辦館 (裕林台) 上環

辦館 (裕林台) 評價 相片

高級雜貨店🎈辦館(裕林台)/原來辦館同士多嘅分別係 辦館賣嘅主要係「來路貨」/呢間係一間寵物有善餐廳🐶好歡迎一眾狗主人帶埋你哋嘅主子嚟 好好享受一個寧靜嘅一天☀️最特別嘅係呢度有酒賣喎 要小心唔好俾主子飲到呀😂西班牙黑毛豬火腿芝士三文治 ($148)Iberico Ham & Cheese Sandwich好少見到香港嘅三文治會夾呢種黑毛豬火腿🐽再特別加上多種芝士 cheddar cheese mozzarella cheese 芝士份量勁多 入口軟綿感重🧀加上少量蔬菜中和火腿芝士油膩感 充滿鹹香🥰黑松露芝士三文治 ($128)Black Truffle Oil grilled cheese Sandwich 濃濃嘅黑松露味 芝士拉絲 麵包身焦脆 充滿麵包香芝士唔油膩 好滿足呀😍鮮奶伯爵茶Earl Grey Tea Latte ($58)伯爵味較淡 稍稍比牛奶味搶走左😂熱情果梳打 Passion Fruit Soda ($68)夏天飲返杯涼浸浸有氣梳打真係好爽 熱情果味酸酸甜甜醒神晒

星期五又放自己半日假，最佳鬆放(小新説法)方法唔係瞓覺，而係搵個地方無所事事咁Hea下，乜都唔諗😚。

今次到訪嘅「辦館」真係隔涉到一個點，自問成日喺上環樓梯街或卜公附近一帶行嚟行去，都唔發現佢嘅存在。

直至我認真睇地圖先知佢個確實位置，原來喺正香港醫學博物館下面。

不過可能只係我無知🙈，皆因有唔少人幫襯，當中包括唔少放狗人士，門口室外位置陪狗狗玩一流🐶。

至於餐廳嘅室內位置亦滿有特色，坐嘅區域大致上可分為三個部份，包括面向門口嘅Shared Table(又名豬肉枱🤪)同收銀櫃枱再行入去較隱蔽嘅位置(即蘋果公司Logo掛畫嗰邊)。

而我哋就坐喺收銀櫃右邊嘅吧枱位，貪佢近門口，通風好啲，涼啲💨。

窄窄嘅枱面並唔係普通木枱咁簡單，如果無估錯佢應該係用大木門改成，非常特別！先講返食物部份，選擇唔算多，但出奇地唔止得蛋糕同輕食類，而係有焗長通粉同全日早餐等熱食🍝。

