華園茶餐廳 黃大仙

華園茶餐廳 評價 相片

疫情關係，又係外賣自取。

就老公方便揀左華園茶餐廳，平時帶住阿女好少帶佢黎依間充滿男人味既食堂，如果遇上賽馬日， 這間一定爆滿。

葡汁魚柳焗意粉$44 送例湯，熱飲外賣連 錫紙兜上， 感覺較衛生。

份量多舖滿個盒， 兩大塊魚，個蛋餅焗， 仲有少少脆口。

平時堂食實食唔曬 打包又嫌太少， 今日食唔曬留嚟做下午茶再食。

熱檸水都有四片檸檬， 唔落糖都飲到。

海鮮撈公仔麵 $44,送例湯，凍飲加$2蚊滿滿的， 賣相還好， 味道偏淡 ，還好有辣醬， 總算色香味俱全。

前幾日同男朋友係黃大仙食嘢，行左上去鳳凰村個邊的華園茶餐廳食飯，佢入面位置間隔不算闊落，眼見好似有上層，但唔肯定係咪客人位置，而我坐的下層，初初入座時都未算太多人，但坐坐下就越來越多，好多人都要搭枱，同埋可能個到大多都係街坊，啲人都好肯去調位。

入座後，佢好快就拎左啲茶水同餐具來，仲有兩碗例湯嚟，其實某程度上製造左啲壓力出來，因為未決定好食咩，佢都好似已經預你食咩咁，當然或者係一番好意，但比了我地呢啲非熟客壓力。

之後我呢啲叫食物慢的人，男友叫左可能五分鐘到，我都未諗到，職員便來收回一碗湯，到我叫返之後，又要放返一碗，好似重覆了動作，當然，我有聽到啲職員會問啲熟客飲唔飲多碗湯，我明佢唔介意，但唔明既然比左又為何要收回呢？原理同好似啲人收餐具一樣嗎？不過佢的例湯還可以，但都算是碗碗有湯料。

佢個到的主打係煲仔飯，我都見到好多人去食煲仔飯，不過我地就叫左晚餐，男友本身係想食免治牛飯，但入面menu見唔到，所以叫左芙蓉蛋飯，原來佢係c餐賣晒轉左，但就只有改左出面，我地都係食到一半先聽到，而我就叫左焗墨西哥豬軟骨飯。

先講芙蓉蛋飯，都係正常多料的，有火腿、叉燒、韮皇等材料，味道都算ok的。

而我個個焗墨西哥豬軟骨飯，個汁都ok，芝士都算多，個飯底係炒飯底嚟，所以都ok，不過係我誤會左，我以為係豬頸肉，但係個豬軟骨都ok的，都入味，都好夠淋。

以下評分以5⭐️為滿分推介⭐️⭐️

剛剛係附近做完gym, 餓餓地係呢頭搵食。

呢頭真係冇咩餐廳啊，所以求求其其係呢間醫肚啦～餐廳真係好多選擇，茶記來講叫做應有盡有啦。

因為做完運動既關係，深明食得太多之後減肥既痛苦，諗住簡簡單單小小地食個全日早餐好了。

個餐有沙爹醬通粉，配火腿奄列，多士，其實份量多左d, 所以野飲叫左杯熱0水消除本人既罪惡感🤣🤣味道就一般啦，普通茶記唔好太高要求。

朋友叫左個炒米，炒得濕左d, 唔算太油，穫氣未太夠，但相反就冇咁熱氣囉😅 味道都係ok啦～都係果句，普通茶記唔好要求咁多。

香港真係好多好野食 雖然早餐黎黎去去都係A,B,C餐咁... 不過就唔係間間都有全日早餐，即係無論午餐定早餐都食到早餐價錢既早餐一坐低，叫個沙嗲牛麵加餐肉煎蛋多士 價錢十分抵食食物好老實間間早餐都差不多啦 但勝在全日早餐

諗住呢買個 盅頭飯 點知道暫停， 請各位老友留意 可能佢而家改咗煲仔飯 所以冬天以煲仔飯為主， 其他一切都照常黃大仙咁我都唔驚我死實有嘢食 不過呢間中頭飯比較平靚正 所以通常外賣都搵佢 唔緊要今天食煲仔飯都唔錯， 天氣凍冰冰

華園茶餐廳餐單提供港式, 茶餐廳, 冰室等推介美食位於黃大仙區，餐廳座位數200人均消費約$50以下，結賬可以用現金。

您對於黃大仙餐廳「華園茶餐廳」有何 comment？

華園茶餐廳餐廳詳細資料：

• 華園茶餐廳地址:
  黃大仙鳳凰新邨環鳳街1號地下
  Wah Yuen Restaurant, G/ F,1 Wan Fung St, Fung Wong Sun Chuen, Wong Tai Sin
• 華園茶餐廳電話:  
• 華園茶餐廳價錢: $50以下
• 分類: 港式, 茶餐廳, 冰室
• 座位: 200
• 付款: 現金
• FB專頁: 華園茶餐廳 Facebook

更多華園茶餐廳相關資料:

• 華園茶餐廳分店
• Youtube
• Facebook
• Twitter
• Google