本陣 北角

本陣 評價 相片

同朋友食飯坐吧枱位, 叫左2個set 之後, 諗住倒定啲日本鼓油，點知真係嚇親人!!!! 一碟仔鼓油竟然有4只有翅膀既昆蟲仔屍體係入便，更嚇人既係我同個女侍應講時， 佢一啲反應都無，即刻拎走碟鼓油，當無事發生咁拎第二樽比我地後走人.., 好明顯係唔止第一次發生!! 都諗住間嘢唔平，應該咁啱係呢樽有問題即, 所以都無 再追究落去，再倒第二樽鼓油，今次出黎就冇嘢啦，但基於有啲唔放心，我打開個鼓油蓋望入去， 因為深色比較難望，望左一陣先見倒面有一隻...我地即刻O晒嘴, 即取消order 走人, 當然佢 地唔敢阻止我地啦。

 全個過程佢地都無任何歉意，可想而知佢地既衞生標準係差到咩地步，收中環價錢， 茶餐廳既環境同服務，好彩最後都取消order, 因為見倒樓下留言, 我都係叫左個雜錦魚生飯, 如果出黎真係佢所講咁既質量, 我反枱都似, 仲call 埋食環添!

一行三個人第一次中午行到木星街見到一間日本料理，擔粗粗行入去試試，叫個3個餐，雜錦刺身定食竟然得三文魚同一樣白身魚，係個師傅有問題還是剌身定食只有兩款魚，差到真係無朋友，同名蔣差唔多級別，另外一個羅白青魚，第一口咬到羅白全部都係雪櫃味，個件青魚硬過石頭，個湯底就唔須要多講，個師傅咁都可以比個客食，最後一道菜鐵板牛肉薄燒已放棄，點知出奇地好味，平時食開食牛肉入面夾葱同蒜，今次加埋洋葱真係好特別，如果要比份，刺身40分，羅白青魚10分，牛肉薄燒80分，食品唔好食重要衛生環境差，小強周圍走，蚊周圍飛，同個四眼肥肥地經理講，只笑笑口無回答就走，劉徳華個句(今時今咁嘅服務態度點得架)，本陣已經列入我心目中黑名單唔再來食飯。

今次同朋友再次去本陣，今次鐵板燒比起之前更好味，比得起花盃松菱，我同老婆叫左一個龍蝦二人餐，龍蝦焗得有鮮味，鮑魚好有質感，酒煮蜆火喉控制得好好，牛肉薄燒新食法，炒飯炒得好香，第一次焦糖多士，真係好好味，今次有驚喜，下次我一定會再試多一次。

抵夾正師傅好有心機, 煮得好好味, 侍應生很殷勤有禮, 待意在此讚佢地刺生好新鮮, 鮑魚很鮮甜, 三文魚又滑又甘香, 雖然件頭不大, 但材料正, 這个價錢, 吃到的質素, 很低啊! 再要讚師傅, 所有熱食都是即煮即上, 一道接一道, 好好味呀! 焗蚝是用廣島蚝, 滑而不靱, 芝士汁配調得好, 連汁都啜哂; 天婦羅炸得鬆化, 裡面主要是鮮蝦, 好味 可是胃口有限, 最後放棄了炒得靚又香的海鮮炒飯, 吃了魚子冷麪, 啱啱好飽飽!

真係忍唔住想在此投訴下!!用$148買了"本陣" 特盛晚餐 Coupon, 見佢的Menu, 同post 出來的相, 以為有番咁上下質數, 點知完全唔得!!食物質數真係好普通, D 野好細碟(部份質相片不乎), 除了第一碟鵝肝不錯之外, 全部都係普通貨色.. a. 鮑魚、甘蝦、三文魚刺身 :除了鮑魚同三文魚OK D 外, 甘蝦有d 腥臭味。

話係南非鮑魚仔, 其實係普通野, 平時西貢食個d仲正. b. 焗蠔 :算OK, 不過好細隻, 酒店自座餐個d 大隻美味好多lor !! c. 法色冷春雞 :主菜之一,真係不知所謂!! 好似雪櫃拎出來, 求其加d 汁比你咁; 沒咩顏色, 味道好淡.. 老婆話, 都唔知咩來, 我地成碟沒食!! d. 美國安格斯牛 :也是主菜之一, 話係安格斯牛, 真係唔係好信 lor... 我在 Sogo 買個d 仲美味!! 相片個度 Show 係一塊牛扒切成 8 小片的, 點知上主菜時係用細點上 4 小片, 好似一塊牛扒分開兩份上比客人... 主菜之一 wor... 得個 4 小片? 唔係麻... 真係當我地傻 ga mei.. e. A5和牛炒飯:真係不知A5和牛在哪裡?! A5和牛應該遇熱易溶, 點解炒飯上d 牛肉咁硬的, 唔知仲以為係叉燒。

似牛肉粒炒飯多D Lor.. 仲要得一碗仔炒飯,幾啖沒哂f. 蜆肉立魚湯:淡,沒鮮味; 好似溝水沖的咁, 真係唔得; 吉野家的Miso湯好味得多了... 因為個餐原價係$398, 所以要以原價收加一, 即係$39.8 一位。

我見到隔離賣單時, 向佢地收每人40, 客人問唔係 39.8 咩, waiter 竟然話$40 係39.8 的齊頭數, 加上他們沒豪子找, 唔好意思...咁都得?! 總結:用$188($148 + 40)食一餐咁的所謂特盛晚餐, 我寧願自己出去食其他日本野 lor。

和民、千兩好好多啦..原價仲要係$398,真係唔知價值何在!!食餐 Buffet 唔好?!我從未因食完一餐如此憤怒,也從未投訴過。

平時試新野唔好食咪算lor, 但今次憤怒係因為感覺被人欺騙, 相就影到好靚, 仲有好多明星來食過的相, 又話幾好口碑, D 野點新鮮...完全唔係呢回事, 仲夠謄死主菜得個四條牛扒絲...!!話榮獲最受歡迎食肆 ?!榮獲必食食店 ?!我估佢本身的質數未必真係咁差的, 但可能我地係買 Coupon 來吃的, 所以有d 求其, 得過且過!!真係唔好以為人地傻架, 比d 咩人食, 人地係知的!! 我地都係用 $$ 買架 lor !!我以後同d Friend 都唔會食呢間!!

本陣餐單提供日本菜, 爐端燒, 壽司, 刺身等推介美食位於北角區，餐廳座位數未知人均消費約$201-400，結賬可以用Visa,Master,現金,AE。

您對於北角餐廳「本陣」有何 comment？

本陣餐廳詳細資料：

• 本陣地址:
  北角炮台山木星街3號澤盈中心地下B號舖
  Honjin, Shop B, G/ F Com Yan Centre,3 Jupiter Street, Fortress Hill, North Point
• 本陣電話:  
• 本陣價錢: $201-400
• 分類: 日本菜, 爐端燒, 壽司, 刺身
• 座位: 未知
• 付款: Visa,Master,現金,AE
• FB專頁: 本陣 Facebook

更多本陣相關資料:

• 本陣分店
• Youtube
• Facebook
• Twitter
• Google