翠苑金閣 黃大仙

翠苑金閣 評價 相片

今次真係食野食到燥今日咁岩上左個fd屋企到,夜晚有人話不如一齊食飯,咁就落左下面果間[[]],一落到去,我已經o哂,點解可以得果一兩個客,又唔係星期六日,點解都可以咁少人??咁我都冇咩野,咁照入去食啦,先唔講D野食如何,D員工既態度真係到冇人有!!!叫佢加水,第一次佢扮聽唔到,第二次又係!!!當時已經燥燥地,到第三次叫佢先行過黎!!!過到黎,叫佢加水,佢仲要問:熱水牙!? 我心諗,唔係熬既唔通屎水牙大佬!?D態度真係差到呢!!!!!咁我都可以唔理,叫左野食之後,等左成半個鍾先有野食,仲要係不停叫佢跟單都係咁,痴線!!!!!!!!!!!D野食,難食到!!!魚未夠熟都夠膽拎出黎,D菜又咸,D豆腐仲要係酸既,個生炒骨,D炸粉可以炸到一粒粒,俾個叻佢!仲有個炸子雞,黑個包公牙陰公!!!最後真係隕唔順,拿拿林食完就走!下次死都唔會黎食!

今天阿媽叫到一行4人去翠苑金閣, 點知我地食到想死.1. 豆腐豆腐全是酸的. 同老闆說,佢扮聽唔到走左去.2. 紅燒肉排肉排上台已是不熱的, 在場只得3台人, 連放入microwave都懶.放向食物下的炸米通又濕又黑,真係唔知生咩事.3. 炒菜最無問題既一碟.4. 鱔魚我地叫鱔魚佢竟然比魚云我地, 我地照要唔緊要, 連sorry or thank you都無說.成餐飯有好多蚊仔飛進食身, 唔知為何個地方會甘dirty. 連個茶壺內都可以有一隻好大既蚊...... 唔知為何地方, 食物會變得如此差. 老闆仲要愛理不理既態度怪不知連waitress都係甘.

上星期因為我老闆約咗Ｄ老細開飯局，可能佢地識得個間酒樓個老細，老遠上到個山頭野嶺食飯，心想都唔知有咩車返屋企．．．氣原來間酒樓開咗半年，入到去係個商場中間，Ｄ環境都幾企理，但食飯Ｄ人唔多，心想唔知Ｄ餸菜點．．．由於係老闆飯局掛，我哋坐入VIP房，有專人服待。

上菜啦！有芝士龍蝦米餅、石榴球、回窩肉手卷、鵝肝粒脆筒、黃金鳳尾蝦、八寶鴨同沙窩雲吞雞，初初食都ＯＫ，Ｄ味道都唔錯，賣相幾靚，幾有特色，但食到尾覺得好「流」，可能老細飯局掛．．．我自已鍾意佢個石榴球，清清地，入面有帶子同珊瑚蚌，幾好口感。

走個陣時，我問返個部長哥哥，平時個石榴球有無得食，原來要預訂，每日得幾份，而且都幾平，下次我可以同Ｄ friend呢食，不過有ｄ遠．．

因住在附近又收到宣傳單張, 所以便同阿媽去試一試. 我地叫了生炒波羅肉, 紅燒豆腐及三杯鷄. 先說生炒波羅肉 ($48), 肉很crispy, 分量很足, 汁很好沒有好多茨汁, 剛剛好, 好食.紅燒豆腐($48), 一上台 我同阿媽都說, 嘩好靚, 菜心放底,加上好多冬姑, 菌類好正. 最近要唔油及唔多味精. 我見其他台d人都叫, 我估係一味必叫的菜.包魚三杯鷄($58), 雖然沒有酒味, 不過都真係好多料, 有好多鷄件, 我估都有一隻包魚(切左粒粒上, 不過都好大粒, 散叫一隻包魚都要$28, 估佢唔到佢比甘多料), 有好多蔥呀, 金不換及青椒.最後仲上埋糖水(free)紅"早"龍眼雪耳糖上, 嘩真係好估佢唔到係free既糖水都用甘多料,真係好好味.總括三味菜都好好, 唔油好味小味精,睇得出係有用心去做菜. 我阿媽已約定做節會再去 翠苑金閣, 希望水準能keep 住.順帶一提, d waiter & waiteress 好好, 不時加水及比我地cancel 單都無說話比我地聽.

翠苑金閣餐單提供粵菜, 廣東, 火鍋, 海鮮, 點心, 酒樓等推介美食位於黃大仙區，餐廳座位數150人均消費約$51-100，結賬可以用Visa,Master,現金。

您對於黃大仙餐廳「翠苑金閣」有何 comment？

翠苑金閣餐廳詳細資料：

• 翠苑金閣地址:
  黃大仙翠竹花園商場318號
  Golden Jade Garden, Shop318, Tsui Chuk Garden Commercial Complex, Wong Tai Sin, Kowloon, Wong Tai Sin
• 翠苑金閣電話:  
• 翠苑金閣價錢: $51-100
• 分類: 粵菜, 廣東, 火鍋, 海鮮, 點心, 酒樓
• 座位: 150
• 付款: Visa,Master,現金
• FB專頁: 翠苑金閣 Facebook

更多翠苑金閣相關資料:

• 翠苑金閣分店
• Youtube
• Facebook
• Twitter
• Google