銀杏館 中環
地址: 中環歌賦街44號地下
最後更新:
銀杏館推介
餐廳以「營商創福利」為宗旨，聘用長者。於上水自設有機農莊為銀杏館提供時令蔬菜。「五星級美食，五星級服務」，是銀杏館的營運宗旨，大廚都有五星級食肆的經驗。
中環銀杏館
| 餐廳分店 | 銀杏館 |
|---|---|
| 地區 | 中環 |
| 電話訂位 | 沒有電話提供 |
| 餐單 Menu | 粵菜, 廣東, 有機食品, 中菜館 |
| 人氣指數 | 1125 |
| 價錢幾錢 | $101-200 |
銀杏館訂位位於中環區，詳細地址是中環歌賦街44號地下，餐廳寬敞座位數目共有38個。銀杏館幾錢？價錢優惠後人均消費大約$101-200埋單，早餐午餐晚餐銀杏館餐單包括有粵菜, 廣東, 有機食品, 中菜館等美食，付款方式有Visa,Master,AlipayHK,支付寶,現金付款。
銀杏館優惠
銀杏館 評價 相片
再去中環銀杏館，上次食花饌之後，對哩間分店印象都唔錯，早排見到佢地facebook宣傳新出左個懷舊砵仔飯，今日lunch決定過嚟試下新野～！入到去見到牆上貼左新豬肉嘅海報，成日都聽到哩個名，原來係d素食野，喜歡試新野ge我表示都想搵日食下！但今日就試左砵仔飯先啦！佢一共有四款～ＸＯ醬牛肝菌蝦干銀魚干($118)、鮑魚冬菇腩肉($108)、臘味($108)同家鄉鹹雞($98)！跟飯仲有個素湯同前菜～幾番掙扎之後，揀左家鄉鹹雞砵仔飯～今日ge素湯係老黃瓜祛濕湯！好甜～估唔到素湯都可以咁夠味！入面仲有大大舊老黃瓜，就知佢幾咁足料！侍應話佢地d湯係每日自家煲～夠哂火候！本人表示好想要多盅！鹹雞飯一上枱就心心眼～因為俾左靚脾位！啖啖肉！側邊仲搭左兩條菜心～菜心唔知係咪有機～但食落都好爽脆同清甜～不得不說～簡單兩氣菜都可以令主菜加分！鹹雞亦醃得十分入味，雞肉食落夠嫩滑，個種鹹味又唔係鹽焗雞個種，可能係婆婆鄉下秘方，哈哈！不過真心欣賞佢地保持到水準，上次花饌個道桂花雞又係好嫩滑！睇嚟雞係佢地ge招牌菜～當然不可不提佢個懷舊元素～醬油！佢有三款揀－古洞醬油、豬油豉油同麻辣豉油，我就一於揀最懷舊feel ge豬油豉油！成日聽到話豬油撈飯，我諗感覺應該差唔多？一野倒落碗撈埋飯一齊食，真係有陣豬油香，個豉油味係鹹中帶甜，提提叫鹹雞飯ge朋友~最好先夾走d雞先好撈，唔係一陣鹹上鹹，破壞左個味道！仲有個前菜－酸菜～真係不得不提！侍應話係自家醃製～佢味道帶辣，聽講係撈左豆辦醬，係一個好開胃ge前菜！！真心讚！懷舊可能係一種情懷，但哩道就將懷舊呈現起大家面前，我唔夠講佢地係最正宗，但可以講佢地係有heart，無論係本身社企ge宗旨，抑或係對料理ge用心～
銀杏館既小菜原來都唔錯👍🏻lunch time去仲要唔洗排隊😍原來有2層⋯環境清靜👍🏻👍🏻·🐟鹹魚煎肉餅（$98）好好味！係媽媽煮唔到但又有住家飯既感覺😂配埋泰式辣醬，個人覺得唔點醬已經好夠味！煎完既肉餅唔油膩⋯愛上左😋·🐽古法咕嚕肉（$98）未有太大驚喜，不過送飯一流😋·🥬慢炒有機時菜（$98）👍🏻·🥣老火湯係送既😍好足料啊！大大件蓮藕·📍銀杏館中環歌賦街44號地下
