗燒魷魚鬚，索一索香噴噴，暈得一陣陣。
見老闆夾起魷魚鬚時十分跳盪，生猛到活既一樣 ﹗燒得好惹味香口啊 ﹗鮮魷魚味突出，天然海水咸香無可媲美，爽嫩彈牙無得頂 ﹗全餐 $500 蚊有找，仲要 order 左幾客串燒外賣添，價錢實惠合理。
宵夜時間，叫左唔同既串燒試下。
花枝丸燒到脆皮，好彈牙。
雞軟骨好有咬感、爽口。
雞肉好滑，雞皮燒到脆，好香口。
牛柳粒好juicy,無渣好淋身，有牛味。
拌碟仲有好多蕃茄，好清新。
有檸檬可以吱d汁落串燒度食，味道好fresh.
元燒餐單提供港式, 多國菜, 火鍋, 串燒, 雞煲等推介美食位於大埔區，餐廳座位數2人均消費約$51-100，結賬可以用AlipayHK,支付寶,現金，Booking訂位可以電話致電 94699819 查詢。
您對於大埔餐廳「元燒」有何 comment？
元燒餐廳詳細資料：
- 元燒地址: 大埔翠樂街8號富萊花園地下3C號舖 Yaki, Shop3 C, G/ F, Fuller Garden,8 Chui Lok Street, Tai Po
- 元燒電話: 94699819
- 元燒價錢: $51-100
- 分類: 港式, 多國菜, 火鍋, 串燒, 雞煲
- 座位: 2
- 付款: AlipayHK,支付寶,現金
- FB專頁: 元燒 Facebook
更多元燒相關資料:
香港餐廳2026推介8月