Nuevo 中環

Nuevo 評價 相片

喜歡尋找美食既我今日又試新餐廳 Nuevo, 感覺非常好! 個人首先給三個LIKE, 第一個LIKE, 環境舒適, 座位與座位之間不會太迫。

第二個LIKE,　食物賣相又靚又好味（我覺得好健康,最重要是不會油膩。

可稱得上色、香、味倶全)。

第三個LIKE, 餐廳內的職員都非常有禮貌,亦好細心介紹食物及烹調方式給顧客。

由於今天突然不想食肉,職員主動立即設計新素菜菜式, 誠意可加, 讚讚讚!!

團購買左二人西班牙餐佢嘅自家製麵包好香超級好食送上黎嘅時候仲暖暖地好貼心頭盤有脆皮三文魚、西班牙海鮮飯配大蝦、扇貝擺盤精緻最欣賞個三文魚^_^好香口西柚沙律好開胃平時食開cesar salad估唔到呢個咁好食main course叫左雞肉釀鵝肝黑松露同埋牛扒我個雞肉超級讚有黑松露嘅香味加上肉質夠林最後仲有個甜品十個豐富嘅一餐非常滿足一定會再幫襯同埋想讚下啲staff好nice又會介紹番啲野食

今次試又係 Luen Shing Building  皆因個building 成個都rest, 真睇住呢楝大廈既REST 見証唔少新開/CLOSE 既事歷.  last fri 食完見有新開又可以book 位, 所以都好期待試新REST.  雖然同樣都法國野我地今之又係4個人, 重ORDER 同一樣烤春雞釀松露, HAHA, 因為SET LUNCH 唔OVER $100 有這個, 另一個都是烤不過係烤美國豬柳, 睇個名梗係order 前者, 春雞wor 重要係有松露釀住...呵呵呵2話不說個個都不作他想, 所以試唔到其他lu, 有待下次.成個set lunch 係包括: 餐湯(是日選擇有合掌瓜/栗米/蕃茄3款)+意式麵食(不過我地揀晒推介鮮魷西班牙飯)+drink(tea or coffee only), 成個餐就咁多. 又有中式湯可能要迎合上班人仕.烤春雞釀松露~以為係成隻春雞釀住, 原來係切開卷形 賣相唔錯, 飯感軟軟的烤春雞肉配西班牙飯,份量剛好, 最後還有甜品雖然細細柸的, 以成個set 計樣樣都有都唔錯了.下次食會31/7/15... ... 期待

朋友介紹到中環食飯，小小一家類似私房菜的餐廳，餐牌註明不加味精，坐位比較迫，人多時應該比較吵，但今日落雨，人不多，可以靜靜的吃午餐，餐湯，有中，西各一款，西餐配中湯都幾特别，所以我選擇中湯，粟米雪耳豬肉，味道清淡，啱我口味，冇加味精，所以飲完唔覺口亁！套餐跟海鮮意大利飯，小小一碟，飯軟硬適中，芝士味不太濃主菜要了雞卷配薯容，雞肉嫩，雞卷有釀入配科，可惜吃不出是什麼，靠伴碟的肉汁襯出味道……反而朋友點的豬排比較好味

因為男友生日, 所以事前就做足功課, 希望搵到一間岩心意既餐廳同佢慶祝。

經過一輪箍選之後, 最終我揀左呢間位於皇后大道中既西餐廰。

不過由於3樓關係, 佢既門口有D難搵, 我地去到都要睇左陣先摸到入去, 哈哈, 好彩最後都成功準時到達。

入到去坐底左, 見到環境真係5錯, 同網上圖片一樣, 除左擺設簡潔清雅, 仲有一個大露台可以比大家吹吹風。

實在係好難得係市區, 尤其係商廈上, 見到呢種咁舒服既餐廳。

好~事不宜遲, 講返我地食左D乜野先!!!首先上既係慢烤法國藍蝦+鮮帶子：藍蝦結實鮮甜, 帶子卻嫩口非常!跟住黎既係大廚因為知我地5食鵝肝而特意改成既烤乳鴿配意大利飯：乳鴿外脆內軟 (雖然不及乳鴿大王龍華既黎得大件, 但肉質鮮嫩, 口感5錯) 意大利飯濃香味甘。

之後食返個清新沙律：田園沙律伴香橙、柚子及涼伴蒿麥麵, 清洗一下味蕾然後才進入主菜部份。

出面食個set都會配個餐包+羅宋湯, 呢度就高級好多, 因為佢提供既就係廚師好用heart咁泡製既手工麵面&佢既特配鮮魚濃湯。

不過不得不提呢個手工包, 拎上手熱辣辣, 又香又鬆軟, 我覺得真係好味到震!!!主菜黎啦.... 其實呢我想講我係5掂牛既, 不過為左比面主角,又比面大廚, 所以我今晚.............破禁!! 烤美國肉眼扒@@雖然未去到入口即溶, 但果種肉香四射既感覺, 實在不誇張, 連我5食牛既都覺得味道好呢~題外話：呢度既主菜除左提供牛扒之外, 客人仲可以選擇羊&三文魚, 只要事先向餐廰講明, 佢地就會按照我地既需要準備食材架啦! 包保新鮮!最後就係到甜品啦~Do Re Me 三重奏 (我自己改既XDDD)最鐘意係頭頂果款Pannacotta, 又香又滑, 配埋topping既芒果啫喱, 簡直係perfect ^^底下果件手工cheese cake亦係好出色, 所以我一啖就ko左佢, 嗯....有d少XDD至於中間果件.... 就留返有緣人去試啦, 因為佢係我既至愛Bownie雪糕!!! 對於佢, 我講野絕對5會中肯, 所以講完：p總括黎講, 我真係好滿意今晚呢一餐, 男友亦都食得好開心好難忘呢~~值得一讚既除左係大廚既一番準備,仲有餐廰既用心, 事緣我打電話黎book既時候先知呢度原來5開星期日架, 不過餐廳話如果客人有order佢地都會返黎為佢地準備呢, 仲可以包場添, 呢份誠意真係無得頂!!我下次絕對會再返黎, 仲會帶埋三五知已添呢, 哈哈哈~~ 

Nuevo餐單提供多國菜, 燒烤等推介美食位於中環區，餐廳座位數未知人均消費約$101-200，結賬可以用現金。

您對於中環餐廳「Nuevo」有何 comment？

Nuevo餐廳詳細資料：

• Nuevo地址:
  中環皇后大道中118號聯盛大廈3樓
  Nuevo, 3/ F, Luen Shing Building,118 Queen's Road, Central
• Nuevo電話:  
• Nuevo價錢: $101-200
• 分類: 多國菜, 燒烤
• 座位: 未知
• 付款: 現金
• FB專頁: Nuevo Facebook

更多Nuevo相關資料:

• Nuevo分店
• Youtube
• Facebook
• Twitter
• Google