價錢偏貴，最平嗰款都要一百蚊，但起碼叫做包埋一杯$58飲品。

飲品方面，呢度有四大類別：茶、咖啡、梳打同酒。

喺呢個環境下再飲啖酒🍸，確係Chill到爆，不過我日頭就無咩太大癮，哈哈。

香脆芝士蕃茄辣肉腸焗長通粉($128)，🔥留意返焗長通粉需時約二十分鐘，所以趕時間就要考慮清楚嗌唔嗌好。

不過慢工出細貨確係冇講錯，估唔到呢個Pasta咁高質😋，佢比起連鎖薄餅店嘅出品好食勁多。

即叫即焗熱辣辣拎出嚟，自不然唔少得強勁嘅拉絲芝士效果🧀，而且芝士仲唔係得個樣，而係好重奶味同鹹香；至於面頭嘅麵包糠脆脆就大大提升口感。

長通粉方面，麵質煙韌有嚼勁，蕃茄醬酸度適中開胃🍅，兼且同辣肉腸好夾啊，但千奇唔好睇少後者，堅係辣的。

題外話，我想講我食到最後一啖都仲係熱㗎。

日本胡麻冷麵($148)，其實我本身想食漢堡扒，但奈何賣哂👉🏻👈🏻，唯有改食其他，但老實講選擇唔多，都幾難揀。

冷麵賣呢個價錢真係好貴呀，唔捨得嗌，不過好在出品有水準。

🍜冷麵賣相唔錯，堆到高高的。

麵底用上蕎麥麵，麵條軟身得嚟唔淋，而且我最欣賞佢條條分明，唔會漿埋一餅嘢，加埋佢夠哂「冷」，唔係室溫，食落覺得好爽。

麻醬分開上，可以自行決定落幾多，佢呢一款亦唔會太濃稠，啱啱好。

餸料方面有蟹柳、木魚、紫菜、青瓜同芝麻等，基本上每啖都食到，唔會唔夠餸。

青瓜梳打(單點價$68)，我最鍾意飲用青瓜調製嘅飲品，貪佢夠清新🥒。

但梳打味道中規中矩，佢係有用上青瓜，但感覺好Raw，太過無添加，逼唔到個香氣出嚟，可能因為唔夠甜、偏淡。

鮮奶抹茶(單點價$58)，嗌佢飲可算係「醉翁之意不在酒」，點解？因為我主要係想玩佢個Personalized Drinks😝。

不過我要強調Latte本身都好飲，抺茶味清香，整體亦唔會太甜🍵。

如果想享用一杯「獨一無二」嘅咖啡☕️✨，辦館會係一個唔錯嘅選擇。

餐廳可以喺飲品上面打印相片或者文字，都只係額外收你$18或者$10，俾少少錢就可以買到多多嘅快樂啊😊。

但由於版權關係，餐廳就未必可以印到卡通公仔圖案喇，詳情最好都係問返店員。

無聊事一則，我哋坐喺塊抉擇板Decision Board隔離，不斷同佢傾偈，問問題玩鬼腳👻，但超過一半問題都係無答案，因為跌落中間個位🔄。

別人笑我太瘋癲，我笑他人看不穿🤣🤣🤣。

總括嚟講，餐廳各方面都令人滿意！偷得浮生半日閑，嚟到上環辦館真係有令我放鬆嘅感覺👍。

食物簡單美味，店員有禮，主動為用餐後嘅我哋送上開水。

店舖內外環境舒適，室內裝修富有格調，明顯有花上心思，例如用上傳統鐵閘同霓虹燈牌作裝飾。

可能今日始終係平日，無太多人嚟打卡，係咁嘅情況下我哋先真正享樂到、慢活一下😌。

次次都係自己一個嚟，今次老公終於有時間陪我，加上門口咁多狗狗，熱鬧又開心。

因為呢度嘅outdoor空間充足毛孩可以走嚟走去而且掘頭巷無車駛入❌🚘狗狗有空間玩又較安全🐶廢氣又少啲～「辦館 Lof 10」以前確實係間辦館🏚但依加已經係間cafe啦～☕️雖然好多cafe都歡迎狗狗坐outdoor但上環裕林台呢間「辦館 Lof10」特別得我歡心💕雖然呢日我坐indoor，但見啲毛孩走出走入咁玩都令人好開心❤️🐕🐕店員姨姨好nice，同埋推介嘅4樣野都唔錯～餐牌清晰易明。

兩個人揀咗兩樣野當brunch。

𝕀𝕓𝕖𝕣𝕚𝕔𝕠 ℍ𝕒𝕞 & ℂ𝕙𝕖𝕖𝕤𝕖 𝕊𝕒𝕟𝕕𝕨𝕚𝕔𝕙 $148多士厚身好脆，芝士半溶好香口，西班牙黑毛豬火腿夠咸香，兩者加埋惹味～𝔸𝕝𝕝 𝔻𝕒𝕪 𝔹𝕣𝕖𝕒𝕜𝕗𝕒𝕤𝕥 $148 有煙肉、德國香腸、溫泉蛋、厚多士、茄汁豆、牛油粟米同沙律～完來腸係辣，特別開胃～𝕄𝕠𝕔𝕙𝕒 $68有「辦館」兩字～岩晒打卡～ℂ𝕣𝕖𝕒𝕞 𝔹𝕣𝕦𝕝𝕖𝕖 𝕄𝕠𝕔𝕔𝕙𝕚𝕒𝕥𝕠 $68呢杯唔錯～杯面有厚厚嘅ℂ𝕣𝕖𝕒𝕞 𝔹𝕣𝕦𝕝𝕖𝕖 咖啡泡沫～入口綿密味甜～下次要試下杯「自訂咖啡」先❤️想印我隻寶貝上去🐶

