上海天地拉麵小籠包 九龍灣

上海天地拉麵小籠包 評價 相片

小籠包有4隻,熱辣辣!皮薄味鮮,有肉汁~唔錯四川擔擔麵其實我自己本身唔太好擔擔麵,只不過是傻baby喜歡才點的!我覺得沒有花生醬的香味...三鮮炒年糕好大碟,有蝦仁,津白,冬菇 等材料,唔油,味道不錯豆沙鍋餅豆沙甜度剛好,但奈何d皮太硬了,好差唔知咩魚塊啖啖肉~食味冇特別豆漿好香豆味,不太甜

開頭見到咁多人話好~~~ 就去試下啦~~但係d野食麻麻地...又迫....好彩去toilet個時發現原來入面仲有位~就轉左入去...不過就變左好焗!今次叫左d小菜....麻麻地...可能因為我冇叫上海野ge關係,但都試左佢個小籠包...係有肉汁...但d肉入口一pat pat...唔好食!! d咕嚕雞好多都係皮黎...個牛肉味道都ok~~ 但好乾.......個餅係個set 加1蚊送~~反而我覺得幾好食~上台個時熱辣辣~總括黎講...一般.........

每年都會來一次上海天地，叫埋差不多款式的食物，今年也不例外，又看看跟去年有沒有大分別。

冷盤一道，是雞絲粉皮。

感覺跟上次一樣，是麻醬下得不夠，欠缺麻香，粉皮唔滑，而且是暖暖的，並不理想。

之後是兩款甜酸的菜式，分別是糖醋魚塊以及咕嚕雞球。

其實兩者均做得鬆化，而雪藏貨色當然不會有咩鮮味，還好是甜酸汁調校得宜，好開胃。

找回自己去年的食評看，原來上次的甜酸汁是很酸的，這次則有所進步。

又來到我喜歡的東坡肉時間，肥瘦相間的東坡肉，睇見已垂涎。

入口淡淡鬆化，是美味的，如要挑剔的是未夠濃油赤醬，在味道上打了點折扣。

不過，以這樣的價錢，是收貨有餘的了。

第一次吃呢度既炒河蝦，河蝦太大隻了，也不滑溜。

炒河蝦一定要用小小的，才能做到又滑又精細，這樣大隻的，吃過便算；而炒年糕則好一些，煙煙韌韌，幾軟熟咁。

銀芽鱔糊，個人認為靈魂在於其醬汁，一定要夠濃鮮。

這裡的都算合格，當然說好好就稱不上。

鱔的肉質稍嫌不幼滑，但銀芽爽口，夾著吃也不是太差的一道菜。

再來就是小籠包和生煎包，個人較喜歡小籠包，起碼是皮薄、味鮮、有肉汁，熱呼呼的，醮些醋吃，對辦。

最後是甜品兩款，豆沙鍋餅和高力豆沙。

前者的皮實在是太硬，嚴重失準；高力豆沙就好好多，夠熱，鬆軟，豆沙多又甜度得宜。

完成了這餐後，相信又要等一年才會再來。

返左學差唔多年半, 成日經過但今日先第一次試依間野 ...的確係有點後知後覺, 不過一試就真係不得了下午茶真係好平, 最平18蚊有麵有豆漿 叫左一個四川擔擔麵同埋一個菜肉雲吞+醬牛展麵個四川擔擔麵都ok, 但就少左d花生味 ...個菜肉雲吞+醬牛展麵 ... 叫左小辣但睇落真係勁辣好彩係個樣嚇人 ....d菜肉雲吞都叫做皮薄餡靚架,d醬牛展亦都幾入味, 不過得4塊 ... 同埋切得好薄(刀功既表現 ?)但總括黎講依餐真係好抵, 同埋係物超所值既 下次會再黎試其他野

boxing都係紅日 最怕等位 就醒起呢間野其實成日都唔洗點等所以就決定去食!!晚上8點度去到 果然唔洗等之餘仲有幾張吉枱四個人點左好多野食..1. 晚市孖寶 小籠包4隻+ 酸辣湯拉麵 $382. 回鍋肉炒豬頸肉 $323. 上海炒年糕 送豆漿 $384. 上海粗炒 送豆漿 $385. 銀芽炒鱔糊 $526. 清炒蝦仁 $68最好味就係清炒蝦仁 好爽仲好大碟 好抵食!!銀芽炒鱔糊個份量好多不過我就嫌個汁太杰上海粗炒就麻麻地 太濕喇 搞到成半碟冇人食._.另外其他幾樣都不錯要讚d員工好有禮貌 同埋可能冇咩人關係d野上得幾快 同埋就算後加單都上得好快唔會食一輪又要等一輪

上海天地拉麵小籠包餐單提供滬菜, 上海, 拉麵, 雲吞, 餃子, 中菜館等推介美食位於九龍灣區，餐廳座位數150人均消費約$50以下，結賬可以用Visa,Master,現金。

您對於九龍灣餐廳「上海天地拉麵小籠包」有何 comment？

上海天地拉麵小籠包餐廳詳細資料：

• 上海天地拉麵小籠包地址:
  九龍灣牛頭角道165-169號地舖(淘大花園側)
  上海天地拉麵小籠包,  
• 上海天地拉麵小籠包電話:  
• 上海天地拉麵小籠包價錢: $50以下
• 分類: 滬菜, 上海, 拉麵, 雲吞, 餃子, 中菜館
• 座位: 150
• 付款: Visa,Master,現金
• FB專頁: 上海天地拉麵小籠包 Facebook

更多上海天地拉麵小籠包相關資料:

• 上海天地拉麵小籠包分店
• Youtube
• Facebook
• Twitter
• Google