寶興飯店 黃大仙

寶興飯店 評價 相片

今次第二次黎，想食返上次好好味的蠔仔粥（$78），再叫個春菜腩肉（$48），同鹵水鵝片（$98）。

最快黎係蠔仔粥，即刻食碗，味道似乎同以往差幾遠⋯蠔仔唔太新鮮，無味無鮮味⋯⋯⋯米，水，蠔三樣野好似車仔面咁合埋做一窩粥，好失望⋯方魚魷魚乾亦未出味，成窩粥一d都唔香：（春菜爽口，腩肉三舊就咁搭落去，見到都唔多開胃⋯鵝片大約10片左右，勁老勁鞋，唔抵食又唔好食，最失望⋯好彩墊底豆腐同花生加返少少分。

坦白講，因為食過好味先返去食，但水準咁樣係完全唔合格。

可能唔係熟客，份量同質素無咁有保證。

今晚呢餐，有期待所以更加失望。

經常活躍於九龍城及黃大仙，講起潮州打冷，九龍城"創發"可謂極有名氣，不過倒是要十數人一圍枱才能盡興嚐盡多款潮州風味，如果是兩至三人，到黃大仙鳳凰新邨"寶興"這家小店是不錯的選擇。

幾年來價錢上漲加上份量少了，抵食度略為低了，不過這店的食物質素及服務態度仍能保持水準。

我跟友人最常點的包括：例牌鹵水鵝片 有鹵水豆腐托底，並非全碟鵝片，但肉質及刀法也很平均。

鹵水三拼  都有鹵水豆腐托底，通常我會點豬耳、紅腸及墨魚，算是可以一次過食盡三款最地道的潮州打冷風味。

煎蠔餅 十分香脆，令人滿意，吃過很多煎蠔餅不但蠔少，而且是一大塊死實粉漿炸脆了事，這店的香脆得來沒有粉漿味，反而有濃濃的蠔味，放多一會再吃也不會"又淋又膩"。

蠔仔肉碎粥 (分大碗 / 細碗) 加了幾次價，份量少了，現已不太分得出大細，湯多米飯少，不過蠔仔倒是很肥美而且事前洗得很乾淨，咬口完全無沙，少量土魷碎及芫茜都是令蠔仔肉碎粥味道更富層次的配料。

燒乳鴿 大小跟酒家吃到的差不多，肉質嫩，即叫即炸。

韮菜豬紅 出奇地每次份量多，上枱仍熱呼呼，豬紅少辣但入味。

蒜蓉炒白菜 不過不失，具大排檔鑊氣。

光顧數十次，總體食物質素尚算保持水準，至於服務態度，店員醒目爽快沒多餘的招呼亦沒有黑面，但回應快而且合作，街坊小店來說是不錯。

阿媽成日唔煮飯,都係在附近搵野食,呢間係其中一間成日去,佢上少少有一間更正宗的潮州菜,不過細佬就係中意叫埋其他野食,所以睇下仲有邊位飯腳囉,今晚晏左少少,8點先落去,要等位呀,佢都有d位比人坐o係出面等,入去,叫野食,今晚阿ba發板,叫左烏頭,九紅,酸菜魚雙拼,鵝片一睇就知阿ba食潮州野細佬就要椒鹽鮮魷,阿ma叫左牛柳粒果我叫左蠔粥烏頭都好食,不過佢呢度d大眼雞仲正九紅,好大碗,酸菜魚,而家係用魚塊,無咁出味,雙拼,必點啦,加埋佢地d辣油,好味鵝片,好嫩肉呀,魯水豆腐只係配菜都好好味.椒鹽鮮魷係用蠔餅個d蛋漿,咸左少少,但都唔會"un"牛柳粒好味呀,我想要雜菌,阿ma話想食腰果...下次再試先,蠔粥d蠔好肥,好juicy,>u<再來一碗吧~

因為今日係星期日的關係, 雖則門口已經開左十幾張檯, 但係都要等.左十幾分鐘人多的關係, 8點幾九點已經冇哂想食的乳鴿一行四人, 入座就叫左: 蠔餅 超大個, 抵食, 如果唔係4 個人一定食唔哂! 咸菜魚 唔腥, 好食 椒鹽鮮魷 香口, 唔「奀」,卥水拼盤 普普通通冇乜驚喜菜遠排骨炒面 炒面夠脆, 排骨夠林, 汁的份量岩岩好之前食個炒飯, 覺得炒飯係唔好食, 整體黎講, 好食, 抵食, 值得回頭

萬聖節, 等老公打完機, 兩個行去屋企附近搵嘢食...見呢間門口都幾多人, 門口開咗好幾張枱, 就試吓!唔駛等位, 入面剛有兩張枱走咗!滷水鵝片 唔會乾淨淨! 但唔係太入味! 肉碎蠔仔粥 好鮮甜, 食食吓發現啲橙色魷魚干, 好惹味! 啲蠔仔唔係好細粒, 肥嘟嘟, 好juicy! 好好味!生腸拼墨魚 墨魚唔乾, 夠淋! 生腸亦好咬口! 好味!會再幫襯, 啲亞姐都好禮貌!

寶興飯店餐單提供潮州菜, 中菜館等推介美食位於黃大仙區，餐廳座位數50人均消費約$50以下，結賬可以用現金。

您對於黃大仙餐廳「寶興飯店」有何 comment？

寶興飯店餐廳詳細資料：

• 寶興飯店地址:
  黃大仙鳳凰新邨銀鳳街8號
  寶興飯店, 8 Fung Wong Chuen Building, Ngan Fung Street, Wong Tai Sin
• 寶興飯店電話:  
• 寶興飯店價錢: $50以下
• 分類: 潮州菜, 中菜館
• 座位: 50
• 付款: 現金
• FB專頁: 寶興飯店 Facebook

更多寶興飯店相關資料:

• 寶興飯店分店
• Youtube
• Facebook
• Twitter
• Google