Xi Xup 大圍
地址: 大圍積存街70-72號景星樓地舖
最後更新:
Xi Xup推介
老闆娘為越南人，餐廳主打正宗越南菜及街頭小食，飲料亦充滿越南風味及特色，包括雞蛋咖啡、斑蘭撞奶等。
大圍Xi Xup
| 餐廳分店 | Xi Xup |
|---|---|
| 地區 | 大圍 |
| 電話訂位 | 93892269 |
| 餐單 Menu | 越南菜, 海鮮, 粉麵, 米線 |
| 人氣指數 | 925 |
| 價錢幾錢 | $101-200 |
Xi Xup訂位位於大圍區，詳細地址是大圍積存街70-72號景星樓地舖，餐廳寬敞座位數目共有25個。Xi Xup幾錢？價錢優惠後人均消費大約$101-200埋單，早餐午餐晚餐Xi Xup餐單包括有越南菜, 海鮮, 粉麵, 米線等美食，付款方式有Visa,Master,現金,AE,Apple,Pay付款，Booking網上訂位可以電話致電 93892269 查詢訂座。
Xi Xup優惠
Xi Xup 評價 相片
上次食飯行過呢條街見到有間新開嘅餐廳，個樣好似酒吧，行近望一望門口嘅餐牌先，先發現係食越南菜，標榜主打正宗南部越南菜，以及街頭小食。
所以就bookmark左，要搵日黎食下。
店內嘅環境都幾舒服，因為疫情嘅關係，限制左人數，可以靜靜地過一個休閒嘅下午。
週末嘅午餐時間，等左大約20分鐘就入得，建議大家可以打電話預約先。
⭐️X河粉$98 有生牛肉，牛丸，牛腩。
湯底都幾濃，分量唔算多，呢個一般般，略嫌定價貴左少少。
⭐️⭐️豬頸肉春卷撈檬$88個春卷似係餐牌上面既香菇海鮮卷，好香脆，餡料豐富，唔會炸到乾晒。
仲有一條臘腸卷，呢個幾好食好特別。
不過主角豬頸肉就韌左啲。
撈檬既汁，同普通連鎖越南河粉店唔同，唔係求其放一樽魚露汁俾你，應該係自己調校嘅汁，都好多蒜蓉粒係入面，好食！👍🏻👍🏻⭐️⭐️⭐️班蘭椰子蜆湯$88啲蜆都幾大隻，喺香港甚少食到呢個湯嘅味道，班蘭味又唔算重，有啲椰子味，少少辣嘅，我唔係好識形容個味道😂但係好飲嘅😋👍🏻好得意，飲飲下見到一隻好細嘅蟹仔🤣⭐️⭐️⭐️椰子咖啡$48椰子整成沙冰咁，依家天氣熱辣辣，配埋咖啡，甜甜地好好飲👍🏻👍🏻😋總括來講，餐廳嘅環境坐得幾舒服，食物嘅質素都唔錯，不過略嫌貴左少少。
🙈
難得女兒不用補習，拖她出大圍市中心試新開不久的越式餐廳Xi Xup，經過門口，行過咗都唔知道，如果唔係亞女問我，呢間新店係乜??係咪酒吧??我便番轉頭看看入面，新既餐廳，甚麼名字呢？抬頭看餐廳門口招牌既右邊，同女講，咪就係搵呢間囉！😂 入面檯不多，我們被安排坐高身，高度如像吧檯既大檯(老實講，平時真係好唔鐘意坐這款檯，幸好檯下有踏腳位置，未致於坐得很辛苦)。
我同女兒叫了越式芝士薄餅(餅底用越式米紙，上面有肉鬆，腸仔，蛋，芝士，醬汁有點似wasabi味道，不敢肯定，但、味道很輕，不嗆喉，幾好味!)。
另叫了肉鬆茄子，(烤茄子上有肉鬆，臘腸粒，很惹味，味道唔錯的，但食完才看看，很油!) 亞女叫了X河粉(湯頭很清，有牛味，牛肉很嫩，與平時食越式生牛河的湯頭有別，但整體都OK)。
我叫了椰子肉湯河(湯頭吃不出椰子味道，可能椰子味道較輕吧？但湯頭係唔差的，餸方面有兩隻蝦，一粒鵪鶉蛋，雞肉，薄荷葉，一塊食完都唔肯定是否蝦片的東西😂，仲有幾條沙律菜。
整體嚟講，只是普通湯河一碗，可能對椰子肉河粉這五個字，帶有香濃椰子味的祈望吧！)飲品方面，我試了椰子咖啡(咖啡香濃，上面有一堆小小的椰子脆片，咖啡味覆蓋了椰子味。
如果只當它是一杯咖啡來飲，都唔錯的。
)亞女叫了班蘭撞鮮奶(班蘭味很輕，麻麻地)。
小食上檯較快，湯河需時，在等候期間，亞女聽著餐廳播的音樂，加上燈光較"浪漫"，她同我講，呢度好易令人瞓著覺🤣🤣🤣。
食食吓，又跟我說:水吧內有靚仔，她即刻精神曬!!比她笑死!! 整體上，服務，價錢(埋單$416)，環境都OK, 食物有別平日食開的越南餐廳，雖未算很精彩，但、也有少許驚喜，唯獨食物餐牌全數只有15款食物可選擇，較為遜色! 原本在食評看到有生蠔及甚麼撻，一心為它們而來的，可惜在餐牌上都找不到，有點失望!☹難道那是只為少部份食客而提供??我也摸不著頭顱!!