之前我去食過越南菜同西餐，對於佢地食物嘅水準我100％安心～哈哈！今次大長征去到中環店！聽講佢係銀杏館第一間鋪～位置起歌賦街，附近有PMQ，遠少少有新打卡點－大館，其實幾岩同朋友去行下影下相，之後上去食野～起鴨巴甸街轉入去，右轉歌賦街直行到近街尾位置就到，其實離遠都會見到佢有一個易拉架放左出門口，中環店有兩層，唔知係咪因為中環本身都係個中西匯集嘅地方，哩間鋪外型都幾中西融合，用左霓虹燈整左個Gingko House，無錯～就係銀杏館嘅英文名！今次訂咗個「花饌套餐」~同朋友一行兩人所以就揀左無飯個款～入面我最期待嘅係桂花雞同香酥骨！桂花雞真係雞又有雞味～桂花有桂花味～唔係講笑，啖啖嫩滑雞肉，滲出清香桂花味！而有機洛神花冰梅香酥骨～係我同朋友一致好評！本身我就好鐘意洛神花嘅製品，加入去香酥骨道煮，真係無得頂！香脆！酸甜！開胃！肉骨比例平均～鐘意"吮"骨頭嘅朋友一定讚！另外仲有翡翠菊花魚卷同翠塘菊花扒有機豆腐。
兩款都揀咗以菊花入饌，菊花清香，配清淡菜式就唔怕搶味，魚卷上面放咗蟹籽呀，加埋個蛋白茨汁，魚肉嫩滑唔腥！翠塘豆腐就好多料～有蝦粒菇粒元貝粒！其實配飯真係一流，但套餐本身已經好多款菜，為咗唔好浪費，我地都唔敢叫白飯，哈哈！入面仲有款茉莉花京蔥孜然牛柳，重口味嘅朋友就岩哂！牛柳最怕煮過龍～師傅就煮得岩岩好～肉質淋～唔會好韌口！啊～仲有一入嚟就有花茶同蟲草花懷杞水鴨湯！水鴨湯係盅上，原汁原味！好想再要多盅！花茶係烏龍茶，茶壺入面好多花～哈哈！好似個花園仔呀～其實佢款款菜都有食用花，成件事都真係好"花花世界"～最後係飯後甜品－相思紅豆杞子桂花糕～唔係太甜，桂花糕入面包住紅豆同杞子，杞子明目～大大粒好好味～本身個粽亦好香桂花味，為整個套餐畫上完美句號！整體來說，份量大用料足，一定食完好滿足！花嘅主題都好明顯，因為佢地用咗食用花入饌，本身起烹調嘅時候都加入左花去烹調，所以有啲菜式都有花香味道，味道較淡的都可以同食用花夾埋醬汁去食，唔會有違和感～
作為一個香港人，在冬天吃蛇似乎已成習慣，我也不例外。
剛好有同事升級，可以借此藉囗吃餐貴D。
發現中環的銀杏館有款5人蛇宴套餐，所以大家都同意試試。
歌賦街44號是九龍人不容易找的，從地鐵站A2出囗，要找到鴨巴甸街再向上走才能找到歌賦街。
舖子也不是大舖，地下有概最多20多個位，閣仔也只有十多個位，地方的確比較窄。
這個蛇宴是每人贈送特飲一枝，我選了桔蜜，也可選洛神花茶，第一道來必然是太史鮑魚五蛇羹，用料非常充足。
跟著是炸蛇丸，蛇汁白切雞，再來古法三豉蒸方利，肉嫩味鮮，有水準。
可惜生炒蛇絲卻有點硬，相信牙齒不好便很難吃下，但還有雙冬燜鱷魚肉和糯米飯，人人一定會吃得飽。
最後糖水是湯丸西米露。
整個套餐是5人份量，1688元免加人，價錢在中區晚餐算很適中。
幾位朋友相約食飯，想找一個便利嘅地點，最終選擇左中環嘅銀杏館。
雖然地點不太方便，但勝在星期日人不太多，所以沒有時限，那麼我們便可以一邊享用食物，一邊暢所欲言。
不知是否新年過後嘅關係，菜式價格約100多元一碟，以份量較少，但味道也可以。
店內每一個店員都是長者，他們卻非常勤奮工作，很專業盡責，也很顧及顧客的需要，也非常健談。
幫襯社企或小型食店，很有親切感。
銀杏館餐單提供粵菜, 廣東, 有機食品, 中菜館等推介美食位於中環區，餐廳座位數38人均消費約$101-200，結賬可以用Visa,Master,AlipayHK,支付寶,現金。
您對於中環餐廳「銀杏館」有何 comment？
銀杏館餐廳詳細資料：
- 銀杏館地址: 中環歌賦街44號地下 Gingko House, G/ F,44 Gough Street, Central
- 銀杏館電話:
- 銀杏館價錢: $101-200
- 分類: 粵菜, 廣東, 有機食品, 中菜館
- 座位: 38
- 付款: Visa,Master,AlipayHK,支付寶,現金
- FB專頁: 銀杏館 Facebook
更多銀杏館相關資料:
香港餐廳2026推介8月