Time Cafe 鰂魚涌

Time Cafe 評價 相片

今日牛一,林小B、來喜同高峰跟我到此慶祝, 我們點了四個餐:羊扒跟薯菜 要了七成熟, 味道不錯。

薯菜是混了粟米粒的薯溶, 所以味道不錯。

鷄扒跟飯 鷄扒好鬼正, 皮脆, 咬下去時沒有油膩感覺。

大蝦帶子天使麵 大蝦雖然只得一隻, 但SIZE中等, 不會過細, 有淡淡蝦肉味, 不像一般雪藏貨沒味之餘還覺得肉霉。

帶子兩大隻又不過靭, 兩者海鮮也經爐燒, 所以能食到原味。

天使麵做得不錯, 不會過淋成一餅(因為我曾在西貢食過一餅天使麵), 帶點咬勁, 不錯不錯。

牛柳拼大蝦跟薯菜 牛柳要了五成熟, 上枱時變了六成熟, 幸好不是太靭, 大蝦跟剛上描述一樣。

餐前紅酒 其實一早預了不會太好喝, 但這樣的紅酒出奇地不錯, 因為在其他地方喝過的都是劣貨, 我相信這枝是屬中價貨(可能是酒稅平了, 所以買了些好貨)沙律菜 菜真的很新鮮爽脆, 加上沙律汁是很好的開胃菜。

(甜品) 橙味芝士杯 雖然有少許入雪, 但味道真的不錯, 因為食到有橙肉, 原本打算吃半杯便算, 但真的很好吃,最後大家也清了杯。

之後侍應姐姐說是由鮮橙拆肉起衣再啄成小橙粒再混入芝士內, 其實做是簡單, 但工序還幾煩。

(餐茶)熱檸水四杯 因大家實在太飽了, 所以要了檸水來消消肚脹。

這餐飯由來喜請客, 只知大約四百多元! THX!

呢日去到鯉景灣食聖誕大餐。

嘩，乜度度都冇人架？又話個市好？梗係啦，呢度ｄ野咁貴，唯獨呢間平咋，咁咪食囉。

我地叫左個羊腿、牛扒大蝦同三文魚帶子，三個主菜都好味，薯菜係薯蓉，好味。

個日有酒送，點知ｄ紅酒鬼咁酸，一定唔係好野，但你想點喎，百零蚊俾貴價酒你咩？最好味就係個芝士蛋糕，正呀！

今晚是小妹第一次到蘇豪東吃飯, 選了好久終於決定入time cafe, 因為set dinner 的價錢較為平。

set dinner 價錢由$6898不等, 包括有wine/juice一杯, 蟹子沙律, 餐湯, garlic bread, main course, coffee/tea 和dessert。

今晚係忌廉湯, 完全係冇經過處理0既罐頭粟米忌廉湯, 杰"撻撻", 唔好飲。

salad 同wine ok。

我點了一個羊扒拼燒帶子做main course, 我男友則點個牛扒拼大蝦。

羊扒我覺得還可以,但我男友則嫌有點"蘇"。

燒帶子是全晚最好吃的, 可惜只有兩大粒。

至於牛扒, 表面上是厚身窄切, 但很"un", 也沒有牛味....麻麻地, 大蝦只得一隻, 唔係真係好大亦冇乜蝦味。

dessert點了cheese cake 和jelly 各一。

對cheese cake 很失望, 是普通的雪芳蛋糕內夾了2層類似mose的cake, 完全有cheese 味........總括來說我覺得呢餐真係唔值呢個價, 計埋加一2個人食左$210。

坐又坐得唔舒服, d chair一係就好高, 一係就好矮。

仲要個好細0既餐廳內(大概得78張table) 有部好大0既plasma tv, 聲浪很大,搞到冇乜氣氛.....一句到尾就係我覺得大快樂好味d囉~

一個SET DINNER好多食, 我叫蒜溶雞扒餐配天使麵, 我朋友就叫牛柳大蝦餐配天使麵. 首先有餐前飲品, 有紅酒, 白酒, 蘋果汁及橙汁選擇, 我揀橙汁, 我朋友揀蘋果汁. 跟住就係南瓜忌廉湯, 連我一向都不喜歡飲忌廉都覺得好飲. 跟住有蟹子沙律, 好好味, 唔細碗. 跟住就係蒜溶雞扒餐配天使麵, 件雞扒好大件, 都幾好食. 我朋友個牛柳大蝦餐都唔錯, 有兩隻大蝦, 件牛柳就”蘇”D, 如果鍾意”蘇”味就無問題. 跟住有餐飲及甜品, 甜品可選擇喱及Cheese Cake, 我地揀喱, 係Lemon味. 我個蒜溶雞扒餐只係HK$68.00, 而個牛柳大蝦餐係HK$98.00. 比起轉彎其他餐廳經濟得多. 個環境都O.K., 不過個舖位就細D.

Hello 又係我呀~ ^___^近呢半年小女子都幫襯這間餐廳5 次有多了. 原因當然係好味道想同朋友一齊分享啦~ 尋晚小女子又帶了兩位朋友黎, 其中一位是生日的, 她們吃過都叫好味道~ 蒜蓉包好脆好香好味道^.^ 連個沙律都同出面唔同, 因為外面多數用生果同埋好多生菜, 呢度就用蟹柳絲同埋青瓜絲加蕃茄仔&沙律醬, 細細的好易入口~ ^__^ 同埋d 服務員態度真的好好, 可能佢地細細間人流唔會太多, 所以都認得我這個客仔~佢地知道我朋友生日仲幫我係Cheese Cake 上點了爉 燭& 在碟旁寫了恭賀說話~ 真係氹 得我個朋友好開心!! 當晚我個A 朋友點了個魚晚餐, 都話味道不錯, B 朋友就點了帶子大蝦(白汁)晚餐, 同樣都食得津津樂道~~ 我就當然都係帶子大蝦轉茄汁, 一樣好味道保持水準, 好厲害呢~ hehehe~最後上的Green Tea Cheese cake，我黎咁耐第一次夾中佢地整咋~ 味道好好呢~ 平時d 綠茶雪糕會苦的... 因為綠茶味太重, 尋日個綠茶Cheese cake 就無苦味~ 少少綠茶香再加上Cheese Cake, 我比佢10分呢~ 哈哈~~ 在此留言希望更多人知道這間美味又抵食的"Time Cafe"~ 我一定會keep 住幫襯的!!祝大家都同樣有口福啦~ ^.<~

Time Cafe餐單提供西式等推介美食位於鰂魚涌區，餐廳座位數未知人均消費約$101-200，結賬可以用現金。

您對於鰂魚涌餐廳「Time Cafe」有何 comment？

Time Cafe餐廳詳細資料：

• Time Cafe地址:
  鰂魚涌鯉景灣太康街45號地下
  Time Cafe, G B17 G/ F45 Tai Hong Str. Lei King Wan, Quarry Bay
• Time Cafe電話:  
• Time Cafe價錢: $101-200
• 分類: 西式
• 座位: 未知
• 付款: 現金
• FB專頁: Time Cafe Facebook

更多Time Cafe相關資料:

• Time Cafe分店
• Youtube
• Facebook
• Twitter
• Google