銀龍咖啡茶座 鯉魚門

銀龍咖啡茶座 評價 相片

昨天行完魔鬼山，下午行到去鯉魚門，肚餓要補充下能量。

見到海鮮街呢間銀龍茶餐廳，幾多人好熱鬧，心想應該不錯，咪入去試下。

見每枱都有叫奶茶同腐乳西多，咪問下美女店員乜係腐乳西多，女店員好好禮貌，介紹完我立即試下。

杯熱奶茶好正 ! 又滑又有濃香茶味 ! 比而家啲冰室奶茶有茶味好多。

腐乳西多，未食前有啲擔心味道，點知食落好好味 ! 真是有創意同心思。

食飽飽，見到隔離枱的人叫了紅豆冰同餐蛋麵，聽到佢地話好好味，下次嚟到一定要試埋

上網看到話鯉魚門最出名的茶記叫銀龍茶餐廳，即管去試吓。

專程行去揾這間有什麼特色一試。

自標奶茶好出名，茶味好一般，得個名，重話攞個奬，名過其實，好失望，連一般的茶餐廳都不如！見餐牌有個腐魚西多，緊要試吓啦，外面真係未食過，對依個好有期望，雖然冇得和別家比較，可以整得出一般茶記冇嘅，斷估應該好有特色否則都不會做招牌菜式啦！希望愈大就失望愈大，冇特色，冇腐魚味，只標奇立意，超失望，可見其他都唔慌有水準，價錢又唔係平！嚇到唔敢再試其他嘢，貴夾唔好食，不值一試。

那日遊客又唔係多，但一坐落就話只可食半小時嘅規矩，就已經好趕客，都唔知係咪咁胃口即時減半，何況食物真係麻麻過麻麻，不值一顧。

情願個胃留番黎幫襯食街邊亞婆嘅茶菓好過！浪費咗！

❤蛋白腐乳西多士~好香脆, 好好味。

腐乳嘅鹹香同西多士已經好夾, 再加埋煉奶, 變得鹹鹹甜甜, 但估唔到咁夾💙芒果布甸~真材實料, 好多芒果, 多到每啖都會食到果肉, 而且布甸亦都冇粉味, 仲好滑, 又夠甜, 又夠凍, 好好食💜凍至尊奶茶王~香濃幼滑, 好飲又夠冰凍，夏天熱辣辣飲番杯透心涼, 正！！❤紅豆冰~又係真材實料, 紅豆有差唔多半杯咁多，好好味💙而且啲服務員全部都好有禮貌，服務好，落單快，上菜又快❤💙💜❤💙💜❤💙💜❤💙💜❤💙

朋友今日帶我去鯉魚門半日遊。

去行海外線和廢石礦場前，我們先去食些嘢，佢帶我去這藍店茶餐廳。

我食嘢一定唔會分顏色，因我覺不應什麼都和政治化混埋一談。

總知，有好的食品，便要尊重廚師的制作，便去欣賞好了？我們只是輕食，叫咗兩份餐蛋治，厚厚的新鮮麵包，好好味。

也叫了一杯鴛鴦, 茶和咖啡的份量配搭得非常好，少奶，我比高份。

全店的店員都好有善，地方很清潔，舒適。

可以一試。

兒時住在油塘，常常走落鯉魚門玩。

一晃眼三十年，近排趁得閒，帶家母舊地，重拾昔日回憶。

鯉魚門D蛋卷餅仔店依舊，行得咁上下，係時候歇下腳，試吓傳說中嘅「蛋白腐乳西多士」。

銀龍係好地道果種茶餐廳，甚至可以用地茂去形容，去之前要有心理準備。

嚟呢度有三樣嘢要試：腐乳蛋白西多、芒果布甸同至尊奶茶。

西多士同腐乳夾咩？對我嚟講兩樣野真係風馬牛不相及，腐乳夾在西多中，又鹹又甜，新鮮感有餘但不是我杯茶，但家母卻十分欣賞，可能呢啲就係舊情懷。

反而個芒果布甸好味。

雖則個包裝麻麻地，但多果肉足料，布甸質戚軟硬適中口感好，唔會死甜，重放低花奶任你斟，真心好味。

至於至尊奶茶，媽媽讚不絕口，話又香濃又滑，聽說是得奬奶茶，由於都係地茂式既土炮茶餐廳，裝修同衞生都較一般，去食既話要有心理準備，主要真係係食個情懷。

環境6/10服務7/10食物7/10衞生6/10

銀龍咖啡茶座餐單提供港式, 茶餐廳, 冰室, 咪嘥嘢食店等推介美食位於鯉魚門區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 23480711 查詢。

您對於鯉魚門餐廳「銀龍咖啡茶座」有何 comment？

銀龍咖啡茶座餐廳詳細資料：

• 銀龍咖啡茶座地址:
  鯉魚門鯉魚門海傍道中31號地下B號舖
  銀龍咖啡茶座, Shop B, G/ F,31 Lei Yue Mun Praya Road, Lei Yue Mun
• 銀龍咖啡茶座電話: 23480711
• 銀龍咖啡茶座價錢: $50以下
• 分類: 港式, 茶餐廳, 冰室, 咪嘥嘢食店
• 座位: 未知
• 付款: AlipayHK,支付寶,現金
• FB專頁: 銀龍咖啡茶座 Facebook

更多銀龍咖啡茶座相關資料:

• 銀龍咖啡茶座分店
• Youtube
• Facebook
• Twitter
• Google