1+1 冰室 鰂魚涌

1+1 冰室 評價 相片

改名前都係麻麻，其望易主後會改進（我太天真了）。

今日假期冇乜地方下午Tea....一般特餐都應該唔太差，雖然貴少少。

瑞士雞翼撈公仔麵配煎蛋方包加凍飲。

承惠$48。

瑞士雞翼，可能佢地個瑞士跟我知的不同啦。

只係一個深色芡汁, 超三低（低咸味低甜味低水平。

直接講係冇味。

）重玩下花邊裝飾喎！獨一無二方包，厨司親製作，有打指紋㗎，前後都有，超認真做事叫做冰室，好似高級d，但質素比唔上東菇亭檔口。

成日都話，俾d心機煮，食客係感受到，好味道俾多少少錢都冇問題㗎！收48文，已經唔算平㗎。

這間冰室改名後未黎過，今次先試下早餐。

裝修比較似新派快餐，唔多似冰室，不過都係差不多那類食物歸納叫茶餐廳。

早餐我例牌公仔麵，沙嗲牛肉味道幾適中，麵較為腍。

午餐肉較薄，但這裏價錢算平。

附近冇咩米線食見到哩間有所以入黎食叫咗麻辣米線個米線好林，好難夾起個湯底真係好唔得好油，仲有陣好似羊既穌味真係唔知佢點整先整出咁既味d餸又好hea配料又得好少45蚊三餸，同車仔麵比仲要hea d真係冇下次坐位安排又好混亂坐低之外已經被叫調位兩次我都明香港地方細，係好難坐得舒服不過都應該要諗下點分配客人，下下調黎調去，仲亂人地好多專整米線既舖頭用咗好多心機去搞所以咁冇咩心機整，不如就唔好整啦，唔好浪費食物

呢間餐廳都開左一段時間，印象中係接左手改左名。

開左咁耐都未試過，反正係屋企附近就嗌左個外賣試試佢，呢一篇野係我第一篇係開飯寫嘅食評，亦專登為呢篇野登記左個帳號。

我嗌左個麻辣米線餐 $45 三個餸包杯野飲，其實呢個價錢都偏貴，不過無所謂，反正附近都無得食麻辣米線，就算有都山哂門，所以就試試佢。

因為我係外賣，碗野黎到嘅時候我仲覺得咦ok喎有分湯。

一打開已經有啲無奈，三個餸我嗌左牛丸貢丸同午餐肉，午餐肉只有一塊而且都唔係厚，丸就每款得兩粒，呢個價位啲餸竟然得咁小我已經扣左好多分，不過都算諗住好食就ok。

我再打開埋個湯就已經知我深深地中左伏，所謂麻辣湯底係無任何香料(即係花椒辣椒個類)，一睇就知全味精，有一層辣油浮左係面，呢隻味就同李x記嘅麻辣火鍋湯包一模一樣。

其實唔在行整麻辣湯大可以唔整，而唔係咁無誠意，餸已經唔多連個湯都唔落多小小功夫，真係唔會再幫襯第二次😅雖然唔知店家其他野好唔好食但我個人黎講食完呢碗野，個感覺其實都幾cheap因為湯又是但餸又小，就算其他野可能好食都唔敢再幫襯，因為唔知下次又唔知會中咩伏。

下面補上湯嘅相片

我之前都提過其實而家好多餐廳，間間都叫做冰室。

真係嘅，冰室個感覺就係令人覺得好食啲，好味啲，d嘢懷舊啲，水準應該都會高啲。

但係當越來越多人濫用呢一個名稱嗰陣時候呢，呢水準就每況愈下。

係揀緊食乜嘢早餐嗰陣時候，其實都經過幾間餐廳，但係就覺得冇乜特別，都係嗰啲早餐，所以冇入到去食。

直到經過呢一間冰室，見到個名又係冰室就入咗去。

一入到去聞到味道其實唔太好，有啲焗臭嘅味道，環境來講就一般茶餐廳嘅形式。

叫咗個價值＄27嘅早餐，有一條腸仔，一個炒蛋，五香肉丁米線。

腸仔就唔使講都係一條普通嘅腸仔。

炒蛋反而就值得一題佢係傳統嘅炒蛋方法冇加任何野，蛋質都幾滑唔會煎到全熟。

米線啲肉丁都幾多下，個米線係滑嘅，仲煮得淋，但湯底就係普通咗啲。

味道同埋質素來講都完全唔係我食開嗰啲冰室嘅質素，係普通茶餐廳質素，的確係有啲失望。

1+1 冰室餐單提供港式, 茶餐廳, 冰室等推介美食位於鰂魚涌區，餐廳座位數未知人均消費約$50以下，結賬可以用現金。

您對於鰂魚涌餐廳「1+1 冰室」有何 comment？

1+1 冰室餐廳詳細資料：

• 1+1 冰室地址:
  鰂魚涌英皇道955號地下A舖
  1+1 Restaurant, Shop A, G/ F,955 King's Road, Quarry Bay
• 1+1 冰室電話:  
• 1+1 冰室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 1+1 冰室 Facebook

更多1+1 冰室相關資料:

• 1+1 冰室分店
• Youtube
• Facebook
• Twitter
• Google