鳥正 元朗
地址: 元朗錦田波地路3號地舖
最後更新:
鳥正推介
提供正宗日式燒烤，大部分食材均來至日本，推薦醬燒日本雞肝及雞心。
元朗鳥正
| 餐廳分店 | 鳥正 |
|---|---|
| 地區 | 元朗 |
| 電話訂位 | 64692046 |
| 餐單 Menu | 日本菜,燒烤,串燒, |
| 人氣指數 | 129 |
| 價錢幾錢 | $51-100 |
鳥正訂位
鳥正位於元朗區，詳細地址是元朗錦田波地路3號地舖，餐廳寬敞座位數目共有未知幾多個。鳥正幾錢？價錢優惠後人均消費大約$51-100埋單，早餐午餐晚餐鳥正餐單包括有日本菜,燒烤,串燒等美食，付款方式有現金付款，Booking網上訂位可以電話致電 64692046 查詢訂座。鳥正優惠
鳥正 評價 相片
錦田一日遊。
第一站去咗『鳥正』，呢間居酒屋開咗1年幾，如果唔係朋友介紹真係未必知呢間隱世居酒屋！地點其實好方便，錦上路西鐵站行10min就到，食材大部份都係來自日本，所以食物好有水準，店員同老闆都非常親切，大家傾下計食下嘢，好似好耐都無試過喺香港居酒屋搵到呢種感覺啦！點咗兩個定食，配日式沙律及飲品：鰻魚飯($65)鰻魚飯份量十足，鰻魚大塊又厚肉，鮮嫩惹味。
吉列豬扒蛋蓋定食($85)滑蛋煮得非常嫩滑，豬扒亦炸得外脆內軟，炸槳好薄脆，高水準之作！兩個定食唯一需要改善嘅地方係d飯雖然係用日本米，但食落比較淋，影響口感。
同老闆反映咗，好欣賞佢好虛心接受意見，立即表示會試下其他日本米，睇得出老闆對食物製作都好有要求！因為定食好好食，我哋決定試埋佢嘅拿手串燒。
鹽燒雞皮($28)雞皮唔會燒得好乾，反而食落好有彈性又唔韌！雞翼餃子($28)雞翼燒得金黃油亮，賣相吸引！入面塞滿飽滿嘅餡料，味道好豐富！秋刀魚($45)呢度嘅燒物全部都燒得恰到好處，唔會過熟，簡單嘅調味反而更加突出食材嘅原味。
油甘魚鮫($75)燒得香脆嘅魚皮加上嫩滑甘香的魚肉，無得輸！好開心嘅一個下午！入面嘅裝潢充滿日式復古昭和風，電視仲要播住日本電視台，聽著日文，真係有一刻覺得自己身在日本！今次爭D酒，如果唔係更加開心，哈哈。
.🔺 鳥正小編最近去左錦田紅磚屋 🏠感受下郊外嘅氣息🥬嚟到附近一間隱世嘅居酒屋😋餐廳裝潢好有格調🤘🏻有頓時去左日本嘅感覺.串燒整體感覺不俗😍試左餃子雞翼、五花肉、雞皮、雞腎、煙肉番茄等等全部都即叫即燒 風味十足 燒得香口！調味係簡簡單單 主要食返食材原有既味道.吉列豬扒🐖豬扒炸得剛剛好 金金黃黃 香脆得嚟鎖到肉汁 點埋沙律醬食好好味🔥.鰻魚飯🍱鰻魚肉質實在 唔會軟林林散哂份量好多 小編都食唔晒個飯👌🏻
好有日本feel的小店，位置坐得舒服，最厲害嘅係師傅一個人又燒嘢食又煮嘢食，又堂食又外賣，全部自己搞掂曬。
每樣食物都好好味，除咗係雞皮咸咗啲。
價格適中，呢個價錢有呢個質素，性價比高，推介👍🏻👍🏻👍🏻《大蔥五花肉蛋蓋定食+一罐飲品》 HK$75一嚟到，望落已經好吸引，啲蛋熱辣辣，出晒煙，份量都多，蛋炒得好滑，上面有鰻魚汁，撈埋啲飯一齊食幾好味。
五花肉燒得好香口，好味，又配埋沙律，有肉有菜。
👍🏻《芝士雞肉》 HK$65雞肉好嫩口，好juicy，亦唔會有雪味同雞嘅騷味，芝士唔係濃味嗰啲，唔會好溜，同雞肉一齊食好夾。
《雞軟骨》 HK$42雞軟骨真係食串燒必叫嘅食物，香脆可口，佢呢隻仲帶少少雞油粒，又脆又香，都係無雪味同雞嘅騷味。
《雞皮(鹽/醬)》 HK$28雞皮燒得脆，可惜偏鹹，送酒可能會好啲。
《雞心》 HK$唔記得幾多錢係醬燒雞心，都幾大粒下，鍾意食內臟嘅朋友，一定啱食，Menu係冇嘅。
《雞髀菇》 HK$25呢個都係Menu上冇嘅，好juicy，爽口，原汁原味，上面淋咗少少豉油。
《七味燒魚翅》HK$35好似雞泡魚干，但厚身啲，咬落唔會好乾身，味道香口帶甜，有咬口，送酒一流。
《虎蝦》 HK$35🦐都算好大隻，燒得偏乾身，都幾有蝦味。
咁難得嚟到錦上路，當然要捐窿捐罅搵嘢食， OpenRice見到呢間好似幾有格調嘅居酒屋，就即刻搵吓喺邊就去食。
一入到去個裝修佈置都已經好有日本嘅感覺，疫情之下冇得去日本咁係依度都有望梅止渴嘅感覺。
一入到去師傅就已經好親切好好傾，唔會吹你叫嘢食，你睇啱先話佢知。
咁我哋兩個人就叫咗啲串燒同埋兩個定食。
吉列豬扒蛋蓋定食，個吉列豬扒真係新鮮炸出嚟好香好脆，個炒蛋亦都好滑，cover哂啲飯，成件事好靚好好味。
鰻魚飯，一啲都唔Hea真係喺網上面燒出嚟，好肥美，唔加鰻魚汁都好好食！之後仲有個沙律仔，兩粒車厘茄真係好夾好好味。
燒雞軟骨，燒得啱啱好，唔會竉晒，都有啲脆，咬落去唔太硬，食落真係好正。
燒雞腎，個雞腎唔會竉晒，唔會好老，軟硬適中，真係wonderful。
餃子雞翼，隻雞翼入邊饟左啲料，食落好Juicy好肥美，個皮又燒得好脆，一隻真係唔夠喉。
炸薯仔片，同平時買到嘅包裝薯片好唔同，新鮮切新鮮炸，你一食落口嗰種脆，係完全唔同，食落口又唔會好油，又係好正。
後尾老細嚟埋，又係好好傾，如果堂食晚市開返，真係好想再嚟一次同老闆師傅飲下酒傾吓計！
您對於元朗餐廳「鳥正」有何comment？
鳥正餐廳詳細資料：
- 鳥正地址: 元朗錦田波地路3號地舖 Torimasa Yakitori, G/ F,3 Po Tei Road, Kam Tin, Yuen Long
- 鳥正電話: 64692046
- 鳥正價錢: $51-100
- 分類: 日本菜,燒烤,串燒,
- 座位: 未知
- 付款: 現金
- FB專頁: 鳥正 Facebook