Healthy Chicken 鰂魚涌

Healthy Chicken 評價 相片

又到左星期六既時間啦，係時候又要操FIT自己同減肥啦，咁樣先會可以有更多空間吸納黎緊冬天季節限定既眾多敵人 : 煲仔飯呀、打邊爐呀、燒野食呀、放題呀等等! 為左佢地，賴生同屈小姐又再次出發去跑步減肥，由港島西跑到港島東，4條小腿長征去!!今次既屈小姐好叻，跑到北角既Healthy Chicken，都冇乜索氣同停過，消滅賤B減肥既事一定指日可待！本來山長水遠跑黎，除左係食健康D低卡D之外，為既係呢間HC可以用黎係石器時代做武器既大雞脾，可惜，賴生可能太夜到訪，今次既雞脾賣晒！只好試另一樣賴生想試好耐但又因為每次都有雞脾而放棄既食物 雞胸！賴生之選： 1）雞胸糙米飯沙律餐：3.5⭐️老老豆豆地講，呢份沙律算係不過不失，點解呢？雞胸：鞋就一定鞋過雞脾好多嫁啦！但未至於放唔到入口食，因為佢調味都唔錯，好惹味，不過滲透唔到入深層！糙米飯：正常既，唔會太硬食唔到，不過比起菠菜飯同蕃茄飯的話，我地會推薦：蕃茄飯>菠菜飯>糙米飯！因為有味飯好味d屈小姐之選：2）三文魚沙律餐：4⭐️今次塊三文魚好好多啦！因為係熱既！三文魚既魚味同肉質即時好好多！ 鍾意食三文魚既人好值得推薦比大家！總結：其實，北角呢間HC有值得讚既地方，又有值得彈既地方！值得鑽既，係呢度既三文魚真心好食好多，同埋有位坐闊落好多不過以上既條件係要配合職員，因為試過一次係個職員比較Hea既，魚係凍既，就連冇咩配料都好，佢都唔會主動補其他比你！同埋有個重點係⋯點解突然全間餐廳都變左用塑膠餐盒同餐具食既？明明以前都仲有緊玻璃碟同金屬餐具⋯造成好多垃圾呢至於中環果間HC，水準穩定，份數多過北角好多，除左配料好多之外，（有時佢一份仲比2種飯我地，係冇減份量，即係多左一份飯），佢既主食都大份好多，三文魚係有最少2塊嫁！不過熱既程度冇北角咁好！所以，鍾意食HC既大家，我地既建議係：想食飽D去中環，想減肥同坐得舒服d就去北角！#屈小姐好強勁哦#差D操死賴生了#能陪著妳跑的我很幸運#雞胸也可以的

有時午餐真係唔想食得太飽肚，因為番到office 下午好易恰眼訓～所以好多時我都會選擇沙拉黎醫肚～鰂魚涌最近開左一間新既餐廳，主打health chicken salad ，今日決定一試！嘩嘩嘩！估唔到佢咁大碟，女仔如果細食既，絕對可以同人share ! 呢個雞脾沙拉除左有一隻手掌咁大既雞脾，仲有大量沙拉菜、豆、粟米粒、蕃茄粒、洋蔥粒、芝士同埋一小份飯（有菠菜飯、蕃茄飯、紅米飯選擇）～醬汁方面亦有幾種口味選擇，老闆就推介呢隻白色既garlic醬汁，比較惹味！雞脾方面，肉質方面幾嫩滑，一啲都唔鞋，煎得亦好香口～真係估唔到沙拉都可以食到咁豐富🤣呢個沙拉一定唔係for 你減肥🤣🤣🤣除左沙拉，餐廳仲有pasta 、pancakes 、窩夫、咖啡等等，都好似好吸引咁！下次再試埋其他！

依家返工路程遠左, 唔想拎住個好重既飯盒轉車又轉車, 所以多左出街食或者外賣。

佢個名叫Healthy Chicken, 其實有幾咁healthy呢?12pm去到, 有34個人坐係到食緊, 地方唔算大, 全部職員講英文!一早就已經諗好食呢個chicken leg meal set, 有飯, 有salad, 有雞比, 都夠二合為一既食量。

