御麵 上環

御麵 評價 相片

今日係御面既 last day, 真係好唔捨得!!1:00 放工, 落到黎條龍又係排到樓梯果度, 或者因為好多附近既人都知今日係佢既 last day 掛?! 我同男朋友要等到接近兩點先入到去, 走果陣兩點幾, 出面條龍都冇短到, 勁!! 上環黎講, 呢間係一間好好味既韓國餐廳, 老闆態度欣勤, 味道又好, o價錢又 ok !今日 order 左石頭牛肉拉面, 男朋友本來想叫個人參雞湯米線, 但係或者因為係 last day, 所以賣晒, 於是叫左個雞飽翅湯拉面。

一如以往既水準, 好味!!! 加埋杯檸雜, 好滿足!!臨走時老闆同我講: "再見啦", 老闆我都好唔捨得你!! 仲記得第一次知道呢個舖頭係因為果日落大雨走入黎呢個商場避雨, 就係老闆親切既笑容令我第一次去幫趁, 果日仲係冇乜人幫趁既, 到今日 last day 大排長龍, 果然名不虛傳!!老闆, 希望你快 d 0係第二度再開店!!

上星期舊同事既女朋友推介, 夜晚想黎, 冇開; 再上黎openrice睇睇, 發覺有料到, 知道中午要排長龍, 唔敢中午黎. 今日適逢老細係到, 又搞到我地要放Tea. 當然過黎炒炒飯.店子不大, 中午來的話都幾辛苦. 每人一個窩, 豬軟骨窩及牛肉窩. 熱辣辣, "炸炸"聲, 色香味俱全. 又有飯焦咬下, 難怪中午人出人海了.問一問老闆娘, 原來收六點, 唔想排隊真係要放Tea先好黎.自從同妳食完韓菜.....哈哈! 今餐第四餐!!!

我好鍾意食喱度嘅石窩飯，有雞肉、鰻魚、魚柳，真係好好味！除咗飯之外，仲有拉麵/ 烏冬/ 水晶粉，每窩都係$50，好大窩，即叫即整，熱辣辣，加埋啲韓式辣醬，好正！

雖然只係黎過兩次, 但係都已經知道呢道一到lunch係會迫爆, 已經靜雞雞咁早左十分鐘放自己lunch諗住黎攞位先. 點知黎到既時侯已經排到走廊尾, 嘩, 搭正放咪唔駛食?!雖然早左, 入座時間都要到一點四十分. 不過呢d真係唔可以怪間餐廳, 要怪就怪明知外面排隊既人都係趕住番工, 但係依然不停講野但係停晒手唔食飯既人. 食一啖飯要講番一分鐘野. 成圍枱就係等番一個人未食完佢都唔醒水係咁講野. 由於呢個舉動實在太討厭, 而我哋又唔想做d咁討人厭既野, 所以我哋一坐底就係咁係到食, 完全無講野咁濟.4個女仔叫咗3個lunch set:1. 招牌石頭飯2. 鰻魚石頭飯3. 豬軟骨石頭飯我哋成餐飯都無乜講野, 不過出現得最多既說話係: 好味同好滿足! d餸好好味! d飯又好好味! 份量我覺得都幾大吓, 我哋4個人都食到飽飽咁走. 不過workday黎呢到食真係要早, 因為真係好多人!

見到好多食評話好味, 所以終於有機會黎試下。

我今天係2點半去食的....第一次幫趁, 舖頭細細。

叫了招牌石頭飯和煎餃子烏冬, 等得比較耐。

石頭飯ok好食, 不過無想像中咁好味到叮一聲的感覺...餃子全隻煎至金黃, 好脆~不過d 烏冬痳痳, 湯底好濃pepper 味...服務: 今天叫煎餃子鳥冬, 很耐也不見烏冬黎,另我叫了野飲, 又未到... 所以我叫她催單, 原來侍應聽錯了單....不知是否侍應不識聽中文呢, 講了很耐都無反應,於是她找另一個人來同我們說....解釋一輪才知咩事. 原來之前個位以為我們只叫餃子, 不是跟餐, 所以無野飲。

Anyway, 最後搞清楚都好

御麵餐單提供韓國菜等推介美食位於上環區，餐廳座位數未知人均消費約$51-100，結賬可以用現金。

您對於上環餐廳「御麵」有何 comment？

御麵餐廳詳細資料：

• 御麵地址:
  上環文咸東街50號寶恆商業中心G6,7號舖
  御麵,  
• 御麵電話:  
• 御麵價錢: $51-100
• 分類: 韓國菜
• 座位: 未知
• 付款: 現金
• FB專頁: 御麵 Facebook

更多御麵相關資料:

• 御麵分店
• Youtube
• Facebook
• Twitter
• Google