牛More石燒專門店 元朗

牛More石燒專門店 評價 相片

去咗元朗行街，見到呢間熱辣辣嘅石燒牛，好吸引咁，而我又一直想食下，就拉埋男朋友仔一齊入去食啦！👅入到去地方唔算大，但係五臟俱全仲有好多卡位，二至四個人都坐到。

聞到香噴噴即刻叫嘢食先！👀店員好友善，推介左我哋食「澳洲和牛漢堡200g」同埋「美國select牛扒200g」😍 除咗煮食之外，令一樣我覺得好吸引嘅嘢，就係珍珠米、牛肉湯、同埋沙律係任添㗎😝🥳「澳洲和牛漢堡」係最近新出架，試食價只係$98，用上澳洲高級嘅和牛，拍得住日本嘅高級和牛😱 上菜後，黃牛漢堡，慢慢睇盤岩石上面燒熟、受熱平均，望住佢一邊慢慢變熟，一邊有粉嫩嘅顏色變成啡色，好吸引，真係好治癒🥰 咬落去好有口感，仲有陣陣既牛味滲出～「美國more牛$125」塊扒顏色好靚，油脂平均，呈現粉嫩色，放上去岩石盤上面，發出咋喳嘅聲響😍店員教我地將最大舊嘅，慢慢切成小塊，每舊慢慢燒，越嚟越期待啦🤪咬落去肉質爽口、帶點軟腍，肉汁爆發！如果大家想喺大西北，食吓咁吸引又hit嘅石燒牛，價錢仲要好平民化，一定要嚟呢間食啦！💓

食石燒牛扒店越開越多，大部份價錢都好平，今次就試元朗嘅其中一間，店內服務十分好，會詳細教你點樣食，原來食燒牛扒點山葵牛肉汁食過返唔到轉頭。

環境同一般石燒牛扒店一樣，座位與座位之間空間較少，但都設有自助售賣機。

食物選擇自助區食石燒牛扒必不可少嘅一定係自助沙律、湯及白飯區！呢到嘅牛肉湯好有驚喜，十分湯郁足料，添咗好幾碗。

美國selectmore 牛 $128(200g) 即係小牛扒，選用年紀輕嘅牛仔，故此燒至八成熟啲會覺得韌同有渣，所以都燒得比較熟先食，果然牛味突出，肉質較嫩，配上山葵牛肉汁真係無得頂！牛more之道 $75(200g) 今日供應嘅部位係牛板腱，比較有咬口同爽口嘅一個部位，建議燒至五、六成熟。

