廣場葡國餐廳 下環
最後更新:
廣場葡國餐廳推介
主要供應傳統的葡國美食，名字取自門前司打口廣場廣場二字。餐廳將葡式餐飲文化與其特色菜餚完美融合，用心保留當年的那一份葡國味道。
下環廣場葡國餐廳
| 餐廳分店 | 廣場葡國餐廳 |
|---|---|
| 地區 | 下環 |
| 電話訂位 | +85382917639 |
| 餐單 Menu | 葡國菜 |
| 人氣指數 | 934 |
| 價錢幾錢 | $101-200 |
廣場葡國餐廳訂位位於下環區，詳細地址是下環司打口14-16號澳門藝舍1樓，餐廳寬敞座位數目共有84個。廣場葡國餐廳幾錢？價錢優惠後人均消費大約$101-200埋單，早餐午餐晚餐廣場葡國餐廳餐單包括有葡國菜等美食，付款方式有Visa,Master,現金,AE,銀聯,JCB付款，Booking網上訂位可以電話致電 +85382917639 查詢訂座。
廣場葡國餐廳優惠
廣場葡國餐廳 評價 相片
好想食葡國餐 專登由香港坐車過去食返餐 朋友介紹下嚟咗呢間餐廳試吓 真係無介紹錯 食物 環境 位置都唔錯 點解發現得咁遲呢 我諗我以後食葡國餐都會嚟 是埋點咗五樣食物加兩杯飲品 二人食埋單$600 飽到食唔晒 怪自己眼闊肚窄
我地一行五個人，浩浩蕩蕩甘，諗住即日來回，於是就試下用港珠澳大橋去澳門，原來都幾方便。
我地今次無咩特別planning, 所以無訂到自助餐。
係大馬路行下，跟住就行左去呢間餐廳。
間餐廳係一樓，原來係酒店餐廳。
人不係太多，叫做去到就有位。
我地叫左幾個餸，最吸引都係隻乳豬。
入口香脆，入口食落 ‘波波” 聲。
成班人讚不絕口。
其他食物都不過不失。
始終最好味都係隻乳豬。
美中不足係沒有免費清水供應。
成間餐廳都有報置，充滿聖誕氣氛。
啲服務員全部都係外籍人士，感覺好似去咗外國咁，啲服務都OK的。
總體而言，都會去再幫的。
要講澳門的葡國餐廳，我諗你應該睇都睇到厭，就算自問唔係乜嘢澳門達人，可能你都會有三四間如數家珍係個袋裡面，好似澳門的士佬一樣。
我自己最愛其實都好膚淺，媽閣三寶係我必然的一個選擇，可能細細個第一次喺澳門食嘅餐廳就係船屋，有種情意結，氹仔就更加係葡國菜的集中地，睇KC介紹應該都夠你去十次食都唔重覆。
相反，有間冷門一點嘅選擇，冇乜香港blogger講過，但我去過兩次，覺得水準非常不錯，也比我剛提過好的葡國餐廳平一大截，而且仲要係酒店裡面，呢間係廣場葡國餐廳。
湯類選擇很多，你想叫湯，侍應第一個反應就係話：我哋呢度個湯好大碗，你可以share來飲，的確令我覺得好驚喜，好難相信呢度係一間酒店嘅餐廳。
葡式薯蓉青菜湯和葡式香濃牛尾湯和朋友share來飲，薯蓉青菜啖啖足料，香濃牛尾濃到可以用來送飯，仲有件件牛尾增興。
友人吃素，忌廉野菌湯和西蘭花湯都被她大讚特讚，可惜因為太多菜式關係在後面的關係不能吃到其味道。
凱薩沙律絕對係大件夾抵食，樣樣都大份過人，愛沙律的朋友，必定喜歡。
炸馬介休球係澳門嘅名物，呢度最好係做得不會太過油和熱氣，馬介休鹹香一流，可以用來送飯。
主菜才是驚喜處處，上次吃過的葡式白酒炒蜆，隻隻鮮甜肥美，而且充滿酒香。
葡式牛肋條係上次食過最深刻的一味菜式，今次還是沒有失望，燒得勁靚的牛肋條，有炭香有肉香有嚼勁，每個位置都有其美味位，完全不能抗拒的作品，當香港食一條咁嘅牛肋條起碼收你$400嘅時候，你就明呢度有幾正。
欖油焗烤馬介休魚更加嘗到馬介休的鮮香，欖油的配合令其昇華到另一個層次。
惹味伙頭豬扒入口個種柔軟，你完全感受到肉香，而且冇用鬆肉粉，惹味個名改得好好，如果剛才的葡式牛肋條有十分，這個實在過之而無不及，力度同樣強勁。
葡國雞無得輸，滑滑雞件加上其他配菜，你就知道係飯盜，你煩惱嘅係唔知吃雞好定係配菜好。
葡式咖喱牛腩，可㨂不同辣度，小辣中辣大辣任你選，選了小辣，牛腩有點大件，相對較其他失色，始終香港做咖喱牛腩出色的地方實在太多。
要吃點蔬菜，蒜蓉炒西蘭花，不油不膩清新不二之選。
素食的朋友也有推薦，時興新豬肉，同樣係自家製的漢堡肉，磨菇紅菜頭醬漢堡，紅菜頭醬sharp得來好有個性，舊肉又做得好，好奇嘅我試咗兩啖，絕對和街外嘅漢堡可以睇齊。
甜品選擇又係又平又靚，上次已經試過，今次當然又係要掃餐牌，經典澳門甜品如木糠布甸，焦糖雞蛋布甸不在話，最搶鏡是手工牛油果雪糕和愛馥卡朵奶凍。
最後，我沒有飲咖啡，反而來一杯Sangria，無辦法，來親澳門都會食食食，飲杯再為下一餐暖位，都很合理吧。