Not your typical neighbourhood restaurant that you can find in Tai Wai serving amazing food with great interior vibes! I am still dreaming about this amazing coconut iced coffee I had, phonomenal beef pho and banh mi with bits of crispy roasted pork 🤤🤤 could definitely taste freshness of the ingredients and it’s quality! Would be coming back again to try out other dishes!
點解會話係神秘呢？因為餐廳嘅裝修睇一啲都唔似食越南菜，餐廳環境好黑，但非常有格調，似係酒吧多過餐廳，餐廳環境好細，客人有限，所以侍應個個都好親切，照顧周到👍🏽環境就夠哂有格調，而喺食物方面都非常特別。
其實唔算係正宗嘅越南菜，佢混合唔同口味，食物適合香港人口味。
（評分：5⭐️為最高）越式芝士薄餅🍕（評分：⭐️⭐️⭐️⭐️⭐️）呢個薄餅上面喺有牛肉乾、雞肉乾同埋腸仔，仲有啲肉鬆。
薄餅嘅餅皮似係焗左嘅米餅，唔似平時食開嗰種意式薄餅🍕。
食落香脆又可口！呢個薄餅配有醬汁，個人覺得呢個醬汁先係精粹，因為醬汁酸酸辣辣，識落更加惹味越式蝸牛🐌（評分：⭐️⭐️⭐️⭐️⭐️）呢道菜我覺得係成餐飯嘅重點，因為真係好惹味！可能東風螺唔係個個都接受到，如果中意食東風螺嘅，不妨一試！我估本身蝸牛唔係越南菜著名嘅食材之一，但佢個醬汁又係酸酸辣辣，完全係越南風味。
豬頸肉春卷撈檬（評分：⭐️⭐️⭐️⭐️）個人認為呢個撈檬就比較遜色，因為真係同其他越南餐廳食到嘅冇乜特別🤔不過都有一個位要讚一讚嘅，就係佢個豬頸肉！豬頸肉唔算肥，但食落好滑，唔會乾真真，仲好juicy添👍🏽X河粉（評分：⭐️⭐️⭐️⭐️）呢個河粉入有牛丸、牛肉等。
個人就覺得河粉食落就冇乜特別。
但係個湯就十分清甜，我係差唔多成碗湯飲哂🤤總括黎講，呢間越南餐廳不論係食物、環境，氣氛同服務態度都十分滿意另外一提，餐廳有時會有私人派對，我就咁啱有一次摸門釘😢所以要食好野，都要睇好唔好彩！
大圍Chill點 新派越菜🇻🇳 <Xi Xup>.大圍終於有一間「又睇得又食得」的越南餐廳。
位於大圍積存街上，算是繼積福街以外，另一條食肆集中的街道。
餐廳設計時尚而不失傳統風格，越南天氣悶熱，建築必須對流通風，餐廳用了倘大的玻璃門，採光道與空間感十足。
室內主要用上黑色及金屬設計元素，牆邊座位用上竹及越南復古坐墊；最吸睛的是牆上大大的西貢小姐璧畫，設計用心又討喜。
.午市套餐(主菜+小吃+飲品）可自由選擇是否加side dish 及飲品。
.椰子肉湯河 （$78）幻想中的椰子湯河是清湯😂想不到配搭這樣豐富；有蝦、豬肉、雞肉、芝麻脆餅作配料，湯底濃濃的蝦香，酸酸辣辣。
芝麻餅很脆口，其餘配料中規中矩。
.越南牛奶咖啡（$18）我是到過越南旅遊，嚐過蛋咖啡後，才愛上喝咖啡的。
傳統式的滴漏咖啡加煉乳，我喝不來，這杯以奶為主調的我很可以。
.下次要來吃甜品和試試蛋咖啡🤭
Xi Xup餐單提供越南菜, 海鮮, 粉麵, 米線等推介美食位於大圍區，餐廳座位數25人均消費約$101-200，結賬可以用Visa,Master,現金,AE,Apple,Pay，Booking訂位可以電話致電 93892269 查詢。
您對於大圍餐廳「Xi Xup」有何 comment？
Xi Xup餐廳詳細資料：
- Xi Xup地址: 大圍積存街70-72號景星樓地舖 Xi Xup, G/ F, King Sing House,70-72 Chik Chuen Street, Tai Wai
- Xi Xup電話: 93892269
- Xi Xup價錢: $101-200
- 分類: 越南菜, 海鮮, 粉麵, 米線
- 座位: 25
- 付款: Visa,Master,現金,AE,Apple,Pay
- FB專頁: Xi Xup Facebook
更多Xi Xup相關資料:
香港餐廳2026推介9月