新梅園餐廳 黃大仙

新梅園餐廳 評價 相片

跟老公在鳳德食飯都經常食明記粉麵，今晚想轉下口味，試下呢間茶餐廳，但應該唔會有下次... 見到有海南雞飯套餐，餐牌寫包括海南雞一碟，油菜、油飯，飲品，都係五十幾蚊，試下呢個，再叫咗一個蒸鯇魚飯... 我指定要魚腩，這個都尚算ok, 不過不失！魚都滑，但個飯有點硬，所以食得不多但海南雞就完全唔係嗰樣嘢... 除咗海南雞同普通冇味的白切雞一樣，那碟油菜及油飯，居然沒有通知之下變咗菜炒飯以為仲會有碟油菜，其實已經合併了，問個職員只係話師傅覺得油飯太油，變咗呢個菜式！我地都唔太爭拗，見個炒飯係新鮮炒出來便算了！但唔通知個客人真係唔要得，我認諗住叫海南雞套餐就是因爲你個油飯及有碟菜食下，點知...再望望餐牌的其他菜式，也出人意表... 有「五香肉丁蒸蛋」及咖哩鮮雞飯，張相係咖哩底而個面就放上幾件白切雞的物體！哈哈.... 真係有創意不過我一定唔會再試！

二奌半的午歺，奌了午歺干炒牛河，有飲品及歺湯，厨房即叫即炒，等的时候己听到火力大咆獲声，上枱时觉得分量不多，可能採用了較幼身河粉影乡了賣相的关系，但食落好飽，牛肉量普通，值得一讚是獲氣一流，洋葱好香口，但河粉不夠乾身，相信此店小炒会不錯！

到在黃大仙探朋友，不知不覺到了晚上，同朋友到附近地方別晚飯，朋友小出街吃飯，是旦走入一間飯店吃飯。

見到個套餐三餸一湯，才百幾蚊，諗住是旦啦。

海南雞：真係雞冇雞味，D肉又鞋又梅。

差冲爆牛肉：咸左D，牛肉那到冇肉味。

得番D冲好味D雲腿浸時蔬：雲腿變火腿？？？？？上湯同水冇分別，相信除左菜是烚過之外，菇同火腿都係放上去，你話有幾好食。

最後同兩個壯兵都食吾到一半，原因你明啦。

在屋企附近食下午茶，這店我由梅園餐廳食到現在變了新梅園餐廳。

叫下午茶星洲炒米，凍檸茶少甜。

叫了不用五分鐘上桌。

快係快，但味道…真係好難食。

米粉炒到好爛好碎，又濕，一D都唔乾身，全碟米粉痴埋一齊甘，而且一D味道都無，米粉無味，肉絲又無味，仲有一陣好似鬆肉粉的味道，我係要再下豉油食的，抹嘴時成張紙巾都係黃色，證明下了好多咖喱粉或黃薑粉。

凍檸茶叫了少甜，但沒有少到，仍然好甜。

唉，如此質素，我巳經要求不高都接受唔到，真係要比個劣佢。

怪不得附近來多客成日要等位，但此店坐位不多，都成日坐不满吧。

食客是很聰明的吧，佢地唔好食就真係唔會再去呀。

2011年1月20日 黃大仙 ( 新梅園餐廳 1) 這兩天於黃大仙辦事，首天早餐來了這間新梅園餐廳。

要了一份早餐，沙嗲牛肉、芝士腸公仔麵，沙嗲味道OK，牛肉偏鹹了，芝士腸麻麻地，麵就偏腍了。

飲品是凍奶茶，味道OK的。

這裡招牌很新，內部就沒有那樣光鮮了，但價錢亦很相宜。

新梅園餐廳餐單提供港式, 粉麵, 米線, 咖喱, 茶餐廳, 冰室等推介美食位於黃大仙區，餐廳座位數50人均消費約$50以下，結賬可以用現金。

您對於黃大仙餐廳「新梅園餐廳」有何 comment？

新梅園餐廳餐廳詳細資料：

• 新梅園餐廳地址:
  黃大仙鳳凰村環鳳街20號地下
  New Mui YUen Restaurant, G/ F20, Wan Fung Street, Fung Wong Village, Wong Tai Sin
• 新梅園餐廳電話:  
• 新梅園餐廳價錢: $50以下
• 分類: 港式, 粉麵, 米線, 咖喱, 茶餐廳, 冰室
• 座位: 50
• 付款: 現金
• FB專頁: 新梅園餐廳 Facebook

更多新梅園餐廳相關資料:

• 新梅園餐廳分店
• Youtube
• Facebook
• Twitter
• Google