可能呢個推薦同你看過之前嘅澳門葡國餐廳推介來得冷門一點，但以價錢和性價比來看，是不錯的選擇。
有時，冷門都可以很精彩的。
兩天一夜的喪食澳門之旅，就由酒店的「廣場葡國餐廳」開始。
有別於一般的餐廳， 除了傳統長枱之外，更有矮椅及茶几，方便客人看看書，嘆下茶，享受下午時光。
餐廳一角放有足球機供客人隨便玩樂。
炸馬介休球（6粒 / MOP68） 食葡國菜又點可以無馬介休呢？即叫即炸熱辣辣，外層酥脆，好味。
凱撒沙律（MOP48） 用料清新爽脆，灑上芝士令味道更香，不錯的前菜。
忌廉野菌湯（MOP58） 野菌味好香夠滑，喝起來有細微的野菌粒，但略嫌質感有點單薄。
葡式薯蓉青菜湯（MOP48） 質感濃稠而且同樣滑溜，薯味突出，太1太黎3而幾喜歡。
牛尾湯（MOP48） 畢竟自己是牛魔王，牛尾湯真材實料，原塊牛尾煮至骨肉分離毫不費力，正。
橄欖油焗烤馬介休魚（MOP168） 魚肉軟熟可口，絕無過火情況，而墊底的洋蔥煮至軟稔入味，但油份似乎太多了。
葡式白酒炒蜆（MOP108） 自小已喜歡蜆芥類食物，曾經試過一口氣喪食白酒煮藍貝，尤其是用麵包蘸點sauce，更是美味，今次改海蜆，肉質同樣嫩滑，但體形不及藍貝，食既時候幾花時間。
波爾圖鐵鍋焗鴨飯（MOP148） 全部人都大讚，原鍋烤焗，份量好多，鴨肉及葡式肉腸好香，味道都滲入飯粒之中，而且不覺油膩，口感豐腴，真心推薦。
葡式焗乳豬（例牌） 有別於廣東式的芝麻皮， 葡式乳豬皮時間稍耐便會變得較韌，所以要快食， 乳豬皮下脂肪烤得入口即化，入口充滿了油香，又真係幾好味。
葡式咖哩牛腩（MOP128） 本身可以選擇辣度，從小辣到大辣中挑選了bb辣，牛腩本身瞓得好稔，咖哩汁裡有不少肉碎，所以好惹味，最啱加碗白飯一齊食。
惹味斧頭豬扒（MOP238） 可說是最有驚喜的一道菜式，聽餐廳經理所說 全澳門就只有這裡有供應。
斧頭豬扒份量十足，肉質鬆軟而富肉味，切起來毫不費力，但其實幾辣下，食嘅時候要小心一點， 加杯啤酒一邊食一邊飲，人間美味。
Spaghetti Aglio Olio（MOP78） 個人最喜歡的一種意大利粉煮法， 簡單的用辣蒜油炒起， 若然能夠做到外層有些少 crispy，而中間有嚼口，就更加完美了。
大廚基本上做到要求，若然外層能再脆口一點更好。
甜品 都說過這間餐廳的性價比夠高，就連甜品都只不過由MOP23元起跳，最貴的都不到MOP40。
愛馥卡朵奶凍（MOP38） 店方甜品名物，底部的奶凍，一如預期的幼滑，澆上咖啡瀰漫了芳香，置面的朱古力雪糕甘甜可口，只賣不到40蚊，也未免太划算了吧？手工牛油果雪糕（MOP38） 香甜軟滑， 雪糕面灑上些小熱情果碎，令口感更佳。
焦糖雞蛋布甸（MOP23） 中規中矩，面層能夠再脆一點更好，但作價太親民，又難以挑剔。
其實餐廳的午市套餐都非常抵食， 都只不過由MOP78起跳到MOP118，已經包括例湯及飲品或甜品，難怪吸引了不少街坊客。
高質素葡國餐廳哈哈 係咪以為我去左art gallery呢😎其實係澳門一間葡國餐廳菜式地道得黎, 亦不失創意, 而且每個月也有特別主題!! 感覺是有heart為客人帶來美食及新鮮感, 侍應們都好nice, 抵讚!! 場內嘅畫作都為餐廳加咗好多分😊😊當然, 食物質素仍然係最重要嘅! 炸馬介休球, 好重薯仔味, 仲炸到好香口! 茄汁香辣炒蜆, 蜆比較少用茄汁煮, 佢仲加入陣陣香辣口感, 食到唔停口!! 斧頭豬扒勁好味, 煮得剛剛好, 肉質鮮嫩多汁, 推介! 另外, 呢度嘅甜品都好正🤤🤤🤤
廣場葡國餐廳餐單提供葡國菜等推介美食位於下環區，餐廳座位數84人均消費約$101-200，結賬可以用Visa,Master,現金,AE,銀聯,JCB，Booking訂位可以電話致電 +85382917639 查詢。
您對於下環餐廳「廣場葡國餐廳」有何 comment？
廣場葡國餐廳餐廳詳細資料：
- 廣場葡國餐廳地址: 下環司打口14-16號澳門藝舍1樓 The Square Cafe And Portuguese Restaurant, 1/ F,14-16 Praḉade Pontee Horta, Sao Lourenco
- 廣場葡國餐廳電話: +85382917639
- 廣場葡國餐廳價錢: $101-200
- 分類: 葡國菜
- 座位: 84
- 付款: Visa,Master,現金,AE,銀聯,JCB
- FB專頁: 廣場葡國餐廳 Facebook
更多廣場葡國餐廳相關資料:
香港餐廳2026推介9月