小妹之前已經bookmark左E間辦館好耐, 今日終於有時間約埋朋友仔一齊去試下😊! 一去到就已經比佢嘅舊式鐵閘吸引左, 入面有勁多打卡影相位, 手殘都可以影到靚相🤳🏻! 餐廳環境幾大, 感覺好chill好舒服, E到提供多款輕食🥪, 咖啡☕, 特色飲品🍹同酒🥃! 小妹同朋友最後點左杯酒, 咖啡同兩款輕食之後就坐底傾下計, 享受一下慢活嘅時間!🌟Jim beam Bourbon🥃E款波本威士忌帶有濃郁嘅橡木香味, 酒體飽滿, 口感滑順, 容易入口, 無嗆喉嘅感覺!🌟法式燉蛋泡沫咖啡☕(凍)👍🏻咖啡泡沫上面加上焦糖再微微燒燻, 味道香甜, 質感綿密滑溜, 咖啡奶味重甜度比較高, 但咖啡味依然突出, 推介!🌟西班牙黑毛豬火腿芝士三文治🧀🐖🥪香草麵包咬落非常脆, 黑毛豬火腿咸咸香香, 芝士份量剛好, 兩者味道平衡, 芝士唔會搶左火腿嘅味道! 🌟日本和牛漢堡扒🥩沙律🥗👍🏻旁邊嘅沙律菜新鮮爽脆, 加埋醋汁幾開胃, 和牛漢堡扒口感軟腍牛味重, 肉汁豐富, 味道唔錯!

#上環 🚶‍♀️趁天氣好又唔太熱, 同朋友行山再閒遊香港醫學博物館! 💃遊遊下好肚餓🤤, 見到有間好型的咖啡店, 一看之下原來係辦館, 質素保証的即衝入去! 💁‍♀️同行朋友是食素的, 好彩, 都有好幾個選擇, 照顧周到! 🥪朋友選定黑松露芝士三文治 $128 ~ 煮的時候已經聞到超級香🤤🤤, 仲吸引到2隻狗狗🐕🐶入咗餐廳…當件三文治上枱, 吸引到 Patrick (一隻小狗🐶) 喺我哋枱底唔肯走…🤣😂🤣😂最後要主人扯佢走….可想而知個三文枱究竟有幾吸引! 外層香脆, 🧀芝士及松露滿滿的,, 仲有濃濃的香草味! 讚! 🥩沙爹安格斯牛肉撈丁 $128 ~ 一望…🤔咁淺色嘅, 癲覆咗我對沙爹牛肉撈丁的慨念, 😯原來係沙爹牛肉配撈丁! 👍丁煮得剛剛好, 無額外的汁, 全靠溫泉蛋的蛋漿🥚, 估唔到出奇的好味道! 🥩牛肉軟嫩有少許咬口, 讚! 🥃日式冰滴咖啡 $68 ~ 竟然有得飲, 坊間很少見的, 咖啡味香醇, 好有驚喜! 🍇巨峰提子梳打 $58 ~ 濃濃的巨峰提子味, 唔太甜, 好解渴…又靚! 🐕🐶愛狗之人必到之餐廳! 

辦館 (裕林台)餐單提供多國菜, 甜品, 糖水, All, Day, Breakfast, 咖啡店等推介美食位於上環區，餐廳座位數30人均消費約$101-200，結賬可以用Visa,Master,AlipayHK,支付寶,現金,銀聯,OpenRice,Pay，Booking訂位可以電話致電 25402210 查詢。

您對於上環餐廳「辦館 (裕林台)」有何 comment？

辦館 (裕林台)餐廳詳細資料：

• 辦館 (裕林台)地址:
  上環裕林台1號地下B號舖
  LOF10 (U Lam Terrace), Flat B,1 U Lam Terrace, Sheung Wan
• 辦館 (裕林台)電話: 25402210
• 辦館 (裕林台)價錢: $101-200
• 分類: 多國菜, 甜品, 糖水, All, Day, Breakfast, 咖啡店
• 座位: 30
• 付款: Visa,Master,AlipayHK,支付寶,現金,銀聯,OpenRice,Pay
• FB專頁: 辦館 (裕林台) Facebook

更多辦館 (裕林台)相關資料:

• 辦館 (裕林台)分店
• Youtube
• Facebook
• Twitter
• Google