食落比較彈性冇咁高，但整體都附合返佢嘅價錢。

總括來說，做到一般石燒牛扒店嘅水平，而最值得欣賞嘅係老闆嘅熱心，佢對每位初次光顧嘅食客都會有詳細嘅講解，服務態度一流！

今日去完元朗廣場買聖誕禮物，無選擇到食連鎖餐廳，反而走到外面搵小店幫襯下。

近期越來越多小店做石燒牛，元朗都搵到幾間。

元朗廣場行過五分鐘就搵到一間！門口有自助售票機，由揀野食到入座過程流暢。

食物方面種類大致分幾種，種類、份量、價錢都一目了然好清楚。

今次同朋友一人揀左一款牛，share黎食下。

分別係：🔸美國Select More牛 200g $125出去飲酒有House Wine，依款牛就係牛More既House Steak。

今日廚師揀選左小牛排俾我地。

肉質不同於一般牛肉，不但比較柔嫩，而且生肉的時候是淺紅色。

基本上無乜筋，由自己決定切厚定切薄，再來回兩邊煎至自己認為足夠的程度，不錯。

200g黎講，女仔好夠食，男仔可以叫多少少。

🔸肉眼牛扒 200g $88肉眼油脂較多，自己剛好控制剪到外皮微脆口，半熟的肉質較juicy，keep到肉汁。

另外加左$30要匈牙利鵝肝，放係肉眼上面帶少少熱溶。

連同牛扒一齊入口口感更佳又香口，值得一試👍🏻👍🏻雖然係自助形式，但桌上的醬料都好充足。

分別有牛肉汁、酸汁、手磨Wasabi同岩鹽。

建議試下唔同配搭，或者會有驚喜。

個人幾鍾意酸汁加Wasabi咁食！😋總括黎計，CP值算好高。

價錢大眾化，食物質素唔錯有。

沙律、湯、白飯都係任裝。

加$8有汽水飲。

座位排排坐，同一兩個朋友黎食都好合適。

今晚遊經元朗，發現元朗開了一間石板燒肉專門店「牛More石燒專門店」，從康樂路輕鐵站走過去大約5分鐘。

此店門面隱蔽，跟日本的餐廳一樣，就在門口的售賣機自己點餐。

餐牌上的食物選擇不算多，大致分為西冷、肉眼、安格斯、黑豚肉、餐廳精選等等。

而份量由200g起跳，大食的人可以揀300g、400g。

餐廳都很貼心有圍巾提供，可以保護自己的衣物。

白飯，沙律和湯是任裝。

飯係珍珠米，很軟熟。

而洋蔥牛肉湯湯頭香濃，很暖胃。

我點了一份牛More之道200g($75)、 黑豚肉眼200g($100) + 匈牙利鵝肝($30)，非常便宜。

最驚喜的是肉扒的質素絕對比得起外間$300、$400元的肉扒，什至更好。

抵食推薦！所有牛扒沒有預先醃製，全部都是由自己親手調味。

牛扒一成熟上檯，放上300度高溫的石板，店主話可維持半小時熱力，再自由控制合適熟度。

牛板腱今日牛More之道的牛肉部位是牛板腱，店主建議先張牛柳一開三份，將2份放下，逐件逐切開燒。

我自己調了約5成熟－7成熟，肉質鲜嫩多汁，結實軟嫩，油花均勻，牛味濃香。

食落比較少筋，肉汁豐富，入口啖啖滋味，令人一試難忘。

黑豚肉眼黑豚肉眼200g也很有份量，在石板上烤過後散發香濃肉香，色澤保持粉嫩，店主建議5成熟最好。

肉質非常軟腍，食落帶點果香，油脂同肉嘅分怖平均，有彈性和啖啖肉汁，也不會嚡口。

匈牙利鵝肝鵝肝油脂不算很重，但都會入口即溶，質感幼滑，十分惹味，原來伴飯也不錯！「牛More石燒專門店」是一間性價比其高的餐廳，最平$75可以體驗高質的石板燒肉，而且白飯，沙律同湯是任裝，低價錢高享受的表表者，絕對高度推介！

天氣漸凍，除o左打個邊鑪之外，鋸番塊扒，o係你面前熱辣辣咁，都係個唔錯o既選擇。

之前已經o係其他地方食過呢類斷量計o既日式鐵板/石燒，今日搵到間仲抵食o既鋪頭，於是即刻幫襯！上次食o個間價錢只係包o左塊扒，想叫埋飯、沙律呢d 通通另外加錢，其實計計埋埋都唔少。

今次呢間則只有o野飲係分開，飯、沙律同湯全包之餘，仲係任食！言則其實呢個係個半自助餐，最最最平$75 已經走得人！一如既往，首先要o係門口點餐。

然後坐低趁住佢準備中o既空檔，梗係即刻食下沙律呢d 啦～沙律係椰菜沙律，混以新鮮蕃茄仔同粟米粒。

店家放o左三款唔同dressings，由最普通o個d 白色凱撒沙律醬至日式胡蔴醬同韓式柚子汁都齊備。

食食下d 肉就o黎了。

岩岩上檯時，d 肉係有一塊廚紙冚住以防d 油彈o黎彈去，另外餐廳都貼心咁準備o左紙圍裙。

老闆娘建議我地食o既時候可以先成舊移開，然後切小件放上去煎；或者快快趣趣煎好晒就拎開，以免太熟。

我點o既係美國安格斯特級牛柳($85/200g)，好似拳頭一大舊咁，肉質鬆軟多汁，味道本身則比較淡，配合醬汁會更正！檯o既上面o既一個小空間已經擺滿各樣調味料，瀋少少岩鹽，味道即刻提升，另外帶酸甜o既牛肉汁，都係唔錯o既選擇哦。

朋友就試o左餐廳最靚o個隻美國select 認證o既more 牛($125/200g)，佢再o係推介之下加埋一份匈牙利鵝肝($30)。

係一塊厚身o既牛扒，老闆娘介紹佢屬於牛小排，係牛仔骨後面o既嫩肉。

食落同頭先o個個爭好遠，最貴果然肉味係強好多，肉質亦較結實。

仲有唔少得個鵝肝，油份好高，帶點香醇。

白飯同湯自己任裝，湯係牛肉湯，配合番餐廳主題。

用上蘿蔔等等熬製，牛腩o個隻酥味幾香。

飯當然係日本飯，重點係任•落•飯•素！大滿足！如果叫o野飲係加$8，唔算貴了。

我試o左隻日本哈蜜瓜汽水，超好飲！雖然佢堅持係無果汁，只係合成劑……如果唔叫，都有清水可以自己斟，免費。

我覺得呢間餐廳有一樣o野好好o既係無限時，老闆娘直情叫我地坐耐d，食多d。

佢同老闆兩個都極好人，好有耐心介紹食物，跟住又不停同唔同食客搭嗲，每一檯都傾，乜o野話題都岩，又同小朋友玩，果真值得推介。

牛More石燒專門店餐單提供日本菜, 烤肉等推介美食位於元朗區，餐廳座位數未知人均消費約$101-200，結賬可以用Visa,Master,八達通，Booking訂位可以電話致電 21042108 查詢。

您對於元朗餐廳「牛More石燒專門店」有何 comment？

牛More石燒專門店餐廳詳細資料：

• 牛More石燒專門店地址:
  元朗大陂頭徑2-12號華盛樓地下F號舖
  牛More石燒專門店, Shop F, G/ F, Wai Shing Mansion,2-12 Tai Pei Tau Path, Yuen Long
• 牛More石燒專門店電話: 21042108
• 牛More石燒專門店價錢: $101-200
• 分類: 日本菜, 烤肉
• 座位: 未知
• 付款: Visa,Master,八達通
• FB專頁: 牛More石燒專門店 Facebook

更多牛More石燒專門店相關資料:

• 牛More石燒專門店分店
• Youtube
• Facebook
• Twitter
• Google