買既過程好順利, 首先講好你要邊個set, 再揀你想要既sides (除左cheese, 我全部都要), 最後揀sauce。

就係咁, 埋單多謝$72返到公司一打開個袋, 嘩, 個盒大到呢打開佢, 都真係唔野少, 多到, 滿。

Overall, 啲salad菜唔可以話好新鮮, 但起碼你望住佢都會放得入口。

即係咁, 啲salad遮住左隻比, 但隻比又真係好大, 成支鉛字筆咁長。

個皮醃得好好味, 但呢個味入唔到啲肉到, 加上比入面仲有少少未熟透, 不過佢係juicy既$72咁大盒, 堅係飽既, 但係淨講個sauce都已經唔夠healthy, 所以下次要再諗諗先

今日星期四,又係要放工去練合唱團,練之前當然要醫肚啦,今日就決定食雞~可能早,無咩人,有兩個外藉後生仔店員係度HEA緊,當然佢地見我行入黎就即刻進入工作狀態啦~呢度係叫完野食俾錢先坐低食既,佢都幾多款式,有沙律加飯,有WRAP,有三文魚,有雞脾,有1/4,1/2同全隻雞~ 最後我叫左個半隻雞沙律加飯~店員會逐樣問我邊D配料要,最後我同佢講話係部都要就得~呢個店員係講英文,收錢果個識講中文~俾完錢坐低一打開個盒,嘩,真係好豐富,好似食沙律咁,滿到連果半隻雞同埋飯都見唔到,佢有好多隻醬,我呢隻係辣椒醬,都真係辣GA~至於飯佢都有糙米,蕃茄飯同菠菜飯,我揀左後者~等我撥開望下隻雞同飯先~望完就起動啦~有好多配料,羅馬生菜,粟米,鷹咀豆,青紅黃椒,蕃茄粒,芝士,樣樣都落左好多，好似好健康咁~個飯雖然無乜菠菜味,但望落都幾吸引~食到差唔多終於到主角,燒雞啦~~其實一路食都聞到佢既香味,雖然食落D皮唔係好脆(可能因為我攤左好耐掛),但係味道係唔錯,唔會太咸又唔會無味,D肉一D都唔老,用佢提供既膠叉膠刀都可以切哂食得一乾二淨~食完臨走店員雖然都忙緊處理其他客既ORDER,但佢地留意到我走都會好大聲講既GOODBYE同THANK YOU~見到佢MENU個WRAP都幾吸引GA,有機會一定再黎~

#chickenbreast #box ($72)健康啲、食清啲、但貴啲#選擇困難症 #大敵 ，因為呢度買一個mealbox要揀好多野Step 1) 雞 （雞比、雞翼、雞胸、半隻雞、全隻雞）或魚Step 2) 飯 （菠菜飯、蕃茄飯、白飯）Step 3) 牛油果 （+$$$$)Step 4) 豆、沙律菜 （6、7款）Step 5) 醬 （4、5款）咁多選擇、可以配搭成好多唔同組合、餓底今次就「懶健康」咁選雞胸帶微溫同香料味、先醃後焗、味道還好、但雞胸肉煮得有點老菠菜飯食唔出菠菜味、顏色幾吸引就是了豆、所有菜 尚算新鮮、不過不失一盒嘅份量都幾多、雞肉多到食唔曬，味道方面一般啦、我冇乜用慾望想再去就是了

Healthy Chicken餐單提供多國菜等推介美食位於鰂魚涌區，餐廳座位數未知人均消費約$51-100，結賬可以用現金。

您對於鰂魚涌餐廳「Healthy Chicken」有何 comment？

Healthy Chicken餐廳詳細資料：

• Healthy Chicken地址:
  鰂魚涌海光街10號地下D8號舖
  Healthy Chicken, Shop D8, G/ F,10 Hoi Kwong Street, Quarry Bay
• Healthy Chicken電話:  
• Healthy Chicken價錢: $51-100
• 分類: 多國菜
• 座位: 未知
• 付款: 現金
• FB專頁: Healthy Chicken Facebook

更多Healthy Chicken相關資料:

• Healthy Chicken分店
• Youtube
• Facebook
• Twitter
• Google